ឧត្ដរមានជ័យៈតាមប្រភពពីមន្ដ្រីមួយចំនួនបានបង្ហើបឲ្យដឹងថា:ចាប់តាំង លោកឈុនសុភមង្គលប្រធានសាខាគយនិងរដ្ឋាករខេត្តឧត្ដរមានជ័យ ដែលទើបនឹងឡើងកាន់ដំណែងថ្មីៗបាននឹងកំពុងឃុបឃិតបើកដៃអោយ ក្រុមឈ្មួញនាំចូលទំនិញគេចពន្ធនិងទំនិញបង់ពន្ធមិនគ្រប់ដែលជាថ្នូរ នឹងការប្រមូលលុយដាក់ហោប៉ៅរបស់ខ្លួនប៉ុណ្ណោះ។
បច្ចុប្បន្នទំនិញដែលឈ្មួញនាំចូលតាមច្រកជាំស្រុកអន្លង់វែងតាមច្រកអូរស្មាច់ក្រុងសំរោងនិងតាមច្រកជប់គគីរស្រុកបន្ទាយអំពិលខេត្តឧត្ដរ មានជ័យរាល់ទំនិញដែលឈ្មួញនាំចូលមកកម្ពុជាដែលសុទ្ធសឹងតែមិន បានបង់ពន្ធចូលរដ្ឋអោយបានគ្រប់មុខទំនិញដែលជាហេតុធ្វើអោយប៉ះ ពាល់ដល់ចំណូលថវិការរបស់រដ្ឋ។ ហើយក្រៅពីនេះក្រុមឈ្មួញបានចែករំលែកលុយដែលមិនបង់ពន្ធទុក អោយលោកឈុនសុភមង្គលប្រធានសាខាគយនិងរដ្ឋាករខេត្តឧត្ដរមាន ជ័យទើបរាល់រថយន្តដឹកទំនិញធំៗអាចឆ្លងកាត់តាមច្រកព្រំដែនបាន ដោយសេរី។
តាមប្រភពរាយការណ៍បានឲ្យដឹងថាក្រោយពីលោកឈុនសុភមង្គល ដែលទើបតែផ្លាស់មកកាន់ជាប្រធានសាខាគយនិងរដ្ឋាករខេត្តឧត្ដរមាន ជ័យបានឃុបឃិតជាមួយប្រធានស្នាក់ការគយនិងរដ្ឋាករប្រចាំច្រកអន្តរ ជាតិជាំច្រកអន្តរជាតិអូរស្មាច់និងច្រកជប់គគីរបាននឹងកំពុងបើកដៃអោយ ក្រុមឈ្មួញនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុស ច្បាប់ដោយគៀបសង្កត់លើក្រុុមអាជីវករដែលរកស៊ីតូចតាចទៅវិញ។
តាមប្រភពពីប្រជាពលរដ្ឋរស់នៅក្បែរច្រកទ្វារអន្តរជាតិអូរស្មាច់សង្កាត អូរស្មាច់ក្រុងសំរោងខេត្តឧត្តរមានជ័យបានឲ្យដឹងថាបច្ចុប្បន្នឈ្មួញមួយ ចំនួនអាចនាំចូលជ្រូករស់និងមាន់រស់យ៉ាងពេញបន្ទុកតាមច្រកព្រំដែន ដោយសារមាន ការឃុបឃិតជាមួយសមត្ថកិច្ចពាក់ព័ន្ធ។ ក្រុមអាជីវករនិងប្រជាពលរដ្ឋដែលនាំចូលមាន់រស់និងជ្រូកពីទឹកដីថៃ ឆ្លងកាត់ច្រកព្រំដែនបានត្អូញត្អែរថាមុខរបររបស់ពួកគាត់ផលចំណេញ តិចតួចបំផុតដោយសារតែមន្ត្រីគយនៅតាមច្រកព្រំដែនតម្រូវអោយ បង់លុយច្រើននិងបង់អោយសមត្ថកិច្ចជាច្រើនស្ថាប័នផងដែរ។
ដោយចំពោះបញ្ហានេះប្រជាពលរដ្ឋនិងអាជីវករបានធ្វើការអំពាវនាវ ដល់លោកអូនព័ន្ធមុនីរ័ត្នឧបនាយករដ្ឋមន្រ្តីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុនិងលោកគុណញឹមអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាឲ្យចុះអង្កេតចាត់វិធានការទប់ស្កាត់និងបង្រ្កាបអំពើ ពុករលួយរបស់លោកឈុនសុភមង្គលប្រធានសាខាគយនិងរដ្ឋាករ ខេត្តឧត្ដរមានជ័យប្រធានស្នាក់ការគយនិងរដ្ឋាករប្រចាំច្រកព្រំដែន ខេត្តឧត្តរមានជ័យផងទាន?។ពាក់ព័ន្ធប្រភពខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកឈុនសុភមង្គលប្រ ធានសាខាគយនិងរដ្ឋាករខេត្តឧត្តរមានជ័យនិងបក្ខពួកបាននោះទេ៕