បន្ទាយមានជ័យៈថ្មីៗនេះក្រុមឈ្មួញនិងអាជីវករដឹកជញ្ជូនទំនិញពីច្រកប៉ោយប៉ែតចូលខេត្តបន្ទាយមានជ័យបានឲ្យដឹងថាលោកសាំង ណនមេគយចល័តផ្ទៃប្រទេសប្រចាំកុងត្រូលជជុះនៅចំណុចភូមិកូន ដំរីសង្កាត់និមិត្តក្រុងប៉ោយប៉ែតខេត្តបន្ទាយមានជ័យគៀបសង្កត់យក លុយឈ្មួញលើតុក្រោមតុពីពួកគាត់កាន់តែច្រើនឡើងៗ។ ការដែលលោកសាំងណនហ៊ានធ្វើអ្វីៗស្រេចតែអំពើចិត្តរបស់ខ្លួនបាន គឺដោយសារមានការឃុបឃិតបើកដៃពីមេគយធំៗក្នុងខេត្តបន្ទាយមាន ជ័យផងដែរហើយមានការបែងចែកផលប្រយោជន៍តាមលំដាប់លំដោយយ៉ាងរលូន។ ហេតុនេះហើយទើបក្រុមឈ្មួញនិងអាជីវករអំពាវនាវឲ្យលោកឱមយ៉ិន ទៀងប្រធាអង្គភាពប្រឆាំងអំពើពុករលួយចាត់វិធានការទប់ស្កាត់អំពើពុក រលួយរបស់លោកសាំងណនជាបន្ទាន់និងប្រកបដោយប្រសិទ្ធភាព។
ប្រភពពីក្រុមឈ្មួញនិងអាជីវករដឹកជញ្ជូនទំនិញឆ្លងកាត់ផ្លូវជាតិលេខ៥នៅចំណុចភូមិកូនដំរីសង្កាត់និមិត្តក្រុងប៉ោយប៉ែតខេត្តបន្ទាយមាន ជ័យបានឲ្យដឹងថាបច្ចុប្បន្នមន្ត្រីគយចល័តឈ្មោះសាំងណនប្រើអំណាចគៀបយកលុយពីពួកគេតាមអំពើចិត្ត។ ប្រភពបានឲ្យដឹងទៀតថាបើទោះបីឈ្មួញនិងអាជីករនាំចូលទំនិញបង់ ពន្ធត្រឹមត្រូវនៅច្រកព្រំដែនរួចហើយក៏ដោយក៏ចៀសមិនផុតពីបង់លុយ ក្បាលរថយន្តឬលុយលើតុក្រោមតុឲ្យលោកសាំងណនដែលជាមេគយចល័តផ្ទៃប្រទេសនៅប៉ុស្ដិ៍ជជុះក្នុងភូមិកូនដំរីសង្កាត់និមិត្តនោះទេ។ តាមការបង្ហើបពីមន្ត្រីគយនិងភ្នាក់ងារគយក្នុងខេត្តបន្ទាយមានជ័យមួយ ចំនួនបានឲ្យដឹងថាការដែលលោកសាំងណនអាចធ្វើអ្វីៗតាមអំពើចិត្ត បានគឺមានការឃុបឃិតបើកដៃពីសំណាក់មេគយធំៗក្នុងខេត្តបន្ទាយ មានជ័យ ផងដែរទើបអ្វីៗអាចប្រព្រឹត្តទៅដោយរលូនបែបនេះ។
ប្រភពពីអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ៥ភូមិកូនដំរី សង្កាត់និមិត្តក្រុងប៉ោយប៉ែតបានឲ្យដឹងថាសូម្បីតែរថយន្តតាក់ស៊ីរថយន្ត ឈ្នួលដឹកបន្លែផ្លែឈើក៏ត្រូវលោកសាំងណននិងបក្ខពួកគៀបយកលុយស្រេចតែអំពើចិត្តដែរ។ ជាងនេះទៅទៀតសម្រាប់រថយន្តក្រុងដឹកជញ្ជូនអ្នកដំណើរដែលមានផ្ទុកទំនិញបន្តិចបន្តួចពីប៉ោយប៉ែតចូលមករាជធានីភ្នំពេញក៏ចៀសមិនផុតពីបង់លុយតាមការកំណត់របស់លោកសាំងណននោះឡើយដោយក្នុងរថយន្តមួយគ្រឿងត្រូវបង់លុយចាប់ពី១៥ម៉ឺនរៀលទៅ២០ម៉ឺនរៀល ហើយម្ចាស់រថយន្តក្រុងមិនអាចតវ៉ាបានទេ។ ហេតុនេះហើយទើបមានការអំពាវនាវឲ្យថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុក៏ដូចជាមេគយធំៗក្នុងអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាចាត់វិធានការទប់ស្កាត់អំពើពុករលួយរបស់លោកសាំង ណន មេគយចល័តផ្ទៃប្រទេសនៅចំណុចភូមិកូនដំរីជាបន្ទាន់។ប្រភពដែលស្និទ្ធនឹងលោកសាំងណនមេគយចល័តផ្ទៃប្រទេសប្រចាំ ប៉ុស្ដិ៍ជជុះចំណុចភូមិកូនដំរីសង្កាត់និមិត្តក្រុងប៉ោយប៉ែតបានឲ្យដឹងថា ប្រសិនបើគ្មានការឃុបឃិតបើកដៃពីសំណាក់មេគយធំៗក្នុងខេត្តបន្ទា យមានជ័យទេនោះគឺលោកសាំងណនមិនហ៊ានធ្វើអ្វីៗតាមអំពើចិត្តឡើយ។ កន្លងមកមានឈ្មួញមួយចំនួនត្រូវបានលោកសាំងណនប្រើល្បិចគៀប យកលុយតាមរបៀងពុករលួយយ៉ាងគឃ្លើនហើយលោកសាំងណនតែងប្រើប្រាស់ឈ្មោះមន្ត្រីគយធំៗក្នុងខេត្តបន្ទាយមានជ័យដើម្បីបិទបាំងអំ ពើ ពុករលួយនិងទង្វើមិនប្រក្រតីរបស់ខ្លួនយ៉ាងក្រអឺតក្រទម។ បច្ចុប្បន្នអ្នករត់តាក់ស៊ីអ្នកបើករថយន្តឈ្នួលដឹកជញ្ជូនទំនិញបន្លែផ្លែ ឈើពីច្រកប៉ោយប៉ែតចូលមកខេត្តបន្ទាយមានជ័យកំពុងប្រឈមនឹង ការលំបាកយ៉ាងខ្លាំងព្រោះត្រូវលោកសាំងណននិងបក្ខពួកគៀបយក លុយតាម របៀបពុករលួយ ដោយគ្មានញញើតអ្វីទាំងអស់។ ដូច្នេះលោកឱមយ៉ិនទៀងប្រធានអង្គភាពប្រឆាំងអំពើពុករលួយដែល ធ្លាប់ប្ដេជ្ញាចិត្តលុបបំបាត់អំពើពុករលួយនៅតាមដងផ្លូវមិនគួរបណ្ដោយ ឲ្យលោកសាំងណនមេគយចល័តផ្ទៃប្រទេសចំណុចភូមិកូនដំរីសង្កាត់ និមិត្តក្រុង ប៉ោយប៉ែត ធ្វើអ្វីៗតាមអំពើចិត្តតទៅទៀតទេ។ពាក់ព័ន្ធនូវការរិះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកយូហេងប្រធានសាខា គយនិងរដ្ឋាករខេត្តនិងលោកសាំងណនមេគយចល័តផ្ទៃប្រទេសប្រចាំ ប៉ុស្តិ៍ជជុះភូមិកូនដំរីសង្កាត់និមិត្តក្រុងប៉ោយប៉ែតខេត្តបន្ទាយមានជ័យ បាននោះទេ៕