ខេត្តត្បូងឃ្មុំ៖ប្រភពថ្មីៗនេះគេសង្កេតឃើញសកម្មភាពរបស់មេឈ្មួញឈ្មោះស្រ៊ុនផឹងឡាយក្នុងការដឹកជញ្ជូនឈើចេញទៅស្រុកយួនតាមច្រកព្រំដែនក្នុងស្រុកមេមត់គឺមិនដែលមានមន្ត្រីអាជ្ញាធរជំនាញឬ សមត្ថកិច្ចពាក់ព័ន្ធណាហ៊ានប៉ះពាល់ឡើយព្រោះឈ្មួញរូបនេះមានខ្នងបង្អែករឹងមាំចាំជួយការពារគ្រប់ពេលវេលាតែម្តងក្នុងចំណោមឈ្មួញដែលធ្វើសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនជាច្រើនកន្លែងក្នុងស្រុកមេមត់ខេត្តត្បូងឃ្មុំគឺមានមេឈ្មួញឈ្មោះស្រ៊ុន ផឹងឡាយដែលជាមន្ត្រីអាវុធហត្ថខេត្តត្បូងឃ្មុំផងដែរចំណែកលោកគឹម ឈុនលីមេរដ្ឋបាលព្រៃឈើខេត្តត្បូងឃ្មុំក៏រក្សាភាពស្ងៀមស្ងាត់ដែរក្នុង ខណៈដែលមេឈ្មួញឈ្មោះស្រ៊ុនផឹងឡាយបន្តសកម្មភាពដឹកជញ្ជូនឈើចេញទៅស្រុកយួនយ៉ាងគឃ្លើនដោយគ្មានញញើតអ្វីទាំងអស់។
ថ្មីៗនេះប្រភពពីមន្ត្រីអាវុធហត្ថនៅទីបញ្ជាការដ្ឋានអាវុធហត្ថខេត្តត្បូងឃ្មុំ មួយចំនួនបានឲ្យដឹងថាលោកស្រ៊ុនផឹងឡាយដែលជាមន្ត្រីអាវុធហត្ថក្នុងខេត្តត្បូងឃ្មុំនៅតែបន្តសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនជាច្រើនកន្លែងក្នុងស្រុកមេមត់ខេត្តត្បូងឃ្មុំដោយគ្មានញញើតអ្វីទាំងអស់។ ប្រភពបានឲ្យដឹងទៀតថាលោកស្រ៊ុនផឹងឡាយបានប្រើប្រាស់តួនាទីជា មន្ត្រីអាវុធហត្ថដើម្បីដឹកជញ្ជូនឈើចេញទៅស្រុកយួនយ៉ាងរលូនព្រោះមានការឃុបឃិតពីសំណាក់មន្ត្រីពុករលួយនិងជំនាញសមត្ថកិច្ចពាក់ព័ន្ធជាច្រើនស្ថាប័នផងដែរ។ បើតាមប្រភពខ្លះបានឲ្យដឹងថាលោកឧត្តមសេនីយ៍ត្រីវ៉ាសារិទ្ធមេបញ្ជា ការកងរាជអាវុធហត្ថខេត្តត្បូងឃ្មុំគឺជាខ្នងបង្អែកយ៉ាងរឹងមាំរបស់មេឈ្មួញ ឈ្មោះស្រ៊ុនផឹងឡាយទើបឈ្មួញម្នាក់នេះអាចដឹកជញ្ជូនឈើចេញទៅ ស្រុកយួនយ៉ាងរលូនដោយគ្មានមន្ត្រីរដ្ឋបាលព្រៃឈើឬសមត្ថកិច្ចពាក់ព័ន្ធណាហ៊ានប៉ះពាល់ទាល់តែសោះ។
