ព្រះសីហនុ ៖ ថ្មីៗនេះយោងតាមប្រភពពីមន្ត្រីរាជការនៅក្នុងមន្ទីរសាធារណ ការនិងដឹកជញ្ជូនខេត្តព្រះសីហនុបានបង្ហើបឲ្យដឹងថា លោក បូរី វង្សសានិត្យ ចាប់តាំងពីទទួលបានតំណែង ជាប្រធានមន្ទីរសាធារណការនិងដឹកជញ្ជូនខេត្តព្រះសីហនុ រួចមកគឺលោក បូរី វង្សសានិត្យ កំពុងសប្បាយ ចិត្តប្រមូលលុយតាមរបៀបពុករលួយ។ហើយបើកដៃឲ្យក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តស្ទឹងច្រាលផ្លូវជាតិលេខ៤ ស្រុកកំពង់សិលា ហ៊ានប្រែ ក្លាយទៅជាជញ្ជីងថ្លឹងលុយគឺដោយ សារតែមានការឃុបឃិតបើកដៃពីសំណាក់លោក បូរី វង្សសានិត្យ ដែលមានខ្នងបង្អែករឹងមាំនៅក្រសួងសាធារណការនិងដឹកជញ្ជូនចាំការពារដែលបណ្ដោយឲ្យលោក បូរី វង្សសានិត្យធ្វើអ្វីៗស្រេចតែអំពើចិត្ត ។
ប្រភពពីក្រុមឈ្មួញនិងក្រុមអាជីវករដឹកជញ្ជូនទំនិញឆ្លងកាត់ផ្លូវជាតិលេខ៤ ស្រុកកំពង់សិលាបានបង្ហើ បឲ្យដឹងទៀតថា ក្នុងមួយថ្ងៃៗមានរថយន្តដឹកជញ្ជូនទំនិញ ដឹកជញ្ជូនក្រួស ដឹក ជញ្ជូនថ្ម ឆ្លងកាត់មុខស្ថានីយ៍ជញ្ជីងថ្លឹងរថយន្តស្ទឹងច្រាល ចាប់ពី៣០០គ្រឿងឡើងទៅ ដូច្នេះជាប្រភពចំណូល លោកប្រធានស្ថានីយ៍ជញ្ជីងនិងបក្ខពួកប្រមូលបានលុយមិនតិចឡើយ។
ប្រភពបន្តថា រថយន្តផ្ទុកលើសទម្ងន់ឬមិនលើសទម្ងន់អោយតែបើកបរឆ្លង កាត់មុខស្ថានីយ៍ជញ្ជីងថ្លឹងរថយន្តស្ទឹងច្រាលផ្លូវជាតិ៤ ដោយមិនចាំបាច់ចូលថ្លឹងឡើយ ហើយរថយន្តផ្ទុកលើសទម្ងន់មិនលើសទម្ងន់អោយបង់តែលុយតាមការ កំណត់របស់លោកប្រធានក្រុមប្រចាំស្ថានីយ៍ជញ្ជីងថ្លឺង ជាការស្រេច។
ប្រភពបន្ថែមថា លោក ប្រធានស្ថានីយ៍ជញ្ជីងថ្លឹងរថយន្តស្ទឹងច្រាលផ្លូវជាតិ លេខ៤ តែងតែប្រើឈ្មោះប្រធានមន្ទីរសាធារណការខេត្តព្រះសីហនុ និងប្រើឈ្មោះមន្ត្រីធំៗក្នុងក្រសួងសាធារណ ការមួយចំនួនដើម្បីបិទបាំងទង្វើមិនប្រក្រ តីនិងអំពើពុករលួយរបស់ខ្លួនយ៉ាងក្រអឺតក្រទមជាទី បំផុត។
ការដែលលោក ប្រធានស្ថានីយ៍ជញ្ជីងថ្លឹងរថយន្តស្ទឹងច្រាល ផ្លូវជាតិលេខ៤ ស្រុកកំពង់សិលា ហ៊ានធ្វើអ្វីៗតាមអំពើចិត្តបាននោះអាចជាប្រភពចំណូលរបស់លោក សេង ឈួន ដែលជាមេជញ្ជីងថ្លឹងរថយន្តទូទាំងប្រទេសផង ដែរ។
ប្រជាពលរដ្ឋស្នើសុំដល់ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណ ការនិងដឹកជញ្ជូនគួរពិនិត្យ ចាត់វិធានការដាក់ការស្រាវ ជ្រាវផងទាន ? មិនគួរណាបណ្ដែតបណ្ដោយឲ្យប្រធានមន្ទីរសាធារណការខេត្តព្រះសីហនុ និងក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តស្ទឹងច្រាល ធ្វើអ្វីៗស្រេចអំពើចិត្តនោះទេ។ ដូច្នេះ ឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយ ដែលធ្លាប់ប្ដេជ្ញាលុបបំបាត់អំពើពុករលួយនៅតាមដង ផ្លូវនោះ មិនគួរមើលរំលងនូវអំពើពុករលួយយ៉ាងរាល ដាលរបស់ក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តស្ទឹងច្រាលផ្លូវជាតិលេខ៤ ស្រុកកំពង់សិលា ខេត្តព្រះសីហនុ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់បកស្រាយពីលោក បូរី វង្សសានិត្យប្រធានមន្ទីរសាធារណការនឹងដឹកជញ្ជូន ខេត្តព្រះសីហនុ និងលោកប្រធានក្រុមប្រចាំស្ថានីយ៍ជញ្ជីងថ្លឹងរថយន្តស្ទឹងច្រាល ស្រុកកំពង់សិ លា ខេត្តព្រះសី ហនុ រាល់ម៉ោងធ្វើការ ៕មានត
