ច្រករបៀងមួយចំនួនក្នុងខេត្តត្បូងឃ្មុំ គឺជាច្រកពិសេសសំរាប់មេឈ្មួញនិង មន្រ្តីសមត្ថកិច្ចពាក់ព័ន្ធមួយចំនួនឃុប ឃិតគ្នាក្នុងការដឹកជញ្ជូនផលអនុផល ព្រៃឈើឆ្លងដែនទៅប្រទេសវៀតណាម.!

ខេត្តត្បូងឃ្មុំ៖បន្ទាប់ពីមានការស្ងប់ស្ងាត់អស់មួយរយៈក្រោយពីមាន ការចុះបង្ក្រាប់របស់កម្លាំងកងរាជអាវុធហត្ថលើផ្ទៃប្រទេសទៅលើ សកម្មភាពដឹកជញ្ជូនឈើគ្រប់រូបភាពនោះមកបច្ចុប្បន្នបទល្មើស ព្រៃឈើកំពុងតែកក្រើកឡើងវិញហើយនៅក្នុងទឹកដីស្រុកមេមត់ ខេត្តត្បូងឃ្មុំដោយជ្រកក្រោមការដឹកជញ្ជូនឈើមានប៉េសេដែល ក្រុមឈ្មួញបានដឹកចេញពីតំបន់បាតអាងសេសានខេត្តស្ទឹងត្រែង តាមរថយន្ដវេអងយីឌុបឆ្លងកាត់ខេត្តក្រចេះចូលមកខេត្តត្បូងឃ្មុំ ដោយផ្អែកទៅលើច្បាប់ប៉េសេដែលចេញពីបាតអាងមកនោះហើ យយកមកដាក់តាមគោលដៅដែលត្រូវហែកប៉េសេអោយដាក់នៅ ក្នុងស្រុកមេមត់មានពីរកន្លែងដែលត្រូវដាក់ដើម្បីកែឆ្នៃប្រើក្នុងស្រុក តែបន្ទាប់ពីដឹកដល់គោលដៅទំលាក់ហើយបែជាក្រុមមេឈ្មួញៗ ទាំងនោះយករថយន្ដយីឌុបវេអងមកសាងដាក់បន្តយកទៅលក់នៅ ប្រទេសវៀតណាមតាមច្រកទន្លេចាមនិងច្រករបៀងមួយចំនួនទៀតទៅវិញ។
ប្រភពនៃការដឹកជញ្ជូនឈើខុសច្បាប់នេះដែរគេសង្កេតឃើញមាន រថយន្ដវេអងមួយចំនួនបានផ្ទុកឈើពេញៗរថយន្ដក្នុងមួយរថយន្ដ មិនក្រោមពី40ទៅ50ម៉ែត្រគូបនោះឡើយ។ការដឹកជញ្ជូនឈើខុសច្បាប់ឆ្លងទៅវៀតណាមក្នុងទឹកដីស្រុកមេមត់ បានរលូននេះគេដាក់ការសង្ស័យថាមានការឃុបឃិតគ្នាជាប្រព័ន្ធជា មួយសមត្តកច្ចពាក់ព័ន្ធនិងមន្រ្តីពុករលួយមួយចំនួននៅក្នុងខេត្តត្បូង ឃ្មុំហើយទើបក្រុមឈ្មួញធ្វើការដឹកឈើឆ្លងដែនបាននោះជាពិសេស មន្រ្តីគយដែលប្រចាំការនៅច្រករបៀងទាំងនោះតែម្ដង។
ប្រជាពលបានលើកឡើងថាបច្ចុប្បន្នគេសង្កេតឃើញថាមានកំលាំង កងរាជអាវុធហត្ថលើផ្ទៃប្រទេសដែលមានតួនាទីជាអ្នកទប់ស្កាត់បង្ក្រាប ធនធានធម្មជាតិបទល្មើសព្រៃឈើរដែលប្រចាំនៅភាគឦសាននោះ គ្រប់ទីកន្លែងបានដាក់ប៉ារាស់តាមបណ្ដាស្នាក់ការដែលឈរជើងគ្រប់ ទីកន្លែងនៅភាគឦសានតើហេតុអ្វីបានជារថយន្តយីឌុបដឹកឈើទៅ ដោយរលូនបែបនេះទៅវិញ ។មហាជនប្រជាពលរដ្ឋបានលើកឡើងបន្តថាឬមួយការដាក់ប៉ារ៉ាស់ ដើម្បីទប់ស្កាត់តែទៅលើឈ្មួញតូចតាចដែលដឹកឈើរតាមរយ:ម៉ូតូរ៉ឺ ម៉កឬរថយន្តសាំយ៉ុងទេដឹង?ហើយបែរជាមកបើកដៃអោយមេឈ្មួញ គ្រាក់ៗដូចជាឧកញ៉ាៗទៅវិញដែលជ្រកក្រោមស្លាក់ឈើបាត់អាង នឹងមានច្បាប់ប៉េសេជាឈើរប្រើក្នុងស្រុកដើម្បីបំភណ្ឌភ្នែកមជ្ឈដ្ឋានទូទៅ៕