ប្រភពពីមន្រ្តីគយនៅក្នុងខេត្តព្រះសី ហនុ បានបង្ហើបអោយដឹងថា ក្រោយពេលទទួលបានតំណែងជាមេ គយចល័តផ្ទៃប្រទេសតំបន់ ៣ មួយរយៈពេលមកគឺលោក នុត លីឆូយ រងនូវការរិះគន់ពីមហាជនប្រព្រឹត្តរបៀបអំពើ ពុករលួយខ្លាំង ក្លាជាងកាលលោកនៅធ្វើ ជាប្រធានការិយាល័យគយច្រកចាំយាម ខេត្តកោះកុងទៅទៀត។
ប្រភពបានបន្តអោយដឹងទៀតថា ក្រុម មន្រ្តីគយចល័តផ្ធៃប្រទេសតំបន់៣ ផ្លូវជាតិលេខ៤ ក្រោមការគ្រប់គ្រងរបស់លោក នុត លីឆូយ មេគយចល័តផ្ទៃប្រទេសតំបន់៣ គាបយកលុយពីក្រុមឈ្មួញនិងអាជីវករតាមអំពើចិត្ត មិនខ្វល់ពីការរិះគន់អ្វីទាំង អស់ ។ ដែលបញ្ហានេះលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុគួរពិនិត្យឡើងវិញព្រោះបច្ចុប្បន្នលោក នុត លី ឆូយ មេគយចល័តផ្ធៃប្រទេសតំបន់៣ ដែលអាងមានខ្នងបង្អែករឹងមាំ ប្រព្រឹត្តរបៀបអំពើពុករលួ យយ៉ាងពេញបន្ទុកហើយ។
យោងប្រភពថ្មីៗនេះរឿង អាស្រូវពុករលួយរបស់លោក នុត លីឆូយ មេគយចល័តផ្ទៃប្រទេសតំបន់៣ ទទួលបន្ទុក ៥ខេត្តគឺខេត្តព្រះសីហនុ ខេត្តកោះកុង ខេត្តកំពង់ស្ពឺ ខេត្តកែបនិងខេត្តកំពត ត្រូវបានមហា ជនលាត ត្រដាងជាបន្ត បន្ទាប់ ជាពិសេសទាក់ទងនៅនិងការប្រមូលលុយពីក្រុមឈ្មួញដឹកជញ្ជូនទំនិញឆ្លងកាត់ខេត្តទាំង៥តែម្តង។ ប៉ុន្តែលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនចាត់វិធានការទប់ស្កាត់នូវអំពើពុករលួយពេញ ទំហឹងរបស់លោក នុត លីឆូយ ប្រធានការិយាល័យស្រាវជ្រាវនិងបង្ក្រាបអំពើរត់ពន្ធតំបន់៣ ឬហៅថា មេគយចល័តផ្ទៃប្រទេសតំបន់ ៣នោះទេ។
ហេតុនេះហើយទើបមានសេចក្តីអំពាវ នាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ដែលធ្លាប់ប្តេជ្ញាលុបបំបាត់អំពើពុករលួយតាមដងផ្លូវ ចាត់វិធានការទប់ស្កាត់អំពើពុករលួយរបស់ក្រុមមន្ត្រីគយចល័តផ្ទៃប្រទេសតំបន់៣ ខ្លះៗផង។ ប្រភពស្និទ្ធនឹងលោក នុត លីឆូយ បានបន្ថែមឲ្យដឹងថា ដោយ សារមានខ្នងបង្អែករឹងមាំនៅក្នុងក្រសួងសេដ្ឋកិច្ចនិងហិរញ្ញវត្ថុ ក៏ដូចជានៅក្នុងអគ្គនាយ កដ្ឋានគយនិងរដ្ឋាករកម្ពុជា ទើបលោក នុត លីឆូយ ទទួលបានតំណែង ជាមេ គយចល័តផ្ទៃប្រទេសតំបន់៣និងទទួ ល បន្ទុក៥ខេត្តយ៉ាងរំភើយ។
ប្រភពបានឲ្យដឹងទៀតថា ខ្នងបង្អែករបស់លោក នុត លីឆូយ មេគយចល័តផ្ទៃប្រទេសតំបន់៣ ជានរណានោះគឺលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ បានដឹងយ៉ាងច្បាស់។ ជាងនេះទៅទៀតរឿងលោក នុត លីឆូយ ចំណាយដើមទុនយ៉ាង ច្រើនក្នុងការទទួលបានតំណែងជាមេគយចល័តផ្ទៃប្រទេសតំបន់៣ ទទួល បន្ទុក៥ខេត្តគឺលោក គុណ ញឹម អគ្គនាយកគយ ដឹងច្បាស់ជាងគេ។
ប្រភពឈ្មួញនិងអាជីវករបានបន្ថែមថា លោក នុត លីឆូយ ទទួលបានតំណែងមេគយចល័តផ្ទៃប្រទេសតំបន់៣ នោះ មកបានបើដៃអោយកូនចៅខ្លួនគាប យកលុយលើតុក្រោមតុតាម អំពើចិត្តនិងតាមការកំណត់របស់លោក នុត លីឆូយ មិនអាចតវ៉ាបានឡើយ។បច្ចុប្បន្នលោក នុត លីឆូយ មេគយចល័តផ្ទៃប្រទេសតំបន់៣ ទទួលបន្ទុក ៥ ខេត្តខិតខំរិះរកគ្រប់វិធីសាសន៍ដើម្បីស្រង់ដើម ។
ពាក់ព័ន្ធនូវការរិះគន់ខាងលើគេហទំព័រ (www.enn -tv.com)យើងខ្ញុំរងចាំនូវការពន្យល់បកស្រាយពីលោក នុត លីឆូយ មេគយចល័តផ្ធៃប្រទេសតំបន់៣ ទទួលបន្ទុក ៥ ខេត្ត រាល់ម៉ោងធ្វើការ៕
