ខេត្តកំពង់ធំៈថ្មីៗនេះមានមន្រ្តីជំនាញរបៀបពុករលួយមួយចំនួនត្រូវ ឈ្មួញបទល្មើសនេសាទខុសច្បាប់យកលុយរាប់មុឺនដុល្លារញាត់មាត់ បិទភ្នែកមន្រ្តីៗពុករលួយបើកដៃអោយឈ្មួញនេសាទខុសច្បាប់យ៉ាង ចាស់ដៃពួកអ្នករកស៊ីដាក់បទល្មើសនេសាទនៅក្នុងបឹងទន្លេសាប ដូចជាដាក់ឆ្នុកដាក់អំពូលភ្លើងក៏ដូចជារបាំងណរ៉ាវចាប់យកត្រីនៅចំ ណុចឃុំផាត់សណ្តាយស្រុកកំពង់ស្វាយនិងឃុំពាមបាងស្រុកស្ទោង ខេត្តកំពង់ធំ។
ប្រភពមន្រ្តីតូចតាចអត់លិឌ្ឍបានបង្ហើបថាពួកឈ្មួញគេបានចំណាយ ប្រាក់រាប់ម៉ឺនដុល្លារឲ្យមន្ត្រីពុករលួយមួយចំនួនដែលមានជំនាញខាង ពុករលួយអស់ទៅហើយទើបពួកគេធ្វើអ្វីៗតាមអំពើចិត្តបានដូចជាប្រើ ឧបករណ៍នេសាទខុសបច្ចេកទេសរដ្ឋបាលជលផលនិងបរិស្ថាន។
ប្រភពបានឲ្យដឹងថាសកម្មភាពបទល្មើសនេសាទទាំងនេះកើតមាន យ៉ាងគំហុកក្នុងរយៈពេលប៉ុន្មានថ្ងៃនេះដោយសារតែការឃុបឃិតជា ប្រព័ន្ធពីសំណាក់មន្ត្រីជំនាញដែលពុករលួយដែលប្រព្រឹត្តពុករលួយ នៅក្នុងរដ្ឋបាលជលផល និងបរិស្ថានខេត្តកំពង់ធំមួយចំនួន ។
អាជ្ញាធរនិងថ្នាក់ដឹកនាំខេត្តហាក់នៅតែបន្តធ្វើមិនដឹងមិនឮរក្សាភាព ស្ងៀមស្ងាត់អ្វីទាំងអស់។រីឯចំពោះបញ្ហាបទល្មើសនេសាទនេះវិញកើតមានយ៉ាងពេញបន្ទុក លើផ្ទៃបឹងទន្លេសាប។ បើទោះបីជាថ្នាក់ដឹកនាំក្រសួងមហាផ្ទៃបានព្រមានច្រើនលើកច្រើន សារហើយក៏ដោយក៍នៅតែផ្គើននិងការព្រមាននោះដែរ ។
ប្រភពបានឲ្យដឹងថាលោកហួនផលនាយសង្កាត់ពាមបាងស្ថិតក្នុង ស្រុកស្ទោងបានដើរប្រមូលប្រាក់ពីបទល្មើលខុសច្បាប់នេសាទឆ្នុក បានលុយប្រមាណរាប់ម៉ឺនដុល្លារនិងទទួលបានជាច្រើនម៉ឺនដុល្លារ បន្ថែមផ្សេងៗទៀតពីអ្នកប្រព្រឹត្តបទល្មើសរបាំងណរ៉ាវនិងយ៉ាំងកាវផងដែរ។
ក្រៅពីនោះប្រភពបានបង្ហើបថាលោកតុបកក្កដាប្រធានមន្ទីរបរិស្ថាន ខេត្តកំពង់ធំទទួលបានប្រយោជន៍ម៉ឺនដុល្លារពីបទល្មើស ។ ប្រភពឲ្យដឹងថាចំណែកមន្ត្រីប្រចាំស្នាក់ការនៅឃុំផាត់សណ្តាយទទួ លបានប្រយោជន៍ជាច្រើនលានរៀល។
