ខេត្តត្បូងឃ្មុំ៖តាមប្រភពព័ត៌មានពីប្រជាពលរដ្ឋបានបង្ហើបថាលោក ស្រ៊ុនផឹងឡាយជាមេបញ្ជាការរងកងរាជអាវុធហត្ថស្រុកមេមត់និង ជាមេឈ្មួញឈើដ៏ល្បីខាងនាំចេញឈើប្រណិតប្រភេទក្រញូងធ្នង់ ចេញទៅលក់នៅវៀតណាមយ៉ាងរលូនដោយគ្មានការរំខានពីមន្រ្តី ជំនាញមានសមត្ថកិច្ចថ្នាក់ស្រុកឬថ្នាក់ខេត្តណាម្នាក់ឡើយមិនតែ ប៉ុណ្ណោះចំពោះមធ្យោបាយនៃការដឹកជញ្ជូនគឺលោកស្រ៊ុនផឹងឡាយ បានប្រើប្រាស់រថយន្តប្រភេទតាកូម៉ាហើយមានរថយន្តកាមេរីនិង រថយន្តវីហ្គោតាមដើម្បីបិទពីក្រោយរារាំងពីតាមប្រមាញ់របស់ក្រុម អ្នកសារព័ត៌មានរីឯសមត្ថកិច្ចវិញនោះគឺហាក់ដូចជាមិនហ៊ានចេញ មុខនិងយកតួនាទីមកអនុវត្តទប់ស្កាត់និងបង្រ្កាបលើមេឈ្មួញដែល ពាក់ស្បែកមន្រ្តីកងរាជអាវុធហត្ថរូបនេះឡើយ។ គួរបញ្ជាក់ផងដែរថាលោកស្រ៊ុនផឹងឡាយមិនត្រឹមតែយកស្បែកជា មន្រ្តីកងរាជអាវុធហត្ថមកធ្វើជំនួញឈើខុសច្បាប់របស់ខ្លួននាំចេញ ទៅវៀតណាមនោះទេថែមទាំងមករត់ការកាងឈើដែលចេញពីបណ្តា ខេត្តផ្សេងដែលឆ្លងកាត់ស្រុកមេមត់ដើម្បីនាំចេញតាមច្រកចន្ទមូល ឆ្លងដែនទៅវៀតណាមឬនាំទៅតាមបណ្តាខេត្តផ្សេងៗក៏ត្រូវតែមកទំ នាក់ទំនងជាមួយលោកស្រ៊ុនផឹងឡាយជាមុនសិនផងដែរបើមិនដូ ច្នេះទេគឺមិនអាចឆ្លងកាត់ទឹកដីស្រុកមេមត់បានឡើយព្រោះថាមន្រ្តី ជំនាញមានសមត្ថកិច្ចទាំងអស់នោះនិងរងចាំតែចាត់វិធានការណ៍ តាមផ្លូវច្បាប់បើករណីលោកស្រ៊ុនផឹងឡាយមិនយកខ្លួនមកកាង បទល្មើសទាំងនោះ។
តាមប្រភពពីប្រជាពលរដ្ឋម្នាក់ដែលរស់នៅស្រុកមេមត់បានខ្សឹប ប្រាប់ថាលោកស្រ៊ុនផឹងឡាយមិនត្រឹមតែមានតួនាទីជាមេបញ្ជាការ រងស្រុកមេមត់នោះទេគឺលោកមានទំនាក់ទំនងយ៉ាងស្អិតរមួតជាមួយ ថ្នាក់ដឹកនាំខេត្តដូចជាលោកវ៉ាសារឹទ្ធមេបញ្ជាការកងរាជអាវុធហត្ថខេត្ត ត្បូងឃ្មុំជាពិសេសគឺលោកមានទំនាក់ទំនងជាមួយតុលាការសាលា ដំបូងខេត្តត្បូងឃ្មុំនិងលោកគឹមឈុនលីដែលជានាយខណ្ឌរដ្ឋបាលព្រៃឈើខេត្តត្បូងឃ្មុំផងដែរទើបលោកគឹមឈុនលីមិនដែលហ៊ានប៉ះពាល់ឈ្មួញឈ្មោះ ស្រ៊ុន ផឹងឡាយ ទាល់តែសោះ។កក្តាទាំងនេះទើបធ្វើអោយលោកស្រ៊ុនផឹងឡាយមានខ្នងបង្អែកដ៏ ក្រាស់នៅពីក្រោយចាំការពារហេតុដូច្នេះទើបធ្វើអោយមន្រ្តីទាំងស្រុក មេមត់ព្រមទាំងមន្រ្តីថ្នាក់ខេត្តមិនហ៊ានប៉ះពាល់លោកបានឡើយ។
ក្នុងកំឡុងពេលថ្មីៗនេះប្រភពពីមន្ត្រីអាវុធហត្ថនៅទីបញ្ជាការដ្ឋានអាវុធហត្ថខេត្តត្បូងឃ្មុំម្នាក់សុំមិនបញ្ចេញឈ្មោះបានឲ្យដឹងថាលោក ស្រ៊ុនផឹងឡាយដែលជាមន្ត្រីអាវុធហត្ថនៅតែបន្តសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនជាច្រើនកន្លែងក្នុងស្រុកមេមត់ ខេត្តត្បូងឃ្មុំដោយគ្មានញញើតអ្វីទាំងអស់ស្របពេលដែលសកម្មភាព ការនាំចេញឈើឆ្លងដែនខុសច្បាប់នៅតាមច្រករបៀងផ្សេងៗក្នុងខេត្ត ក្រចេះជាពិសេសស្រុកស្នួលដែលមានព្រំប្រទល់ជាប់ស្រុកមេមត់គឺ មានសភាពស្ងប់ស្ងាត់ដូចចោរលួចសេះដែលថ្នាក់ដឹកនាំខេត្តក្រចេះ បានយកចិត្តទុកដាក់អនុវត្តតាមអនុសាសន៍ប្រមុខថ្នាក់ដឹកនាំក្នុង ការទប់ស្កាត់និងបង្រ្កាបបទល្មើសព្រៃឈើទូទាំងខេត្តយ៉ាងតឹងរឹងបំផុត។ ដោយឡែកតែស្រុកមេមត់គឺសង្កេតឃើញថាសកម្មភាពចរាចរដឹក ជញ្ជូនឈើឆ្លងដែនទៅវៀតណាមមានការក្លែងបន្លំគ្រប់រូបភាពដើម្បី បិទបាំងភ្នែកមហាជននិងការតាមប្រមាញ់របស់អ្នកសារព័ត៌មានស កម្មភាពនៃការដឹកជញ្ជូនឈើខុសច្បាប់ទាំងនេះគឺមានទាំងថ្ងៃទាំង យប់លោកស្រ៊ុនផឹងឡាយបានប្រើប្រាស់តួនាទីជាមន្ត្រីអាវុធហត្ថដើ ម្បីកាងឈើក្នុងនោះផងដែរក៏មានការឃុបឃិតពីសំណាក់មន្ត្រីជំនាញនិងសមត្ថកិច្ចពាក់ព័ន្ធជាច្រើនស្ថាប័នផងដែរ។ បើតាមប្រភពដដែលបានឲ្យដឹងថាលោកឧត្តមសេនីយ៍ត្រីវ៉ាសារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំគឺជាខ្នងបង្អែកយ៉ាងរឹងមាំរបស់ឈ្មួញឈ្មោះស្រ៊ុនផឹងឡាយទើបឈ្មួញម្នាក់នេះអាចដឹកជញ្ជូនឈើឆ្លងដែនចេញទៅវៀតណាមយ៉ាងរលូនហើយគ្មានមន្ត្រីរដ្ឋបាលព្រៃឈើឬសមត្ថកិច្ចពាក់ព័ន្ធណាហ៊ានប៉ះពាល់ទាល់តែសោះ។ប្រភពដែលស្និទ្ធនឹងឈ្មួញឈ្មោះស្រ៊ុនផឹងឡាយបានឲ្យដឹងថាប្រសិន