ព្រះវិហារៈតាមសេចក្ដីរាយការណ៍ពីប្រជាហគមន៍មកថាថ្មីៗនេះគេ អង្កេតឃើញឈើជាង៥០០កំណាត់នៅក្នុងក្រុមហ៊ុនប្ល៊ូហ៊ីវិនដែល ជាឈើថ្មីដែលមានទីតាំងស្ថិតនៅភូមិព្យូជ្រូកឃុំគូលែនជើងស្រុកគូ លែនខេត្តព្រះវិហារដែរបានទទួលសិទ្ធបំពេញបន្ថែមចុះថ្ងៃទី២៦ខែ កញ្ញាឆ្នាំ២០១៨លិខិតលេខ៦២២ក.ស. ក.ចុះ ថ្ងៃ ទី ១៨ ខែ មករាឆ្នាំ២០១៨របស់ក្រសួងកសិកម្មរុក្ខាប្រមាញ់និងនេសាទស្តីពី កាទទួលស្គាល់អោយកែច្នៃផលអនុផលព្រៃឈើបង់ពន្ធជូនរដ្ឋក្នុង ដីសម្បទានសេដ្ឋកិច្ចនោះគេសង្កេតឃើញក្រុមហ៊ុនប្លូហុីវិនបង្កើន កម្មករកាប់បំផ្លិចបំផ្លាញព្រៃឈើនៅក្នុងតំបន់ជម្រកសត្វព្រៃបឹងពេរ និងតំបន់អភិរក្ស គូលែនព្រហ្មទេព យ៉ាងរាលដាល។
ប្រភពពីប្រជាសហគមន៍ដែលរស់នៅជិតតំបន់ក្រុមហ៊ុនខាងលើនេះ ពួកគាត់់បានលើកឡើងថាក្រោយពីក្រុមហ៊ុនខាងលើទទួលបានសិទ្ធិ ពីក្រសួងកសិកម្មរុក្ខាប្រមាញ់និងនេសាទរួចហើយនោះក្រុមហ៊ុនខាង លើនេះចាប់ផ្ដើមធ្វើសកម្មភាពជិះសេះលែងដៃនិងបានបង្កផលលំបាក ដល់ក្រុមប្រជាពលរដ្ឋដែលរស់នៅជុំវិញតំបន់នោះក៍ដូចជាប្រជាសហ គមន៍ពោធិ៍រៀងទាំងមូលដោយមួយរយៈកន្លងទៅនេះក្រុមហ៊ុនប្ល៊ូហ៊ីវិន ដែលមានឈ្មោះសេនឡាំជាមេការធំបានឲ្យមនុស្សរបស់ខ្លួនចូលបំផ្លាញព្រៃឈើនៅក្នុងតំបន់ជម្រកសត្វព្រៃបឹងពេរនិងតំបន់អភិរក្សគូលែនព្រហ្មទេព យ៉ាងរាលដាល។
ប្រភពពីក្រុមប្រជាសហគមន៍បានលើកឡើងនឹងរិះគន់ទៅអាជ្ញាធរថា បណ្ដោយឲ្យក្រុមហ៊ុនប្ល៊ូហ៊ីវិនធ្វើអ្វីៗតាមអំពើចិត្តដោយសាមានការបើក ភ្លើងខៀវពីលោកអ៊ុនចាន់ដាចៅហ្វាយខេត្តព្រះវិហារនឹងមានការឃុបឃិត បើកដៃពីសំណាក់មន្ត្រីបរិស្ថាននិងមន្ត្រីរដ្ឋបាលព្រៃឈើក្នុងខេត្តព្រះវិហារ ផងដែរ ទើបអ្វីៗអាចប្រព្រឹត្តទៅដោយរលូន។ប្រភពបន្តថាលោកពឹងទ្រីដាប្រធានមន្ទីរកសិកម្មខេត្តព្រះវិហារក៍ដូចជាមេរដ្ឋបាលព្រៃឈើក្នុងខេត្តព្រះវិហារត្រូវបានបង្ហើបឲ្យដឹងថានៅពីក្រោយ ការឃុបឃិតបើកដៃឲ្យឈ្មោះសេនឡាំមេការធំរបស់ក្រុមហ៊ុនប្ល៊ូហ៊ីវិនធ្វើអ្វីៗស្រេចតែអំពើចិត្ត ដើម្បីជាថ្នូរនឹងផលប្រយោជន៍ផ្ទាល់ខ្លួន។
ប្រភពពីសមត្ថកិច្ចពាក់ព័ន្ធបានឲ្យដឹងថាកាលពីថ្ងៃទី១១ខែធ្នូកន្លងទៅថ្មីៗនេះប្រជាសហគមន៍ការពារព្រៃឈើបាននាំគ្នាព័ទ្ធចាប់រថយន្តរ៉េវដឹក ឈើហុបមូលចំនួន៩ដើមរបស់លោកសេនឡាំដែលជាឈ្មួញឈើល្បី ល្បាញរស់នៅភូមិព្យួរជ្រូកឃុំគូលែនជើងស្រុកគូលែនខេត្តព្រះវិហារ។ ហើយឈើនោះត្រូវបានលោកសេនឡាំមេការក្រុមហ៊ុនប្ល៊ូហ៊ីវិនលួច ប្រមូលទិញដឹកចេញពីតំបន់អភិរក្សព្រៃឈើគូលែនព្រហ្មទេពកាត់តាមភូមិពោធិ៍រៀងឃុំគូលែនជើងស្រុកគូលែនត្រូវបានប្រជាសហគមន៍ ការពារព្រៃឈើបានសហការជាមួយសមត្ថកិច្ចមូលដ្ឋានដើម្បីនាំយករថយន្តរ៉េវនិងឈើជាវត្ថុតាងមករក្សាទុកនៅសាលាស្រុកគូលែនកាលពីព្រឹកថ្ងៃទី១៣ ខែធ្នូ ឆ្នាំ២០១៨ ដើម្បីចាត់ការតាមនីតិវិធី។
