ក្រុមឧក្រិតជនបំផ្លាញព្រៃឈើមួយក្រុមមកវាយ ប្រហារលើអ្នកសារព័ត៌មានម្នាក់អោយរងរបួសយ៉ាង ធ្ងន់ធ្ងរស្ថិតនៅចំណុចផ្លូវការ៉េ ៩៩៩៩ ឃុំក្រញូងសែនជ័យ ស្រុកស្នួលខេត្តក្រចេះ.!

ខេត្តក្រចេះ ៖ អ្នកសារព័ត៌មានម្នាក់ត្រូវគេបានស្គាល់ឈ្មោះសាន សុីម នៅអង្គភាព ការសែតសម្រែកសត្រីខ្មែរ ត្រូវបានក្រុមពួកអ្នករកសុីបទឈ្មើសព្រៃ ឈើព្រួតគ្នាវាយបណ្តាលអោយរងរបួលយ៉ាងធ្ងន់ធ្ងរត្រូវបានក្រុមគ្រួសារបញ្ជូនយកទៅសង្គ្រោះនៅ ឯមន្ទីពេទ្យក្រញូងសែនជ័យ ។ ហេតុការនេះបានកើតឡើងនៅចំណុចផ្លូវការ៉េ ៩៩៩ ៩. ល្ងាចថ្ងៃទី ១៨ខែកក្កដាឆ្នាំ២០២២នេះ វេលាម៉ោង ១៤.៤០នាទី ក្នុង ភូមិ ឃុំ គ្រញូង សែនជ័យ ស្រុកស្នួល ខេត្តក្រចេះ។
បើតាមប្រភពពីកន្លែងកើត ហេតុបានអោយដឹងថា លោក សាន សុីម ហៅ រ៉ា តែងតែចុះយកព័ត៌មាននៅចំណុចផ្លូវការ៉េ៩៩៩ ៩.ដូចសព្វរាល់ដង ចំងាយពីស្ពានដែកអូរខ្យង ២០០ ម៉ែត្រ អង្គុយក្រោមម្លប់ដើមស្វាយ ជាមួយអ្នកសារព័ត៌ មានពីទៅបីនាក់ក៍ស្រាប់តែមានជនសង្ស័យចំនួន៣ នាក់ចុះពីលើម៉ូតូប្រដាប់ ដោយ ដំបងមកវាយហារយ៉ាងសន្ធាប់មកលើជនរង គ្រោះឈ្មោះ សាន សុីម ហៅ រ៉ា យ៉ាងខ្លាំងចាស់ដៃបណ្តាលអោយជនរងគ្រោះរបួសយ៉ាងធ្ងន់ធ្ងរ។
បើតាមការបញ្ជាក់ពីលោកសាន សុីម ហៅ រ៉ា បានប្រាប់អោយដឹងទៀតថា កុំតែបានអ្នកកាសែតជួយឃាត់ទាន់កុំអីរូបលោកប្រាកដបាត់បង់ដល់អាយុៈជីវិតនៅកន្លែងកើតហេតុជាក់  ជាមិនខានឡើយ ។ បច្ចុប្បន្នជនរងគ្រោះមានទីលំនៅភូមិប៉ោដើមស្វាយ ឃុំក្រញូងសែនជ័យស្រុកស្នួលខេត្តក្រចេះ។លោកបានបញ្ជាក់ទៀតថា ប្រហែលពួកជនសង្ស័យទាំងនោះខឹងសម្បារនិងលោក តែងតែថតពីសកម្ម ភាពដឹកជញ្ជូនបទល្មើសព្រៃឈើរបស់ពួកគេហើយបាញ់បញ្ជូនទៅតាមគ្រុប អ្នកសារព័ត៌មាន និងរាយ ការណ៍ជូនដល់សមត្ថកិច្ចជាញឹកញាប់ ទើបកើត ជាគំនុំបែបនេះ។
តាមប្រភពពីជនរងគ្រោះបានបញ្ជាក់តាមរយះការធ្វើបទសំភាសផ្ទាល់មាត់ជា មួយក្រុមសារព័ត៌មាន បានអោយដឹងនៅល្ងាចថ្ងៃដដែលនោះថា ជនសង្ស័យដែលវាយមកលើរូបលោកត្រូវបានស្គាល់ឈ្មោះហើយទី១ឈ្មោះខ្យង ភេទប្រុសជាតិខ្មែរ ។ទី២ ឈ្មោះសិត ភេទប្រុសមានទីលំនៅភូមិក្រញូង សែនជ័យ និងទី៣ ឈ្មោះតឿ ភេទប្រុស ស្នាក់នៅភូមិឃុំក្រញូងសែនជ័យស្រុកស្នួលខេត្តក្រចេះដូចគ្នា។បច្ចុប្បន្នជនរងគ្រោះបានមកដាក់បណ្តឺងនៅប៉ុស្តិ៍នគរបាល រដ្ឋបាល ក្រញូងសែនជ័យដើម្បីអោយសមត្ថកិច្ចចាប់ជនដៃដល់យកមកផ្តន្ទាទោសតាមច្បាប់និងរកយុត្តិធម៌ដល់រូបគាត់ ផងជាជនរងគ្រោះ។សូមបញ្ជាក់ថា ពេលនេះជនរងគ្រោះកំពុងមានស្ថានភាពរបួសធ្ងន់ធ្ងរកុំពុងតែសំរាកព្យា បាលនៅមន្ទីរពេទ្យនៅ ឡើយទេ៕