បើគ្មានលោកឧត្តមសេនីយ៍ត្រីវ៉ាសារិទ្ធមេបញ្ជាការកងរាជអាវុធហត្ថជាបង្អែកដ៏រឹងមាំទេនោះគឺឈ្មួញឈ្មោះស្រ៊ុនផឹងឡាយមិនហ៊ានធ្វើអ្វីៗស្រេចតែអំពើចិត្តរបស់ខ្លួនដូចសព្វថ្ងៃនេះឡើយ។ គួរបញ្ជាក់ផងដែរថាបច្ចុប្បន្នមេឈ្មួញឈើឈ្មោះស្រ៊ុនផឹងឡាយនៅ តែបន្តសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនជាច្រើនកន្លែងនៅស្រុកមេមត់ខេត្តត្បូងឃ្មុំហើយមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធជាច្រើនស្ថាប័នមិនហ៊ានប៉ះពាល់ឈ្មួញឈ្មោះ ស្រ៊ុន ផឹងឡាយ នោះឡើយ។ សូម្បីតែលោកជាមច័ន្ទសោភ័ណ្ឌអភិបាលខេត្តត្បូងឃ្មុំដែលទើបចូល កាន់តំណែងជំនួសលោកលីឡេងកាលពីពេលថ្មីៗកន្លងទៅនេះក៏រក្សាភាពស្ងៀមស្ងាត់ហើយទុកឲ្យឈ្មួញឈ្មោះស្រ៊ុនផឹងឡាយដឹកជញ្ជូនឈើចេញទៅស្រុកយួនយ៉ាងរលូន។ កន្លងមកឈ្មួញមួយចំនួនដែលដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួនត្រូវប្រឈមនឹងការបង្ក្រាបជាបន្តបន្ទាប់ក៏ប៉ុន្តែឈ្មួញឈ្មោះស្រ៊ុនផឹងឡាយដែលមានលោកវ៉ាសារិទ្ធមេបញ្ជាការកងរាជអា វុធហត្ថខេត្តត្បូងឃ្មុំជាខ្នងបង្អែកអាចគេចផុតពីការបង្ក្រាបរហូតដល់ ពេលណាឬចាំទទួលបទបញ្ជាពីប្រមុខថ្នាក់ដឹកនាំទើបចាត់វិធានកា រណ៍អនុវត្តតាមភិក្រមទាំង៥របស់សម្តេចតេជោ។
បញ្ហាខាងលើនេះគឺជារឿងដែលថ្នាក់ដឹកនាំកងរាជអាវុធហត្ថលើផ្ទៃប្រទេសមិនគួរមើលរំលងតទៅទៀតនោះទេព្រោះមន្ត្រីអាវុធហត្ថខេត្តត្បូងឃ្មុំឈ្មោះស្រ៊ុនផឹងឡាយកំពុងតែវិវឌ្ឍន៍ខ្លួនកាន់តែធំឡើងៗពីមួយ ថ្ងៃទៅមួយថ្ងៃក្នុងការដឹកជញ្ជូនឈើឆ្លងដែនខុសច្បាប់ទៅវៀតណាម ទង្វើនិងសកម្មភាពរបស់លោកស្រ៊ុនផឹងឡាយកំពុងតែធ្វើអោយប៉ះ ពាល់ដល់ឥទ្ធិពលស្ថាប័នកងរាជអាវុធហត្ថទាំងថ្នាក់ខេត្តនិងផ្ទៃប្រ ទេសយ៉ាងធ្ងន់ធ្ងរនេះប្រសិនបើមានការបែកធ្លាយដឹងដល់មហាជន ទូទៅនិងមានការទិទានដល់កងកម្លាំងនិងថ្នាក់ដឹកនាំកងរាជអាវុធ ហត្ថ ជាក់ជាមិនខាន។ពាក់ព័ន្ធនូវការរិះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីអាជ្ញាធរសមត្ថកិច្ចនិងមន្រ្តី ជំនាញពាក់ព័ន្ធក្នុងខេត្តត្បូងឃ្មុំបាននោះទេ៕