ក្រចេះ៖ប្រភពពីសមត្ថកិច្ចពាក់ព័ន្ធបានឲ្យដឹងថារហូតមកដល់ពេល នេះឈ្មួញមួយចំនួនធំដែលយកលោកឧត្តមសេនីយ៍ត្រីសាន្តប៊ុនថានមេបញ្ជាការអាវុធហត្ថខេត្តក្រចេះធ្វើជាបង្អែកនៅតែបន្តសកម្ម ភាពដឹក ជញ្ជូនឈើចេញ ទៅស្រុក យួនដដែល ។ ប្រភពបានឲ្យដឹងទៀតថាឈ្មួញឈ្មោះចែនីនិងប្ដីឈ្មោះអាតដែល មានលោកសាន្តប៊ុនថានជាបង្អែកដ៏រឹងមាំនៅតែធ្វើសកម្មភាពដឹក ជញ្ជូនឈើខុសច្បាប់ចេញទៅលក់ស្រុកយួនទាំងយប់ទាំងថ្ងៃដោយគ្មានញញើត អ្វីទាំងអស់។
នៅពេលថ្មីៗនេះលោកសាន្តប៊ុនថានចេញបទបញ្ជាឲ្យមន្ត្រីអាវុធហត្ថ ចាត់វិធានការបង្ក្រាបបទល្មើសដឹកជញ្ចូនឈើខុសច្បាប់ក្នុងខេត្តក្រ ចេះក៏មិនអាចបិទបាំងការពិតបានឡើយព្រោះមជ្ឈដ្ឋានមហាជនបាន ដឹងយ៉ាងច្បាស់ថាកន្លងមកលោកសាន្តប៊ុនថានជាបង្អែករឹងមាំសម្រាប់ក្រុមឈ្មួញធំៗដឹកជញ្ជូនឈើទៅស្រុកយួនដោយមិនញញើតអ្វីទាំងអស់។
ពេលនេះលោកឧត្តមសេនីយ៍ត្រីសាន្តប៊ុនថានមេបញ្ជាការកងរាជអាវុធ ហត្ថខេត្តក្រចេះបានដាក់ពង្រាយកម្លាំងតាមផ្លូវជាតិលេខ៧និងផ្លូវជាតិលេខ៧៦ដើម្បីចាត់វិធានការទប់ស្កាត់ក្រុមឈ្មួញដឹកជញ្ជូនឈើចេញ ទៅស្រុកយួន។តាមប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងស្រុកស្នួលខេត្ត ក្រចេះបានឲ្យដឹងថាបទបញ្ជារបស់លោកសាន្តប៊ុនថានមេបញ្ជាការកងរាជអាវុធហត្ថខេត្តក្រចេះគឺជារឿងឥតន័យព្រោះឈ្មួញច្រើននាក់នៅតែបន្តសកម្មភាពដឹកជញ្ជូនឈើឆ្លងកាត់ទឹកដីស្រុកស្នួលដដែល ខ្លាំងក្លាជាងមុនទៅទៀតចេញទៅលក់ស្រុកយួនតាមច្រករបៀង។ន៎ណាៗក៏ដឹងដែរថាកន្លងមកលោកសាន្តប៊ុនថានមេបញ្ជាការអាវុធ ហត្ថខេត្តក្រចេះគឺជាអ្នកនៅពីក្រោយឈ្មួញធំៗដូចជាឈ្មួញឈ្មោះ ចែនីនិងប្ដីឈ្មោះអាតដែលល្បីល្បាញខាងដឹកជញ្ជូនឈើខុសច្បាប់ ម៉ាខេត្តក្រចេះចេញទៅលក់ស្រុកយួន។
មន្ត្រីអង្គការក្រៅរដ្ឋាភិបាលនិងសមត្ថកិច្ចពាក់ព័ន្ធក្នុងខេត្តក្រចេះ បានបង្ហើបឲ្យដឹងថាមកដល់ពេលនេះឈ្មួញឈ្មោះចែនី.ប្ដីនិងឈ្មួញដទៃទៀតនៅតែអាចបន្តសកម្មភាពដឹកជញ្ជូនឈើឆ្លងកាត់ខេត្តក្រចេះ ចេញទៅស្រុកយួនដដែល ។ មានមតិជាច្រើនបានលើកឡើងថាបទបញ្ជារបស់លោកសាន្តប៊ុនថាន មានមុខងារខាងបង្រ្កាបបទល្មើសព្រៃឈើគឺជារឿងឥតន័យព្រោះបច្ចុប្បន្នមានឈ្មួញច្រើននាក់ជាពិសេសមេឈ្មួញឈ្មោះចែនីនិងប្ដីឈ្មោះអាត នៅតែបន្តសកម្មភាពដឹកជញ្ជូនឈើចេញទៅស្រុកយួនយ៉ាងពេញបន្ទុកដដែល។ ជាពិសេសមេឈ្មួញធំៗដទៃទៀតដូចជា ឧកញ៉ា ជ័យឧកញ៉ាតុបវីដានិងឧកញ៉ាសឹងសំអុលជាដើមនៅតែប្រើប្រាស់រថយន្ត ធុនធំប្រភេទយីឌុបខ្នាតយក្សនិងប្រភេទវ៉េអងដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិត្រពាំងស្រែជិតខូងផ្លូវអស់ហើយ។
ពាក់ព័ន្ធនូវព័ត៌មានខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកសាន្តប៊ុនថានមេបញ្ជាការ កងរាជអាវុធហត្ថខេត្តក្រចេះបាននោះទេ៕