មន្ត្រីអាជ្ញាធរនិងសមត្ថកិច្ចមូលដ្ឋានក្នុងឃុំគូលែនជើងស្រុកគូលែន បានឲ្យដឹងថាបច្ចុប្បន្នឈ្មោះសេនឡាំបានប្រើប្រាស់យីហោក្រុមហ៊ុនប្ល៊ូហ៊ីវិនដើម្បីប្រមូលទិញឈើដឹកចេញពីតំបន់ដែនជម្រកសត្វព្រៃបឹងពេរ និងតំបន់អភិរក្សគូលែនព្រហ្មទេព យ៉ាងរលូន។ ចំណែកលោកអ៊ុនចាន់ដាចៅហ្វាយខេត្តព្រះវិហារនិងលោកពឹងទ្រីដា ប្រធានមន្ទីរកសិកម្មខេត្តព្រះវិហារព្រមទាំងមេរដ្ឋបាលព្រៃឈើខេត្តព្រះ វិហារកំពុងរក្សាភាពស្ងៀមស្ងាត់ទុកឲ្យលោកសេនឡាំមេការក្រុមហ៊ុនប្ល៊ូហ៊ីវិនបន្តប្រព្រឹត្តបទល្មើសព្រៃឈើយ៉ាងចំហដោយមិនខ្វល់អ្វីទាំងអស់។
តាមប្រភពពីប្រជាពលរដ្ឋនៅក្នុងភូមិ.ឃុំខាងលើនេះបានបញ្ជាក់ឲ្យដឹងថា៖ ម្ចាស់ក្រុមហ៊ុននេះគេមិនបានស្គាល់ឈ្មោះនោះទេតែគេស្គាល់មេការក្រុម ហ៊ុនឈ្មោះសេនឡាំមានអាយុប្រហែលជាង៥០ឆ្នាំរស់នៅក្នុងភូមិឃុំខាង លើកំពុងសម្រុកកាប់ដឹកជញ្ជូនឈើពីតំបន់ខាងក្រៅចូលមកអាច្រៀក ដោយគ្មានអ្នកបង្រ្កាបនោះទេសូម្បីតែលោកអ៊ុនចាន់ដាចៅហ្វាយខេត្តព្រះ វិហារក៍អាចសម្ងំចាំទទួលប្រយោជន៍ពីក្រុមហ៊ុនមួយនេះផងដែរ?ព្រោះថា ចៅហ្វាយខេត្តនៃគណ:បញ្ជាការឯកភាពខេត្តក្នុងការដឹកនាំទប់ស្កាត់បទ ល្មើសព្រៃឈើហេតុអ្វីពេលនេះបែជារក្សាភាពស្ងៀមស្ងាត់បណ្ដោយឲ្យមេ ឈ្មួញឈ្មោះសេនឡាំធ្វើសកម្មភាពកាប់ដឹកជញ្ជូនឈើយ៉ាងគឃ្លើនផ្ទុយ ពីច្បាប់អនុញ្ញាតដែលខ្លួនមានទៅវិញ?ហើយបែជាលោកធ្វេីមិនដឹងមិនឮ? ឬមួយដូចពាក្យចាស់ដំណាលពោលថាមនុស្សដេកលក់ងាយស្រួលដាស់ ប៉ុន្តែចំណែកដែលមនុស្សធ្វេីពពុតដេកលក់វិញទេីបដាស់មិនភ្ញាក់។
ពាក់ព័ន្ធសកម្មភាពកាប់បំផ្លាញព្រៃឈើយ៉ាងរង្គាលខាងលើបងប្អូនប្រជា ពលរដ្ឋជាច្រើនបានអំពាវនាវសូមឲ្យលោកនាយឧត្តសេនីយ៍សៅសុខា មេបញ្ជាការកងរាជអាវុធហត្ថផ្ទៃប្រទេសដែលសម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានចាត់តាំងឲ្យឯកឧត្តម បំពេញបេសកម្មពិសេសក្នុងការការពារធនធានធម្មជាតិបង្ក្រាបនឹងទប់ ស្កាត់សូមឯកឧត្តមដឹកនាំបញ្ជាចុះពិនិត្យមើលលើទីតាំងក្រុមហ៊ុនខាង លើដែលកំពុងធ្វើសកម្មភាពអាច្រៀកឈើជារៀងរាល់ថ្ងៃនេះជាបន្ទាន់ផង។ ព្រោះថាក្រុមហ៊ុននេះកំពុងផ្គើនផ្ទុយពីអនុសាសន៍សម្តេចក្រឡាហោម សខេងដែលថ្មីៗនេះលោកបានព្រមានចៅហ្វាយខេត្តមួយចំនួនពីបទ ល្មើសព្រៃឈេីនេះផងដែរ ។
ពាក់ព័ន្ធការចោទប្រកាន់ពីសំណាក់ប្រជាពលរដ្ឋខាងលើគេហទំព័រ (www.enn-tv.com)យើងមិនអាចសុំការពន្យល់បក ស្រាយពីលោកអ៊ុនចាន់ដាចៅហ្វាយខេត្តព្រះវិហារនិងលោកសេនឡាំ មេការក្រុមហ៊ុនប៊្លូហុីវិនបាននោះទេ៕
