ខេត្តកំពង់ឆ្នាំង៖ថ្មីៗនេះប្រភពពីមន្ត្រីរាជការនៅក្នុងមន្ទីរកសិកម្មខេត្តកំពង់ ឆ្នាំងបានឲ្យដឹងថាចាប់តាំងពីលោកលីឡាទទួលបានតំណែងជានាយខណ្ឌរដ្ឋបាលជលផលខេត្តកំពង់ឆ្នាំងជំនួសលោកសោមភិរុណរួចមកគឺបទល្មើសនេសាទប្រើឧបករណ៍ខុសច្បាប់ពុំមានការថយចុះគួរឲ្យកត់សម្គាល់នោះទេខណៈប្រជានេសាទលក្ខណៈគ្រួសារបានរិះគន់ថាលោកគឺជាមេខ្លោងបង្កើត ឲ្យមានបទល្មើស ។ប្រភពខ្លះបានទទួលឲ្យដឹងថាមានអាជ្ញាធរឃុំផ្លូវទូកលោកចេងភាគនិង លោកគង់គន់មេឃុំប្រឡាយមាសនិងខណ្ឌរដ្ឋបាលជលផលខេត្តកំពង់ឆ្នាំង ឈ្មោះលោកលីឡាបានរៀបចំគំរោងអោយមេឈ្មួញទូកឌុកដែលមានឈ្មោះ ដូចខាងក្រោម៖.១ (ជ្រុយអន្លង់កញ្ចុះ)២.(រី)( ស្វាយកាបនិង ស្លាបកុក) .(ប្រុស)(ក្រម៉ាល់ ).(ភាព)(ខ្សាច់ស្ពៃ).(ច ន សា រឿន)(ថ្នល់ឈើទាលនៅមានជាច្រើនទៀតហ៊ុំសម្រាស់និងដាក់សម្រាស់ បំផ្លាញធនធានជលផលក្នុងបឹងអភិរក្សសម្រាប់ពូជត្រីពងកូនជាច្រើនកន្លែង ដោយមិនខ្លាចនិងញញើតច្បាប់ដាក់ទោស ឡើយ។ហើយក្រុមនេះនៅតែបន្តដើររុក្ខរានទន្ទ្រានកាប់ព្រៃលិចទឹកទាំងយប់ទាំងថ្ងៃ យ៉ាងអនាធិបតេយ្យគេពុំដែលឃើញមន្ត្រីជំនាញណាមកបង្ក្រាបឡើយ។ប្រជាពលរដ្នរកស៊ីលក្ខណៈគ្រួសាររស់នៅឃុំប្រឡាយមាសនិងរស់នៅឃុំ ផ្លូវទូកស្រុកកំពង់លែងបានរិះគន់ថាអាជ្ញាធរឃុំប្រឡាយមាសនិងខណ្ឌ រដ្ឋបាលជលផលខេត្តកំពង់ឆ្នំាងឈ្មោះលោកលីឡាបានឃុបឃិតបើកដៃ ឱ្យក្រុមមេឈ្មួញទូកឌុកនិងបក្ខពួកអោយមានរត់ការហ៊ុំសម្រាស់និងកាប់ ព្រៃលិច ទឹកយកមកដាក់សម្រាស់តាមព្រែកគូរ)(ព្រែកក្រម៉ាល់)(ព្រែកសាច់ស្ពៃ ឡូតិ៍លេខ៤)(ព្រែកអន្លង់កញ្ចុះ)(ស្វាយកាប) (ស្លាបកុក )(ព្រែកតាភោគក្រៅ )(ព្រែកបែកក្អម)(កោះបាយ ក្រៀម)(ព្រែកតាក្លេ)នេះនិយាយ តែឃុំប្រឡាយមាស ។រីឯចំណែកឃុំផ្លូវទូកវិញបទល្មើសកាប់ព្រៃលិចទឹកយកមកទំលាក់ក្នុង ព្រែកនិងតាមទន្លេក្រៅដើម្បីហ៊ុំសម្រាស់ពេលខាងមុខនេះមិនចាញ់ឃុំ ប្រឡាយមាសប៉ុណ្ណាដែរ។ក្រោយពីបានទទួលព័ត៌មានខាងលើនេះនៅព្រឹកថ្ងៃទី០៧ខែកុម្ភៈឆ្នាំ២ ០១៩ក្រុមអ្នកយកព័ត៌មានបានចុះទៅទីនោះសង្កេតឃើញថាមានបឹង និងព្រែកច្រើនដែលជាបឹងអភិរក្សពូជត្រីត្រូវបានអាជ្ញាធរឃុំនិងមន្ត្រីជំ នាញផ្នែករដ្ឋបាលជលផលផ្សារឆ្នាំងឈ្មោះលោកតាតសីហាក់ឃុបឃិត និងបើកដៃឲ្យក្រុមមេឈ្មួញល្មើសច្បាប់កាប់ព្រៃលិចទឹកយកមកទម្លាក់ តាមព្រែកនិងទន្លេក្រៅហើយអោយមានរត់ការហ៊ុំសម្រាស់ទៀតផង។លោកឈួរច័ន្ទឌឿនអភិបាលខេត្តនៃគណៈបញ្ជាការឯកភាពខេត្តកំពង់ ឆ្នាំងគួរមានវិធានការចុះត្រួតពិនិត្យមើលចំណុចដែលប្រជាពលរដ្ឋរាយ ការណ៍ថាមានអាជ្ញាធរឃុំប្រឡាយមាសនិងមន្ត្រីជំនាញខណ្ឌរដ្ឋបាល ជលផលថាបានរៀបចំគំរោងនិងមេខ្លោងអោយមេឈ្មួញទូកឌុកដែល មានឈ្មោះដូចខាងលើនិងមានរត់ការហ៊ុំសម្រាស់យកលុយទៅអោយ មន្ត្រីជំ នាញនិងសមត្ថកិច្ចមួយចំនួនតូចក្នុងខេត្តទៀតផង។បើយោងតាមច្បាប់ជលផលបានចែងថា៖បទល្មើសដាក់សម្រាស់នេះ បានធ្វើអោយមានផលប៉ះពាល់ច្រើនយ៉ាងដល់ធនធានជលផលជាតិ និងបើគិតពីទោសទណ្ឌនៃច្បាប់វិញក៏មានទោស៣យ៉ាងផងដែរគឺ ១.កាប់ព្រៃលិចទឹកមាត្រា១០១ជាប់ពន្ធនាគារពី១ខែទៅ១ឆ្នាំពិន័យ ប្រាក់ពី១លានទៅ៥លានរៀល២.ដឹកជញ្ជូនសម្រាស់មាត្រា១០១ មានទោសនិងពិន័យប្រាក់ដូចគ្នា៣.ដាក់សម្រាស់ហ៊ុំចាប់ត្រីមាត្រា១០០ ដាក់ពន្ធនាគារពី១ឆ្នាំទៅ៣ឆ្នាំពិន័យប្រាក់ពី៥លានទៅ៥០លានរៀល។
ដូច្នេះប្រជាសហគមន៏នេសាទស្រុកកំពង់លែងសំណូមពរដល់លោក វេងសាខុនរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទនិងលោក សាយសំអាលរដ្ឋមន្ត្រីក្រសួងបរិស្ថានសូមលោកពិនិត្យទៅមន្រ្តីក្រោម ឱវាទចំនួនបើកភ្លើងខៀវឲ្យឈ្មួញប្រព្រឹត្តបទល្មើសនេសាទខុសច្បាប់។ពាក់ព័ន្ធនូវការិរះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកលីឡានាយខណ្ឌរដ្ឋបាល ជលផលខេត្តកំពង់ឆ្នាំងនិងសមត្ថកិច្ចជំនាញពាក់ព័ន្ធបាននោទេ៕