ខេត្តកំពតៈប្រភពបែកធ្លាយមិនប្រកតីជាច្រើនរបស់លោកយីថុល ប្រធានការិយាល័យគយនិងរដ្ឋាករច្រកទ្វារអន្តរជាតិព្រែកចាកស្រុក កំពង់ត្រាចខេត្តកំពតចាប់តាំងលោកយីថុលមកកាន់តំណែងមួយ រយៈពេលខ្លីសោះប្រើអំណាចនិងតួនាទីរបស់ខ្លួនដោយគ្មានញញើតអ្វីទាំងអស់។ការដែលលោកយីថុលហ៊ានធ្វើអ្វីៗតាមអំពើចិត្តគឺមានការឃុបឃិតបើកដៃពីលោកហេងសំបូរដែលជាប្រធានសាខាគយនិងរដ្ឋាករខេត្ត កំពតផងដែរដូច្នេះហើយទើបលោកយីថុលមានអំណាចកាន់តែធំក្នុង ការប្រព្រឹត្តអំពើពុករលួយ។ ដូច្នេះហើយទើបមានសេចក្ដីអំពាវនាវឲ្យលោកឱមយ៉ិនទៀងប្រធានអង្គភាពប្រឆាំងអំពើពុករលួយគួរដាក់ការស៊ើបអង្កេតទៅលើរឿងមិន ប្រកតីរបៀបពុករលួយរបស់លោកយីថុលឲ្យទាន់ពេលវេលាដើម្បីកុំ ឲ្យមន្ត្រីគយរូបនេះប្រព្រឹត្តអំពើពុករលួយកុំឲ្យកាន់តែខ្លាំងជាងនេះទៀត។
ថ្មីៗនេះប្រភពពីមន្ត្រីពាក់ព័ន្ធនៅច្រកទ្វារអន្តរជាតិព្រែកចាកស្រុកកំពង់ត្រាចខេត្តកំពតបានឲ្យដឹងថាគ្រាន់តែទទួលបានតំណែងជាប្រធានការិយាល័យគយច្រកព្រែកចាកមិនទាន់បានមួយខែផងស្រាប់ តែលោកយីថុលប្រើតួនាទីនិងអំណាចប្រមូលលុយតាមរបៀបពុក រលួយដោយគ្មានញញើតអ្វីទាំងអស់។ ប្រភពបានឲ្យដឹងទៀតថាគ្រាន់តែមកកាន់តំណែងជាប្រធានការិយា ល័យគយនិងរដ្ឋាករច្រកទ្វារអន្តរជាតិព្រែកចាកភ្លាមលោកយីថុល បានចាត់តាំងមន្ត្រីក្រោមឱវាទរបស់ខ្លួនឲ្យគៀបយកលុយពីក្រុមឈ្មួញនាំទំនិញគេចពន្ធនិងទំនិញបង់ពន្ធមិនគ្រប់និងទំនិញក្លែងភេទតាមច្រកទ្វារព្រែកចាក យ៉ាងគឃ្លើន។ ប្រភពខ្លះបានឲ្យដឹងថាការដែលលោកយីថុលហ៊ានធ្វើអ្វីៗតាមអំពើចិត្តគឺដោយសារមានការសម្របសម្រួលពីលោកហេងសំបូរប្រធាន សាខាគយនិងរដ្ឋាករខេត្តកំពត ផងដែរ។
ប្រភពដែលស្និទ្ធនឹងលោកយីថុលបានឲ្យដឹងថាពេលមកធ្វើជាមេគយច្រកព្រែកចាកភ្លាមនោះគឺលោកយីថុលបានបញ្ជាឲ្យលោករស់ សាតដែលជាអនុប្រធានស្នាក់ការនិងបក្ខពួក២នាក់ទៀតឲ្យពិនិត្យ មើលឡើងវិញចំពោះការនាំចូលនាំចេញទំនិញគ្រប់ប្រភេទនៅច្រក ទ្វារអន្តរជាតិព្រែកចាក។ក្រោយពេលទទួលបញ្ជានេះលោករស់សាតនិងបក្ខពួកបានរឹតបន្តឹងគៀបយកលុយពីក្រុមឈ្មួញនាំចូលនាំចេញទំនិញនិងទំនិញក្លែងភេទ តាមច្រកព្រែកចាកយ៉ាងកំរោលធ្វើឲ្យបាត់បង់ចំណូលរដ្ឋជាច្រើនតែម្តង។ប្រភពបង្ហើបឲ្យដឹងថាលោកយីថុលបានឃុបឃិតឲ្យឈ្មួញធំៗបន្តនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់យ៉ាងរលូនជាថ្នូរនឹងផលប្រយោជន៍។ ប្រការនេះលោកគុណញឹមអគ្គនាយកនៃអគ្គនាយកដ្ឋានគយនិងរដ្ឋាករ កម្ពុជាពិនិត្យចាត់វិធានការទប់ស្កាត់អំពើពុករលួយច្រើនបែបច្រើនយ៉ាងរបស់លោក យី ថុល ព្រមទាំងបក្ខពួកខ្លះៗផង។
បើតាមការបង្ហើបពីមន្ត្រីគយនិងភ្នាក់ងារគយក្នុងខេត្តកំពតមួយចំនួនបានឲ្យដឹងថាលោកយីថុលល្បីល្បាញតាំងពីនៅធ្វើជាមេគយច្រក៤០០ក្នុងស្រុកសំឡូតខេត្តបាត់ដំបងហើយនៅពេលប្ដូរមកធ្វើជាប្រធានការិយាល័យគយច្រកទ្វារអន្តរជាតិព្រែកចាកជំនួសលោក ញ៉ែមសេងគឺលោកយីថុលប្រព្រឹត្តអំពើពុករលួយកាន់តែខ្លាំងថែមទៀត។ ប្រភពពីមន្ត្រីគយនៅខេត្តកំពតបានឲ្យដឹងថាបច្ចុប្បន្នឈ្មួញធំៗនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់តាមច្រកទ្វារអន្តរជាតិព្រែកចាកគឺបង់ពន្ធត្រឹមតែ៣០ភាគរយទៅ៤០ភាគរយប៉ុណ្ណោះ ក្រៅពីនេះគឺលោកយីថុលឃុបឃិតបែងចែកផលប្រយោជន៍លើតុក្រោមតុជាមួយឈ្មួញយ៉ាងសុខស្រួល។បញ្ហានេះដែលលោកអូនព័ន្ធមុនីរ័ត្នរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ គួរពិនិត្យមើលឡើងវិញជាបន្ទាន់ព្រោះគ្រាន់តែមកកាន់តំណែងជាប្រធាន ការិយាល័យគយនិងរដ្ឋាករច្រកទ្វារអន្តរជាតិព្រែកចាកមិនទាន់មួយខែ ស្រួលបួលផងបែរជាលោកយីថុលនិងបក្ខពួកឃុបឃិតគ្នាប្រព្រឹត្តអំពើ ពុករលួយតាមច្រើនរូបភាពដោយគ្មានខ្លាចក្រែងអ្វីទាំងអស់។ពាក់ព័ន្ធនូវការរិះគន់ខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកយីថុលប្រធានការិយាល័យ គយនិងរដ្ឋាករច្រកទ្វារអន្តរជាតិព្រែកចាកនិងបក្ខពួកបាននោះទេ៕
