ខេត្តពោធិ៍សាត់:ប្រភពមន្ត្រីស្និទ្ធនឹងលោកឡាយវិសិដ្ឋបានបង្ហើបឲ្យដឹងថាការដែលលោកឡាយវិសិដ្ឋហ៊ានធ្វើអ្វីៗតាមអំពើចិត្តដូចសព្វ ថ្ងៃនេះគឺដោយសារអាងមានខ្នងបង្អែករឹងមាំនៅក្នុងក្រសួងកសិកម្ម ទើបហ៊ានប្រើអំណាចនិងតួនាទីរបស់ខ្លួនឃុបឃិតឲ្យមានបទល្មើសព្រៃឈើនិងបទល្មើសនេសាទកើតឡើងយ៉ាងរាលដាលប្រភពពីមន្ត្រីនៅក្នុងមន្ទីរកសិកម្មខេត្តពោធិ៍សាត់បានឲ្យដឹងថាលោកឡាយវិសិដ្ឋ ប្រធានមន្ទីរកសិកម្មខេត្តពោធិ៍សាត់ត្រូវបានមហាជនរិះគន់ថាគឺជាមេខ្លោងធំនៅពីក្រោយបទល្មើសព្រៃឈើនិងបទល្មើសនេសាទក្នុងខេត្តពោធិ៍សាត់ យ៉ាងក្រអឺតក្រទម។ ប្រភពបានបង្ហើបឲ្យដឹងថាលោកវេងសាខុនរដ្ឋមន្ត្រីក្រសួងកសិកម្ម និងលោកកែវអូម៉ាលីស្សប្រធានរដ្ឋបាលព្រៃឈើនៃក្រសួងកសិកម្ម ក៏ដូចជាលោកអេងជាសានអគ្គនាយករដ្ឋបាលជលផលសុទ្ធតែជាខ្នងបង្អែករឹងមាំរបស់លោកឡាយវិសិដ្ឋប្រធានមន្ទីរកសិកម្មខេត្តពោ ធិ៍សាត់ ដែលល្បីល្បាញខាងពុករលួយ។
តាមប្រភពមន្ត្រីនៅក្នុងមន្ទីរកសិកម្មខេត្តពោធិ៍សាត់បានបង្ហើបឲ្យដឹងទៀតថាបច្ចុប្បន្នឈ្មួញច្រើននាក់ដូចជាមេឈ្មួញតាំងអ៊ាងមេឈ្មួញ ណុបឌីនិងមេឈ្មួញង៉ូវទីជាដើមនៅតែបន្តកាប់បំផ្លាញព្រៃឈើនិងដឹក ជញ្ជូនឈើចេញពីខេត្តពោធិ៍សាត់ យ៉ាងពេញបន្ទុក។ ប៉ុន្តែលោកឡាយវិសិដ្ឋប្រធានមន្ទីរកសិកម្មនិងមេរដ្ឋបាលព្រៃឈើខេត្តពោធិ៍សាត់មិនចាត់វិធានការបង្ក្រាបក្រុមឈ្មួញទាំងនោះឡើយ ហើយបណ្ដោយឲ្យពួកគេធ្វើអ្វីៗតាមអំពើចិត្ត។ ប្រភពខ្លះបានឲ្យដឹងថាឈ្មួញឈើធំៗក្នុងខេត្តពោធិ៍សាត់ជាប្រភពចំណូលរបស់លោកឡាយវិសិដ្ឋជាយូរមកហើយទើបលោកឡាយ វិសិដ្ឋមិនចាត់វិធានការបង្ក្រាបហើយមានតែឃុបឃិតឲ្យឈ្មួញទាំង នោះកាប់ឈើនិងដឹកជញ្ជូនឈើចេញពីខេត្តពោធិ៍សាត់យ៉ាងសុខស្រួល។ ប្រភពដែលស្និទ្ធនិិងលោកឡាយវិសិដ្ឋបានឲ្យដឹងថាការដែលបទ ល្មើសនេសាទក្នុងតំបន់បឹងទន្លេសាបនៃស្រុកបាកានស្រុកក្រគរនិង ស្រុកកណ្ដៀងកើតឡើងយ៉ាងរាលដាលក៏មានការឃុបឃិតបើកដៃពីសំណាក់លោកឡាយវិសិដ្ឋប្រធានមន្ទីរកសិកម្មខេត្តពោធិ៍សាត់ផង ដែរ ទើបអ្វីៗអាចប្រព្រឹត្តទៅដោយរលូន។ ប្រសិនបើគ្មានលោកឡាយវិសិដ្ឋជាបើកភ្លើងទេនោះគឺលោកភុំវិមល នាយខណ្ឌរដ្ឋបាលជលផលខេត្តពោធិ៍សាត់និងលោកលឹមសុក្រឹត នាយសង្កាត់រដ្ឋបាលជលផលបាកានមិនហ៊ានឃុបឃិតឲ្យឈ្មួញជន ជាតិយួនប្រើឧបករណ៍ខុសច្បាប់ទ្រង់ទ្រាយធំបំផ្លាញធនធានមច្ឆជាតិយ៉ាងមហន្តរាយដូចសព្វថ្ងៃនេះឡើយ។ ប្រភពបានដែលស្និទ្ធនឹងលោកឡាយវិសិដ្ឋបានបញ្ជាក់ទៀតថាមន្ត្រី រដ្ឋបាលជលផលក្នុងស្រុកបាកានស្រុកកណ្ដៀងនិងស្រុកក្រគរសុទ្ធ តែត្រូវបង់លុយតាមការកំណត់របស់លោកឡាយវិសិដ្ឋដូច្នេះហើយទើបពួកគេឃុបឃិតឲ្យមានបទល្មើសនេសាទប្រើឧបករណ៍ខុសច្បាប់កើតឡើងយ៉ាងរាលដាលដើម្បីប្រមូលលុយបង់ឲ្យមេធំៗនៅខាងលើតាមការកំណត់៕
