ភ្នំពេញ៖សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទ ក្រហមកម្ពុជា ឥស្សរជនឆ្នើមថ្នាក់ជាតិនៃផែនការសកម្មភាពរួម អគ្គលេខាធិការអង្គការសហប្រជាជាតិដើម្បីសុខភាពស្រ្តីនិងកុមារ បានដាក់ចេញនូវអនុសាសន៍៥ចំណុចសំខាន់ៗក្នុងការថែទាំសុខ ភាពមាតាទារកនិងកុមារចាប់ពីពេលមានគភ៌ពេលសម្រាលនិង ពេលក្រោយសម្រាលបុត្រ។
សម្តេចកិត្តិព្រឹទ្ធបណ្ឌិតបានលើកឡើងក្នុងសារលិខិតថាដើម្បីចូល រួមចំណែកទៅសម្រេចបានគោលដៅអភិវឌ្ឍន៍ប្រកបដោយចីរភាព ឆ្នាំ២០៣០ការងារចាំបាច់ដែលយើងត្រូវរួមគ្នាធ្វើក្នុងការថែទាំសុខ ភាពមាតាទារកនិងកុមារចាប់ពីពេលមានគភ៌ពេលសម្រាលនិងពេ លក្រោយសម្រាលបុត្ររួមទាំងការពន្យារកំណើតពីកូនមួយទៅកូន បន្ទាប់ការចិញ្ចឹមទារកនិងអាហារូបត្ថម្ភដើម្បីឲ្យមាតានិងទារកមាន សុខភាពល្អក្នុងឱកាសទិវាជាតិសុខភាពមាតាទារកនិងកុមារនេះ ខ្ញុំសូមផ្តល់អនុសាសន៍ដូចតទៅ៖
ទី១-សូមឲ្យស្តី្រមានគភ៌ទាំងអស់អញ្ជើញទៅពិនិត្យសុខភាពពិគ្រោះ យោបល់ជាមួយគ្រូពេទ្យឆ្មបជំនាញនៅមណ្ឌលសុខភាពឬមន្ទីរពេទ្យ ដែលនៅជិតផ្ទះតាមកាលកំណត់ទទួលយកសេវាបង្ការព្យាបាលទាំង អស់ឲ្យបានទៀងទាត់តាមការណែនាំរបស់គ្រូពេទ្យជំនាញនិងស្ម័គ្រ ចិត្តធ្វើតេស្តឈាមដើម្បីពិនិត្យស្ថានភាពមេរោគអេដស៍និងមេរោគស្វាយ ដើម្បីលុបបំបាត់ពិការភាពនិងការចម្លងជំងឺទាំងពីរនេះពីម្តាយទៅកូន។
ទី២-សូមទៅសម្រាលកូននៅមណ្ឌលសុខភាពឬមន្ទីរពេទ្យដែលមាន គ្រូពេទ្យធ្មបជំនាញ ទទួលបានការបណ្តុះបណ្តាលត្រឹមត្រូវ។
ទី៣-សូមអញ្ជើញទៅពិនិត្យសុខភាពក្រោយពេលសម្រាលទាំងមាតា និងទារកនិងទទួលថ្នាំបង្ការជំងឺ១១មុខតាមការកំណត់របស់គ្រូពេទ្យ។
ទី៤-សូមបំបៅទារកដោយទឹកដោះម្តាយតែមួយមុខគត់ចាប់ពីពេល ទារកប្រសូតភ្លាមរហូតដល់ទារកមានអាយុ៦ខែនិងផ្តល់អាហារបន្ថែម គ្រប់ មុខគ្រប់ជីវជាតិ(បបរខាប់គ្រប់គ្រឿ)រួមជាមួយការបន្តបំ បៅទឹក ដោះម្តាយ រហូតដល់កុមារមានអាយុយ៉ាងតិច២ឆ្នាំ។
ទី៥-សូមប្រញាប់យកទារកទៅមន្ទីរពេទ្យភ្លាមនៅពេលឃើញសញ្ញា គ្រោះថ្នាក់ណាមួយនៃជំងឺរលាកផ្លូវដង្ហើមជំងឺរាកឬជំងឺឆ្លងដទៃទៀត និងយកទារកឬកុមារតូចដែលមានរាងកាយស្គមឬមិនឡើងទម្ងន់ សោះទៅពិគ្រោះយោបល់និងទទួលការព្យាបាលនៅមន្ទីរពេទ្យ។
ជាមួយគ្នានេះសម្តេចកិត្តិព្រឹទ្ធបណ្ឌិតសូមអំពាវនាវចំពោះថ្នាក់ដឹកនាំ មន្ត្រីរាជការបុគ្គលិកសុខាភិបាលអ្នកផ្តល់សេវាទាំងអស់ចូលរួមគាំទ្រ ការអនុវត្តគោលនយោបាយគាំពារសង្គមរបស់រាជរដ្ឋាភិបាលកម្ពុជា ឲ្យមានប្រសិទ្ធភាពខ្ពស់និងឈានទៅសម្រេចបានគោលដៅកាត់ បន្ថយអត្រាការស្លាប់របស់មាតាការស្លាប់របស់ទារកក្នុងផ្ទៃការស្លាប់ របស់ទារកទើបនឹងកើតនិងការស្លាប់របស់កុមារអាយុក្រោម៥ឆ្នាំតាម ការកំណត់នូវគោលដៅអភិវឌ្ឍន៍ប្រកបដោយចីរភាពឆ្នាំ២០៣០និង សូមអំពាវនាវដល់គ្រប់ស្ថាប័នពាក់ព័ន្ធទាំងអស់ទាំងជាតិនិងអន្តរ ជាតិសូមបន្តជួយវិនិយោគគាំទ្រដល់ការងារសុខភាពមាតាទារក និងកុមារនៅកម្ពុជា៕
