ភ្នំពេញ:មុនការឈានមកដកមន្រ្តីទាំង៣រូបនោះលោកស៊ុនចាន់ថុល ក៏ធ្លាប់បានផ្ញើសារនិងបានប្រកាសឲ្យពួកគេកែខ្លួនមកជាមនុស្សល្អ វិញដែរទីបំផុតទៅដូចអនុសាសន៍កន្លងមករបស់លោករដ្ឋមន្រ្តីស៊ុន ចាន់ថុលប្រាកដមែនគឺបានដកមន្រ្តីថ្លឹងជញ្ជីងចំនួន0៣រូបចេញដោយ សារតែពួកគេបានប្រព្រឹត្តអំពើពុករលួយដែលការដកពួកគេជាលើក ទី១ហើយៗនេះទុកជាការព្រមានដល់មន្រ្តីផ្សេងៗទៀតដែលបាន ប្រព្រឹត្តអំពើដូចគ្នានេះ ។ជាការបញ្ចប់ចុះហត្ថលេខាលើកិច្ចព្រមព្រៀងគម្រោងធ្វើឲ្យប្រសើរ ឡើងវិញកំណាត់ផ្លូវជាតិលេខ៥នៅរសៀលថ្ងៃទី២៨ខែមករាឆ្នាំ២០១៩ លោកស៊ុនចាន់ថុលទេសរដ្ឋមន្ត្រីរដ្ឋមន្ត្រីក្រសួងសាធារណការនិងដឹក ជញ្ជូនបានប្រាប់ក្រុមអ្នកសារព័ត៌មានថាថ្ងៃទី២៨មករានេះលោកបាន ចុះហត្ថលេខា ដកមន្ដ្រីជញ្ជីងចំនួន0៣នាក់(កន្លែងថ្លឹង រថយន្ដ) ក្នុងនោះក៏មានមន្ដ្រីជញ្ជីងនៅខេត្តស្ទឹងត្រែងផងដែរ។ លោកបញ្ជាក់ថា“រឿងជញ្ជីងនេះគឺថារឿងឈឺក្បាលធ្វើឲ្យមុខមាត់ប្រទេស ជាតិ រាជរដ្ឋាភិបាលក៏មិនល្អដែរ។ ដោយសារតែកន្លែងជញ្ជីងយើងមានបញ្ហាព្រឹកមិញនេះខ្ញុំទើបចុះហត្ថ លេខាដូរប្រធានជញ្ជីងចំនួន0៣កន្លែងចេញសិន”។ លោករដ្ឋមន្រ្តីបានបន្ដថានេះគឺជាដំណាក់កាលទី១ដូរមន្ដ្រីជញ្ជីងដែល ពុករលួយ0៣នាក់ដើម្បីទុកជាការព្រមានចំពោះមន្រ្តីពុករលួយផ្សេងទៀត ដែលមិនទាន់ចាត់ការ ។ លោកថាក្រសួងនឹងមានគម្រោងដោះដូរជាបន្ដបន្ទាប់ទៀតបើសិនមាន មន្រ្តីពុករលួយរបៀបនេះ។ លោកបានបន្ថែមទៀតថាក្រសួងនឹងមានវិធានក្ដៅៗដើម្បីដកមន្ដ្រីជញ្ជីង ខិលខូចទាំងឡាយចេញឲ្យអស់ហើយលោកក៏អំពាវនាវឲ្យមន្ដ្រីជញ្ចីង ទាំងអស់ត្រូវធ្វើការឲ្យបានត្រឹមត្រូវជាពិសេសរថយន្ដត្រូវថ្លឹងឲ្យបានពិត ប្រាកដ មិនអាចឲ្យរថយន្ដ ឆ្លងកាត់ដោយមិនថ្លឹងនោះទេ។លោករដ្ឋមន្ដ្រីក្រសួងសាធារណការបានរំលឹកថានាពេលកន្លងមក ក្រសួងបានដោះដូរមន្ដ្រីជញ្ជីងចំនួន១៥នាក់ផងដែរដូច្នេះឯកសារពួក គាត់ កំពុងស្ថិតក្នុងដៃតុលាការ។ លោកថ្លែងថា“ដាក់អ្នកថ្មីមកប៉ុន្មានកន្លែងបញ្ហាដូចដើមទៀតល្មមរៀង ហើយចឹងឱកាសនេះខ្ញុំសូមផ្ដាំផ្ញើឲ្យហើយនូវមន្ដ្រីយើងខ្ញុំទាំងអស់ឲ្យ ឈប់បើមន្ដ្រីល្អខ្ញុំសូមអរគុណមន្ដ្រីមិនល្អសូមកែខ្លួនព្រឹកមិញខ្ញុំបាន ដោះដូរ0៣កន្លែងដឹងមួយច្បាស់នៅខេត្តស្ទឹងត្រែង៕