ប្រភពបានបន្ថែមថាដោយសារការចែករំលែកជាប្រព័ន្ធបែបនេះទើប អ្នកនេសាទបទល្មើសអាចបន្តសកម្មភាពបានដោយសេរីបែបនេះទៅបាន។
បើមិនដូច្នោះទេមុខជាត្រូវសមត្ថកិច្ចជំនាញខាងនេះឬខាងនោះដែល មិនទទួលបានលាភសក្ការនិងចុះទៅចាប់កាប់បំផ្លាញដុតកម្ទេចនូវ ឧបករណ៍នេសាទល្មើសច្បាប់ទាំងនោះជាក់ជាមិនខានឡើយ។
ប្រភពស្និតលោកហួនផលបង្ហើបថាអ្នកដែលទទួលបានផលប្រយោ ជន៍ច្រើនជាងគេហើយក៏បានចែករំលែកប្រយោជន៍នោះឲ្យទៅលោក ប៉ែន វណ្ណរិទ្ធ នាយខណ្ឌរដ្ឋបាលជលផលកំពង់ធំនោះផងដែរ។
ប្រជានេសាទតូចតាចលក្ខណៈគ្រួសារបានឲ្យដឹងថាពួកគេក៍ត្រូវបាន ប្រមូលលុយគ្នាដើម្បីជូនទៅជំនាញខាងលើនេះដែរជៀសវាងកុំឲ្យមក រញ៉េរញ៉ៃកន្លែងប្រព្រឹត្តល្មើសរបស់ពួកគេទៀត ។
មជ្ឈដ្ឋានមហាជនបានរិះគន់មន្ត្រីជំនាញរដ្ឋបាលជលផលនិងមន្រ្តីបរិ ស្ថានសមត្ថកិច្ចអាជ្ញាធរខេត្តស្រុកមិនដែលឃើញមន្ត្រីរដ្ឋបាលជលផល ខាងបរិស្ថាននិងមន្រ្តីជំនាញពាក់ព័ន្ធខាងលើចុះបង្ក្រាបបទល្មើសនេសាទក្នុងបឹងទន្លេសាបម្តងណាឡើយបទល្មើសនេសាទបានកើតឡើងព្រោង ព្រាត មិនថារដូវបិទនេសាទ ឬរដូវបើកនេសាទនោះឡើយ ។ ជាក់ស្តែងពេលនេះនៅពេលដែលទឹកបឹងទន្លេសាបកាន់តែរីងរាក់បទល្មើ សនេសាទកាន់តែកើតឡើងខ្លាំងជាងពេលណាៗទាំងអស់ ។
ប្រជាពលរដ្ឋស្នើឲ្យអាជ្ញាធរខេត្តកំពង់ធំចាត់វិធានការបង្ក្រាបបទល្មើស នេសាទផងពីព្រោះថាពួកមន្ត្រីជំនាញដូចជារដ្ឋបាលជលផលនិងបរិស្ថាន ជាដើមនោះត្រូវរ៉ូវជាមួយអ្នកនេសាទល្មើសច្បាប់អស់ទៅហើយ។ជាពិសេសលោករដ្ឋមន្រ្តីកសិកម្មវេងសាខុននិងលោកអេងជាសានរដ្ឋបាល ជលផលក្រុងភ្នំពេញនិងលោកសាយសំអាលរដ្ឋមន្រ្តីក្រសួងបរិស្ថានសូម លោកពិនិត្យមើលមន្ត្រីក្រោមឱវាទកំពុងឃុបឃិតបើកដៃឲ្យឈ្មួញបង្កើន បទល្មើសពេញបឹងទន្លេសាបហើយបើគ្មានចំណាត់ការនោះទេកុំថាត្រីតូច តាចសូម្បីតែជីដូនជីតាក្រពឺសក៍គ្មានសល់រលាយដាច់ពូជអស់ដែរដោយ ឧបករណ៍ក្រឡាញឹកបែបនេះ៕