ប្រភពពីមន្រ្តីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តរតនគិរី បានឲ្យដឹងថា មួយរយៈកន្លងទៅនេះឈ្មួញឈ្មោះ ហូ ជីវ៉ៃ និងបក្ខពួកធ្វើសកម្មភាពដឹកជញ្ជូនឈើពីខេត្តរតនគិរី ចេញទៅស្រុកយួន តាមច្រកទ្វារអន្តរជាតិអូរយ៉ាដាវ ខ្លាំងក្លាជាងមុនទៅទៀត។ ការដែលមេឈ្មួញ ហូ ជីវ៉ៃ អាចដឹកជញ្ជូនឈើចេញ ទៅស្រុកយួន តាមច្រកទ្វារអន្តជាតិអូរ យ៉ាដាវ យ៉ាងរលូនគឺមានការបើកដៃពីសំណាក់លោក ខឹម ចិត្រា នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ដែលល្បីល្បាញខាង ពុករលួយផងដែរ។ ចំណែកលោក ថាវ យ៉េន មេបញ្ជាការកង រាជអាវុធហត្ថខេត្តរតនគិរី ក៏ដូចជាលោក ញ៉ែម សំអឿន អភិបាលខេត្តរតនគិរី និងលោក យិន ចំណាន ស្នងការនគរ បាលខេត្ត រតនគិរី សម្ងំស្ងាត់ឈឹងទុកឲ្យឈ្មួញឈ្មោះ ហូ ជីវ៉ៃ និងបក្ខពួកធ្វើអ្វីៗតាមអំពើ ចិត្ត។
ប្រភពស្និទ្ធនឹងឈ្មួញឈ្មោះ ហូ ជីវ៉ៃ បានឲ្យដឹងថាបច្ចុប្បន្នឈ្មួញ រូបនេះ កៀង គរប្រជាពលរដ្ឋឲ្យចូលកាប់រំលំអារច្រៀកឈើនៅតំបន់ព្រំប្រទល់ស្រុកលំផាត់ ខេត្តរតនគិរី ជាប់ស្រុក កោះញ៉ែក ខេត្តមណ្ឌលគិរី យ៉ាងមហន្តរាយ។ បន្ទាប់មកឈ្មួញឈ្មោះ ហូ ជីវ៉ៃ និងបក្ខពួកប្រមូលទិញឈើទាំងនោះដឹកជញ្ជូនតាមរថយន្តសាំ យ៉ុង និងរថយន្តធុនធំ ចេញទៅស្រុក យួន តាមច្រកទ្វារអន្តរជាតិអូរយ៉ាដាវ យ៉ាងពេញទំហឹងគ្មានមន្រ្តីជំនាញ និងសមត្ថកិច្ចណាម្នាក់ហ៊ានប៉ះពាល់ឡើយ។ មន្រ្តីជំនាញនិងសមត្ថកិច្ចក្នុងខេត្តរតនគិរី សុទ្ធតែដឹងថាឈ្មួញឈ្មោះ ហូ ជីវ៉ៃ មានមន្រ្តីធំជាបង្អែកទើបពួកគេមិនហ៊ានប៉ះពាល់ ហើយមានតែជួយសម្រួលឲ្យឈ្មួញរូបនេះ និងបក្ខពួកអាចដឹកជញ្ជូនឈើទៅដល់គោលដៅយ៉ាងសុខស្រួល ។
មជ្ឈដ្ឋាននានាបានអំពាវនាវឲ្យថ្នាក់ដឹកនាំគណៈ កម្មការជាតិដើម្បីទប់ស្កាត់ និងបង្ក្រាបបទល្មើសធន ធានធម្មជាតិចាត់វិធានការបង្ក្រាបឈ្មួញឈ្មោះ ហូ ជីវ៉ៃ និងបក្ខពួកជាបន្ទាន់កុំឲ្យធ្វើអ្វីៗតាមអំពើចិត្តដូច សព្វថ្ងៃនេះទៀត។ ដោយហេតុថាបច្ចុប្បន្នឈ្មួញឈ្មោះ ហូ ជីវ៉ៃ ធ្វើ សកម្មភាពដឹកជញ្ជូនឈើទៅស្រុកយួន តាមច្រកទ្វារអន្តរជាតិអូរយ៉ាដាវ យ៉ាងពេញបន្ទុក ប៉ុន្តែមន្រ្តីជំនាញ មន្រ្តីអាជ្ញាធរ និងសមត្ថកិច្ចក្នុងខេត្តរតនគិរី មិនចាត់វិធានការបង្ក្រាបឡើយ។ ជាពិសេសលោក ថាវ យ៉េន មេបញ្ជាការកង រាជអាវុធហត្ថខេត្តរតនគិរី ព្រមទាំងលោក យិន ចំណាន ស្នងការនគរបាលខេត្តរតនគិរី និងលោក ញ៉ែម សំអឿន អភិ បាល ខេត្តរតនគិរី មិនហ៊ានប៉ះពាល់មេឈ្មួញឈ្មោះ ហូ ជីវ៉ៃ នោះទេ៕មានត
