ភ្នំពេញ៖ទោះបីជាលោកឃួងស្រេងចៅហ្វាយក្រុងភ្នំពេញដាក់បទ បញ្ជារឲ្យអាជ្ញាធរខណ្ឌទាំង១២លុបបំបាត់ល្បែងស៊ីសងឲ្យអស់ ដើម្បីថែរក្សាសន្តិសុខសុវត្តិភាពជូនប្រជាពលរដ្ឋយ៉ាងណាក៏ដោយ ក៏ល្បែងស៊ីសងនៅតែលួចលាក់បើកភ្នាល់គ្នាដោយមានការត្រូវរ៉ូវជា មួយសមត្ថកិច្ចមូលរដ្ឋានរហូតដល់ចៅហ្វាយខណ្ឌក៏មានជាក់ស្តែង ល្បែងស៊ីសងកន្ទុយលេខ(ឆ្នោតយួន)យីហោK38ជាច្រើន កន្លែងក្នុងរាជធានីភ្នំពេញដែលម្ចាស់អាជីវកម្មល្បីឈ្មោះម្នាក់គឺលោក ហេងសម្បត្តិហៅក័ងនិងឧញ៉ាណូបានរត់ការយ៉ាងស្អាតជាមួយនឹង អាជ្ញាធរពាក់ព័ន្ធគ្រប់លំដាប់ថ្នាក់ដើម្បីដាក់ពន្រាយកូនកញ្ច្រែងរបស់ ខ្លួនគ្រប់ទីកន្លែងនិងបើកចំហស្រាប់អ្នកដែលចូលចិត្តចាក់កន្ទុយលេខ ដោយមិនមានការបារម្ភថាសមត្ថកិច្ចឬអាជ្ញាធរណាហ៊ានបង្ក្រាបនោះទេ។
ជាក់ស្តែងទីតាំងកត់ឆ្នោតយួនជាច្រើនកន្លែងដែលមានស្លាកយីហោ K38កំពុងតែរីកដុះដាលដួចផ្សិតក្នុងមូលដ្ឋានខណ្ឌប្ញស្សីកែវ ដូចជានៅ;ទីតាំងទី១នៅក្នុងផ្សារបឹងសាឡាងថ្មីបន្ទុប់លេខ៣១ (ដាក់យីហោK៣៨) ភូមិ បឹងសាឡាង សង្កាត់ឫស្សីកែវ ; ទី តាំងទី២នៅជាប់ផ្សារសាំហាន់ផ្លូវលេខ68Rកែងផ្លូវបេតុង ខាងលិចផ្សារសាំហាន់(ដាក់យីហោK៣៨) ភូមិទួលសង្កែ សង្កាត់ទួលសង្កាត់១ខណ្ឌឫស្សីកែវ;ទីតាំងទី៣នៅតាមបណ្តោយ ផ្លូវលេខ68កែងផ្លូវរថភ្លើងសង្កាត់ទួលសង្កែ១ខណ្ឌឬស្សីកែវ។ ដោយទីតាំងទាំងខាងលើនេះបើកកត់យ៉ាងរលូនបំរើសេវាជូនក្រុម អ្នកញៀនល្បែងកន្ទុយលេខយួនដោយពុំដែលឃើញអាជ្ញាធរនិង សមត្ថកិច្ចពាក់ពន្ធ័ក្នុងខណ្ឌឬស្សីកែវមិនចុះបង្ក្រាបឡើយថែមទាំង បើកដៃឲ្យអ្នកកាង ល្បែងឆ្នោតយួន(យីហោK38)បាន បើក ជាច្រើនទីតាំងទៀតសង្ស័យតែមេកញ្ច្រែងឆ្នោតយួន(យីហោk38)មានខ្នងបង្អែកអ្នកធំនៅពីក្រោយហើយមើលទៅទើបអាជ្ញាធរនិង សមត្ថកិច្ច មិនហ៊ានសង្ក្រាបបែបនេះ ។
ពាក់ព័ន្ធនិងបញ្ហានេះដែរប្រជាពលរដ្ឋកំពុងងឿងឆ្ងល់រហូតដាក់ការ សង្ស័យថាការមិនបង្ក្រាបមាន៤ចំណុចទី១-មកពីមិនដឹងទើបមិន បង្ក្រាបទី២-មកពីម្ចាស់ទីតាំងល្បែងមានខ្សែធំទើបមិនហ៊ានប៉ះទី៣-មកពីម្ចាស់ទីតាំងល្បែងឆ្នោតយួនបង់លុយប្រចាំខែរួចហើយទើបធ្វើ មិនដឹងទី៤-អាចមានចេតនាអនុវត្តផ្ទុយពីយន្តការអនុវត្តគោលនយោ បាយភូមិ-សង្កាត់មានសុវត្ថិភាព។
គួររំលឹកថាកន្លងមកលោកឃួងស្រេងចៅហ្វាយក្រុងភ្នំពេញនិងលោក សថេតអគ្គស្នងការរងនិងជាស្នងការនគរបាលក្រុងភ្នំពេញបានដាក់ បទបញ្ជានិងព្រមានចាត់វិធានការក្តៅទៅលើមន្ត្រីក្រោមឱវាទអធិការ ក្រុង-ស្រុកនិងនាយប៉ុស្តិ៍រដ្ឋបាលឃុំសង្កាត់នានាដែលទុកបណ្តោយ ឲ្យមានសកម្មភាពល្បែងស៊ីសងគ្រប់ប្រភេទខុសច្បាប់ ។
បច្ចុប្បន្ននេះសម្ដេចក្រឡាហោមសខេងធ្លាប់បានដាក់បទបញ្ជាឲ្យមន្ត្រី នគរបាលដែលពាក់ពន្ធ័នៅក្រោមឱវ៉ាទត្រូវតែបង្ក្រាបរាល់ល្បែងស៊ីសង ខុសច្បាប់គ្រប់ប្រភេទមិនត្រូវមានការយោគយល់ឡើយដោយរាជរដ្ឋាភិ បាលបានខិតខំលុបបំបាត់ល្បែងស៊ីសងបញ្ហាគ្រឿងញៀន។ល។ព្រោះថាបញ្ហាអសន្តិសុខ ឆក់ប្លន់ក៏ដូច ជាអំពើហិង្សា ក្នុង គ្រួសារកើតឡើងដោយសារល្បែងសងដើម្បីធានាឲ្យបាននូវសន្តិសុខ សណ្តាប់ជូនប្រជាពលរដ្ឋឲ្យបានសុខសាន្ត៕