ខេត្តពោធិ៍សាត់៖មេឈ្មួញឧក្រិដ្ឋជនព្រៃឈើឧកញ៉ាតាំងអ៊ាងថ្មីៗនេះបាន នឹងកំពង់តែលួចប្រើឈ្មោះខ្មោច របស់ក្រុមហ៊ុន MDS របស់ឧកញ៉ាទ្រីភាពក្រោមឃ្លៀកគណៈអភិបាលខេត្តពោធិ៏សាត់ទៅកាប់បំផ្លាញព្រៃអភិរក្សភ្នំសំកុសយ៉ាងអនាធិបតេយ្យបំផុត?ដោយគ្មាន ការទប់ស្កាត់ដែលបញ្ហានេះគេសង្ស័យថា៖ប្រសិនជាគ្មានការបើកភ្លើខៀវពីសំណាក់មន្ត្រីជំនាញនិងអាជ្ញាធរគណអភិបាលខេត្តពោធិ៏សាត់ទេគេមិនជឿថាមេឈ្មួញតាំងអ៊ាងនិងបរិវាហ៊ានព្រហើនលួចចូលទៅកាប់បំផ្លាញព្រៃឈើក្នុងជម្រកដែនព្រៃអភិរក្សព្រះរាជក្រឹត្យតំបន់ភ្នំសំកុស នោះតាម ទំនើងចិត្តបាននោះទេ ? ។គួររំលឹកថាដែនព្រៃអភិរក្សភ្នំសំកុសស្ថិតនៅក្នុងស្រុកវាលវែងនិងព្រៃអភិរក្សជួរភ្នំក្រវាញក្នុងស្រុកក្រវាញត្រូវមេឧក្រិដ្ឋជនព្រៃឈើដែលមានងារជាឧកញ៉ាឈ្មោះតាំងអ៊ាងបានឲ្យមេការរបស់ខ្លួនប្រើមនុស្សរាប់រយនាក់ចូលទៅកាប់បំផ្លាញយ៉ាងវិនាសកម្មដោយជ្រកក្រោមស្លាកក្រុមហ៊ុន MDSរបស់ឧកញ៉ាទ្រីភាពនិងបានឃុបឃិតពុករលួយពីគ្រប់ សមត្ថកិច្ចពាក់ព័ន្ធទាំងថ្នាក់ខេត្ត និងថ្នាក់ជាតិ។តាមមន្ត្រីនគរបាលខេត្តពោធិ៍សាត់មួយរូបសុំមិនបញ្ចេញឈ្មោះបានរាយការណ៍ឲ្យដឹងថារយៈពេលជាង០១ខែមកនេះសកម្មភាពកាប់ឈើនៅក្នុងតំបន់អភិរក្សដូចរៀបរាប់ខាងលើហាក់មានទ្រង់ទ្រាយធំជាងឆ្នាំ មុនៗទៅទៀតដោយឃើញមានអ្នកអាឈើរាប់រយនាក់និងគ្រឿងចក្រ រថយន្តបាកុងរថយន្តច្នៃជិត១០០គ្រឿងហើយឧកញ៉ាតាំងអ៊ាងបានប្រើ មេការបស់ខ្លួនពីរនាក់ឈរចាំប្រមូលទិញឈើនៅដេប៉ូធំៗចំនួនពីរទីតាំងខុសគ្នា ក្នុងក្រុមហ៊ុនMDS។បើសេចក្តីរាយការណ៍បន្តថាមេការធំមា្នក់ឈ្មោះង៉ូវទីត្រូវជាប្អូនប្រុសរបស់ឧកញ៉ាតាំងអ៊ាងបានបង្កើតដេប៉ូយ៉ាងធំសម្បើមចាំទិញឈើខុសច្បាប់ក្នុងបរិវណក្រុមហ៊ុន MDS ស្ថិតនៅឃុំអន្លង់រាប ស្រុកវាលវែង។រីឯមេការធំម្នាក់ទៀតឈ្មោះលីមជាកូនប្រុសបង្កើតឧកញ៉ាលាងចាន់មុនី ដែលល្បីឈ្មោះខាងកាប់បំផ្លាញព្រៃឈើនិងជាមនុស្សជំនិតរបស់ឧកញ៉ាទ្រីភាពបានយកទីតាំងកែច្នៃឈើយ៉ាងធំទល់មុខក្រុមហ៊ុនMDS ដំណាក់សុក្រំស្ថិតក្នុងឃុំសំរោងស្រុកក្រវាញសម្រាប់ប្រមូលទិញឈើខុស ច្បាប់និងស្ទួចដាក់រថយន្តវេអងដឹកចេញទៅកាន់ក្រុងភ្នំពេញជាប្រចាំយ៉ាងរលូននឹងយ៉ាងសុវត្ថភាពបំផុតព្រោះតែក្រុមមន្ត្រីជំនាញទាំងអស់នោះបានទទួលស្រោមសំបុត្រឧបត្ថមបិទមាត់ធ្វើសកម្មភាពពុករលួយជាប្រចាំនោះ។