ប្រភពពីសមត្ថកិច្ចពាក់ព័ន្ធបានឲ្យដឹងថាឈ្មួញឈ្មោះស្រ៊ុនផឹងឡាយ តែងយកឈ្មោះលោកវ៉ាសារិទ្ធមេបញ្ជាការកងរាជអាវុធហត្ថខេត្តត្បូងឃ្មុំ ទៅប្រើដើម្បីសម្រួលដល់សកម្មភាពរបស់ខ្លួនក្នុងការដឹកជញ្ជូនឈើចេញទៅស្រុកយួន។ ជាងនេះទៅទៀតឈ្មួញឈ្មោះស្រ៊ុនផឹងឡាយក៏មានទំនាក់ទំនងយ៉ាងជិតស្និទ្ធជាមួយលោកគឹមឈុនលីដែលជានាយខណ្ឌរដ្ឋបាលព្រៃឈើខេត្តត្បូងឃ្មុំផងដែរទើបលោកគឹមឈុនលីមិនដែលហ៊ានប៉ះពាល់ឈ្មួញឈ្មោះ ស្រ៊ុន ផឹងឡាយ ទាល់តែសោះ។ បញ្ហាខាងលើនេះគឺជារឿងដែលថ្នាក់ដឹកនាំកងរាជអាវុធហត្ថលើផ្ទៃប្រ ទេសមិនគួរមើលរំលងតទៅទៀតនោះទេព្រោះមន្ត្រីអាវុធហត្ថខេត្តត្បូងឃ្មុំឈ្មោះស្រ៊ុនផឹងឡាយកំពុងក្លាយជាឈ្មួញរកស៊ីដឹកជញ្ជូនឈើចេញទៅស្រុកយួនយ៉ាងក្រអឺតក្រទម។
ប្រភពដែលស្និទ្ធនឹងឈ្មួញឈ្មោះស្រ៊ុនផឹងឡាយបានឲ្យដឹងថាប្រសិន បើគ្មានលោកឧត្តមសេនីយ៍ត្រីវ៉ាសារិទ្ធមេបញ្ជាការកងរាជអាវុធហត្ថជាបង្អែកដ៏រឹងមាំទេនោះគឺឈ្មួញឈ្មោះស្រ៊ុនផឹងឡាយមិនហ៊ានធ្វើអ្វីៗស្រេចតែអំពើចិត្តរបស់ខ្លួនដូចសព្វថ្ងៃនេះឡើយ។ ប្រភពបានឲ្យដឹងទៀតថាបច្ចុប្បន្នឈ្មួញឈ្មោះស្រ៊ុនផឹងឡាយនៅតែ បន្តសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនជាច្រើនកន្លែងនៅស្រុកមេមត់ខេត្តត្បូងឃ្មុំហើយមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធជាច្រើនស្ថាប័នមិនហ៊ានប៉ះពាល់ឈ្មួញឈ្មោះស្រ៊ុនផឹងឡាយ នោះឡើយ។ សូម្បីតែលោក ជាម ច័ន្ទសោភ័ណចៅហ្វាយខេត្តត្បូងឃ្មុំដែលទើបចូលកាន់តំណែងជំនួសលោកលីឡេងកាលពីពេលថ្មីៗកន្លងទៅនេះក៏រក្សាភាពស្ងៀមស្ងាត់ហើយទុកឲ្យឈ្មួញឈ្មោះស្រ៊ុនផឹងឡាយ ដឹកជញ្ជូនឈើចេញទៅស្រុកយួនយ៉ាងរលូន។ កន្លងមកឈ្មួញមួយចំនួនដែលដឹកជញ្ជូនឈើឆ្លងកាត់ខេត្តត្បូងឃ្មុំចេញ ទៅស្រុកយួនត្រូវប្រឈមនឹងការបង្ក្រាបជាបន្តបន្ទាប់ក៏ប៉ុន្តែមេឈ្មួញ ឈ្មោះស្រ៊ុនផឹងឡាយដែលមានលោកវ៉ាសារិទ្ធមេបញ្ជាការកងរាជអាវុធ ហត្ថខេត្តត្បូងឃ្មុំជាបង្អែកអាចគេចផុតពីការបង្ក្រាបជារៀងរហូតមកគ្មានរំខាន។
ពាក់ព័ន្ធនូវការរិះគន់ខាងលើ(www.enn-tv.com)យើងមិន អាចសុំការពន្យល់បកស្រាយពីលោកស៊ុនផឹងឡាយដែលជាមន្រ្តីPMនិងលោក វ៉ាសារិទ្ធមេបញ្ជាការPMខេត្តត្បូងឃ្មុំបាននោះទេ៕