ប្រភពពីមន្ត្រី អាជ្ញាធរ និងសមត្ថកិច្ចមូលដ្ឋានក្នុងឃុំប៉ក់ញ៉ៃ ស្រុកអូរ យ៉ាដាវ ខេត្តរតនគិរី បានឲ្យដឹងថា កាលពីយប់ថ្ងៃទី០៨ខែ មេឆ្នាំ២០១៩ សមត្ថ កិច្ចបង្ក្រាប រថយន្តឡង់គ្រឺស័រ កែច្នៃ១គ្រឿងនិង រថយន្តនីសាន់១ គ្រឿងដែលដឹកឈើបម្រុឆ្លងដែនទៅ ស្រុកយួនតាមប៉ុស្ដច្រកសេសាន ស្រុក អូរយ៉ាដាវ។
ក៏ប៉ុន្តែសមត្ថកិច្ចបង្ក្រាបមិនបានប៉ុន្មានម៉ោងផងក៏ដោះលែង ទៅវិញ ដោយ សារសកម្មភាពដឹកជញ្ជូនឈើនោះមាន ជាប់ ពាក់ព័ន្ធជាមួយមន្ត្រីនគរ បាលជាច្រើននាក់ដែលកំពុងប្រើតួនាទីនិងអំណាចឃុបឃិតគ្នាដឹកជញ្ជូនឈើចេញទៅស្រុកយួន។
បញ្ហានេះកំពុងធ្វើឲ្យមជ្ឈដ្ឋាននានារង់ចាំមើលចំណាត់ការ របស់លោកឧត្តមសេនីយ៍ទោ យិន ចំណាន ស្នងការខេត្តរតនគិរី ទៅលើមន្ត្រីនគរបាលក្រោម ឱវាទរបស់ខ្លួនដែល ឃុបឃិត
គ្នាដឹកជញ្ជូនឈើចេញទៅស្រុកយួន ។
ប្រភពពីមន្ត្រីអាជ្ញាធរមូល ដ្ឋានតូចតាចក្នុងឃុំប៉ក់ញ៉ៃ ស្រុក អូរយ៉ាដាវ បានឲ្យដឹងថា រថយន្តដឹកឈើទាំង២ គ្រឿងនោះជារបស់លោក ឌឹម ជឿន មេប៉ុស្ដិ៍ នគរ បាលរដ្ឋបាល ឃុំប៉ក់ញ៉៉ និងឈ្មោះ ច្រូច ដែលជាមេប៉ុស្ដិ៍ច្រកសេសានហើយក៏មានភាគហ៊ុនរបស់លោក ជា តារា នាយការិយាល័យនគរបាលប្រឆាំងបទល្មើសសេដ្ឋកិច្ចនៃស្នងការ ដ្ឋាននគរបាលខេត្តរតនគិរី ផងដែរ។
ប្រភពបានបង្ហើបឲ្យដឹងទៀត ថាលោក ជា តារា នាយការិយាល័យ នគរបាលប្រឆាំងបទល្មើ ស សេដ្ឋកិច្ច នៃស្នងការដ្ឋាននគរបាលខេត្តរតនគិរី តែងតែឃុបឃិត បើកដៃ ឲ្យមេឈ្មួញ ដឹកជញ្ជូ នឈើចេញទៅស្រុកយួនយ៉ាងពេញ បន្ទុកដើម្បីជាថ្នូរនឹងផលប្រយោជន៍។
ប្រសិនបើគ្មានលោក ជា តារា ជាបង្អែ កនោះទេគឺលោក ឌឹម ជឿន មេប៉ុស្ដិ៍ នគរបាលរដ្ឋបាល ឃុំ ប៉ក់ញ៉ៃ និងលោក ច្រូច ដែលជា មេប៉ុស្ដិ៍ច្រកសេសាន មិនហ៊ានធ្វើអ្វីៗតាមអំពើចិត្តរបស់ខ្លួនបាននោះទេ។
តាមប្រភពពីមន្ត្រីនគរបាលតូចតាចក្នុង ស្នងការដ្ឋាននគរបាលខេត្តរតនគិរី មួយ ចំនួនបានបង្ហើបឲ្យដឹងថា ក្រៅពីឃុបឃិតគ្នាឲ្យលោក ឌឹម ជឿន និងលោក ច្រូច ដឹកជញ្ជូនឈើចេញទៅស្រុកយួនយ៉ាងរលូន គឺលោក ជា តារា ឃុបឃិតឲ្យមេឈ្មួញជាច្រើននាក់ទៀតដឹកជញ្ជូនឈើចេញ ទៅស្រុកយួនតាមច្រកទ្វារអន្តរជាតិអូរយ៉ាដាវនិងតាមច្រករបៀងច្រើនទៀតក្នុងស្រុកអូរយ៉ាដាវ។
ប្រភពខ្លះបានបង្ហើបថាលោក ជា តារា បានដាក់ពង្រាយកូនចៅនៅលើដង ផ្លូវ ជាតិលេខ៧៨ ឃុំប៉ក់ញ៉ៃ ដើម្បីគៀបយកលុយពីក្រុមឈ្មួញដឹកជញ្ជូនឈើទៅស្រុកយួនយ៉ាងសុខស្រួល ហើយប្រសិនបើឈ្មួញណាមិនបង់លុយតាមការកំណត់ទេនោះ គឺលោក ជា តារា ព្រមទាំងបក្ខពួកចាត់វិធានការបង្ក្រាបជាមិនខានឡើយ។
ឯចំណែក លោក ឧត្តមសេនីយ៍ទោ យិន ចំណាន ស្នងការ នគរបាល ខេត្ត រតនគិរី មិនចាត់វិធានការបង្ក្រាបបទល្មើសព្រៃឈើប្រកបដោយប្រសិទ្ធភាពនោះទេ។
បែរជាបណ្ដោយឲ្យ លោក ជា តារា និងបក្ខពួកធ្វើអ្វីៗស្រេចតែអំពើចិត្ត ដោយល្មើស បទបញ្ជារ សម្តេចក្រឡាហោម ស ខេង ឧប នាយក រដ្ឋមន្រ្តី រដ្ឋមន្រ្តី ក្រសួងមហាផ្ទៃជាពិសេសម្ដេចតេជោ ហ៊ុន សែននាយក រដ្ឋមន្រ្តី នៃព្រះរាជា ណាចក្រ កម្ពុជា សម្ដេចបានកើនរម្លឹកដល់ អាជ្ញាធរ សមត្ថកិច្ចជំនាញពាក់ព័ន្ធ ទាំង អស់ត្រូវ ទប់ស្កាត់ បង្រ្កាប នូវបទល្មើស ឲ្យខានតែបានរាល់ទំនួញ
ឈើឆ្លងដែន។
ពាក់ព័ន្ធនូវការិះគន់ខាងលើគេហទំព័រ (www.enn-tv. com)យើងខ្ញុំរងចាំពន្យល់បកស្រាយពីលោក ជា តារា នាយការិយាល័យនគរបាលបង្រ្កាបបទល្មើសសេដ្ឋកិច្ចខេត្តរតនគីរីរាល់ម៉ោងធ្វើការ ៕
