ខេត្តមណ្ឌលគិរី៖តាមសេចក្ដីរាយការណ៍ពីប្រជាពលរដ្ឋបានឲ្យដឹងថា មួយរយៈដើមខែមករាឆ្នាំ២០១៩នេះឈ្មួញឈើឈ្មោះម៉ាប់បានធ្វើ សកម្មភាពដឹកជញ្ជូនឈើប្រណិតយ៉ាងគគ្រឹកគគ្រេងដោយពុំមាន មន្ត្រីជំនាញឬសមត្ថកិច្ចប្រចាំច្រកនេះចាត់វិធានការទប់ស្កាត់និង បង្ក្រាបម្តងណាឡើយ។
សម្តេចនាយករដ្ឋមន្ត្រីហ៊ុនសែនទំនងមិនបានជ្រាបច្បាស់អំពីសកម្ម ភាពប្រព្រឹត្តបទល្មើសព្រៃឈើ់ដែលកំពុងតែធ្វើសកម្មភាពសម្រុកដឹក ជញ្ជូនឈើប្រណិតឆ្លងដែនដោយខុសច្បាប់យកទៅលក់នៅប្រទេស យួនតាមច្រកទ្វារទ្វេភាគីអន្តរជាតិដាក់ដាំខេត្តមណ្ឌលគិរីយ៉ាងអនាធិ បតេយ្យជាទីបំផុតដោយអាជ្ញាធរនិងសមត្ថកិច្ចពាក់ព័ន្ធមិនហ៊ានប៉ះ ពាល់ជាមួយនិងមេឈ្មួញឈ្មោះម៉ាប់នោះទេ? ។
ក្រុមសកម្មជនការពារព្រៃឈើនៅក្នុងខេត្តមណ្ឌលគិរីបានបង្ហើបឲ្យ ដឹងថាក្បួនរថយន្តដឹកឈើប្រណិតរបស់មេឈ្មួញជាទូទៅគឺតែងតែ ធ្វើសកម្មភាពលួចដឹកឆ្លងដែនទៅលក់នៅប្រទេសយួននៅពេលយប់ តាមច្រកទ្វេរភាគីខាងលើនិងច្រកប្រាំពីរយ៉ាងអនាធិបតេយ្យជាទីបំផុត ដោយក្បួនរថយន្តដឹកឈើប្រណីតរបស់មេឈ្មួញប្រៀបបីដូចជារថយន្ត ដឹកក្បួនបុណ្យកឋិនអ៊ីចឹង?ក្នុងនោះអាជ្ញាធរនិងសមត្ថកិច្ចពាក់ព័ន្ធនៅ ក្នុងខេត្តមណ្ឌលគិរីមិនហ៊ានក្អកជាមួយនិងមេឈ្មួញនោះទេ?មិនដឹង ថាអាជ្ញាធរសមត្ថកិច្ចត្រូវថ្នាំមេឈ្មួញទេដឹង?ទើបសម្ងំស្ងាមយ៉ាងនេះ។
ទោះបីជាសម្តេចតេជោហ៊ុនសែនបានព្រមានយ៉ាងណាក៏ដោយក៏ឈ្មោះ ម៉ាប់បែរជាកំពុងតែល្បីល្បាញទៀតហើយក្នុងសកម្មភាពប្រព្រឹត្តបទ ល្មើសព្រៃឈើដែលប្រឆាំងនឹងបទបញ្ជាសម្តេចនាយករដ្ឋមន្ត្រីហ៊ុន សែនដោយខណៈពេលនេះកំពុងដឹកជញ្ជូនឈើឆ្លងដែនដោយខុសច្បាប់ យកទៅលក់នៅប្រទេសយួនតាមច្រកដាក់ដាំខេត្តមណ្ឌលគិរីដែលមាន សកម្មភាពយ៉ាងគគ្រឹកគគ្រេងដែលដឹកតាមរថយន្តសាំយ៉ុងជាច្រើនគ្រឿង ដោយគ្មានស្ថាប័នសម្ថកិច្ចណាហ៊ានចាប់បង្ក្រាបនោះឡើយ?។
សូមបញ្ជាក់ថាបន្ទាប់ពីមានករណីបាញ់ប្រហារបណ្តាលឲ្យស្លាប់មនុស្ស បីនាក់កាលពីពេលកន្លងទៅនេះរួចមកឈ្មោះម៉ាប់កំពុងជិះសេះលែងដៃ មិនខ្វល់ខ្វាយពីមន្ត្រីជំនាញណាហ៊ានចូលទៅតំបន់នោះទៀតទេទើប ក្រុមរថយន្តដឹកឈើរបស់លោកម៉ាប់បានដំណើរការយ៉ាងរលូនជាមួយ សមត្ថកិច្ចគ្រប់ផ្នែកទាំងអស់ដែលប្រចាំការនៅច្រកដាក់ដាំទាំងនោះផងដែរ៕