ពត៌មានប្រភពខាងលើបានបន្ថែមថា៖មេការធំៗទាំងពីរនាក់ខាងលើចែកតំបន់គ្នាដើម្បីប្រមូលទិញឈើខុសច្បាប់ដោយលោកង៉ូវទីទទួលទិញឈើដែលគេកាប់ពីតំបន់អភិរក្សភ្នំសំកុសចាប់ពីច្រកអូរលាក់មាសច្រកពងពង់ ច្រកស្ទឹងតាតាំង ច្រកក្រពើពីរ ច្រកភ្នំទំព័រនិងតំបន់ភ្នំ១៥០០។ រីឯលោកលីមមានសិទ្ធិចាំទិញឈើខុសច្បាប់ដែលគេកាប់ចេញពីតំបន់អភិ រក្សជួរភ្នំក្រវាញចាប់ពីតំបន់ខ្សាច់ពូកច្រកដាច្រកអំពិលច្រករវៀងនិងច្រកអូរលាក់មាស។ ឈើគ្រប់ប្រភេទត្រូវបានគេប្រមូលទិញដូចជាប្រភេទឈើប្រណីតប្រភេទឈើរាជថ្កុលធ្នង់នាងនួននិងឈើអាប្រភេទលេខ២សម្រាប់ប្រើប្រាស់ក្នុងស្រុក។បញ្ហានោះដែរប្រភពប្រជាពលរដ្ឋក្នុងឃុំសំរោងបានឲ្យដឹងថាដោយសារតែអំណាចទឹកប្រាក់របស់ឧកញ៉ាតាំងអ៊ាងមិនតិចជាង៤សែនដុល្លារក្នុងមួយខែយកទៅញ៉ុកមាត់បិទត្រចៀកបិទភ្នែកមន្ត្រីដែលពុករលួយមួយចំនួន ដែលលោភលន់ចាប់តាំងពីថ្នាក់ខេត្តក្រសួងពាក់ព័ន្ធនិងគណៈកម្មការជាតិទប់ស្កាត់និងបង្ក្រាបបទល្មើសព្រៃឈើផងនោះបានធ្វើឲ្យមេឈ្មួញតាំអ៊ាង មានអំណាចធ្វើព្យុះធ្វើភ្លៀងតាមទំនើងចិត្តហ៊ានដល់ប្រើប្រាស់កម្លាំងប្រ ដាប់អាវុធដើរចាប់ឈើពីប្រជាពលរដ្ឋក្នុងតំបន់ដែលរកសុីដឹកជញ្ជូនឈើលក្ខណៈគ្រួសារតាមម៉ូតូរទេះក្របីដែលមិនព្រមលក់ឲ្យក្រុមហ៊ុនក្នុងតម្លៃទាបជាងទីផ្សារ។ជាក់ស្តែងចាប់ពីថ្ងៃទី១០ខែធ្នូនេះបានផ្ទុះការតវ៉ាពីសំណាក់ប្រជាពលរដ្ឋចំនួនពីរលើកជាមួយសមត្ថកិច្ចជំនាញដោយក្រុមពលរដ្ឋចោទថាជាមន្ត្រីកញ្ជះស៊ីឈ្នួលដាច់ ថ្លៃឲ្យក្រុមហ៊ុនMDS របស់ ឧកញ៉ា តាំង អ៊ាងផ្ទៃក្នុងប្រភពបានអោយដឹងទៀតថា៖លោកតាំងអ៊ាងបានបញ្ជាអោយមេការដឹកឈើចេញពីព្រៃយកមកលក់ឲ្យក្រុមហ៊ុនម្នាក់បានលួចខ្សិបប្រាប់ ឲ្យដឹងថា៖ដើម្បីបានជ្រកក្រោមស្លាកក្រុមហ៊ុនMDSឧកញ៉ាតាំងអ៊ាង បានចំណាយលុយប្រមាណ៣៥០ដុល្លារក្នុង១ម៉ែត្រគូបបង់ឲ្យឧកញ៉ាទ្រី ភាពដោយមានប្រធានតំបន់របស់ក្រុមហ៊ុនម្នាក់ឈ្មោះជីវ័ន្តហៅពៅចាំសម្របសម្រួលឯកសារច្បាប់ដឹងជញ្ជូន។ហើយប្រភេទឈើប្រណីតមួយចំនួនត្រូវបានគេដឹកជញ្ជូនយកមកទុកនៅ ក្នុងក្រុមហ៊ុនទីភាពគ្រុបត្មាតពងនិងមួយចំនួនទៀតដឹកយកទៅស្តុកក្នុងឃ្លាំងឈើមួយកន្លែងទៀតនៅក្រោយទីតាំរោងចក្រកាត់ដេរ៦ជាន់ផ្លូវវេងស្រេង មុននាំចេញទៅលក់នៅក្រៅប្រទេស។
ផ្ទុយទៅវិញទាក់ទិននឹងជំនួញលួចកាប់ឈើខុសច្បាប់ទ្រង់ទ្រាយធំនិងបន្ថែមការលូចគៃបំបាត់ពន្ធរដ្ឋដែលមានក្រុមមន្ត្រីជួយហែរហមដោយជ្រកក្រោមស្លាកក្រុមហ៊ុន MDS នេះ ភាគីពាក់ព័ន។ការិយាល័យសារព័ត៌មានយើងមិនអាចសុំការប្រត្តិកម្មបកស្រាយបានទេពីសំណាក់កូនជឹង និងលោកឧក ញ៉ា តាំង អ៊ាង បានទេ៕
