ភ្នំពេញ ៖ តាមប្រភពពីប្រជាពលរដ្ឋបានបង្ហើបប្រាប់អោយដឹងថាមានទីតាំងអ៊ីនធើណិតភ្នាល់បាល់ស៊ីសង២៤ម៉ោង យីហោ(៣៦៥)ដែលមានទីតាំងនៅតាមបណ្តោយផ្លូវលេខ៤៧៤ក្នុងសង្កាត់បឹងត្របែកខណ្ខចំកាមនរាជធានីភ្នំពេញបានបើកលេងល្បែងស៊ីសងភ្នាល់បាល់តាមប្រពន្ធ័អនឡាញ យ៉ាងរលូនដោយមិនដែលរំខានដល់សមត្ថកិច្ចខណ្ឌចំកាមននោះទេ។
ទីតាំងអ៊ីនធើណិត២៤ម៉ោងគឺជាកន្លែងបើកល្បែងស៊ីសងភ្នាល់បាល់តាមអនឡាញល្បែងស៊ីសងជាច្រើនផ្សេងទៀតនិងជាជម្រកផ្តល់មធ្យោបាយឲ្យជនល្មើស ជ្រកកោនដោយសារតែបើកបម្រើការ២៤ម៉ោង។
ទីតាំងអ៊ីនធើណិត២៤ម៉ោងជាច្រើនកន្លែងនៅក្នុងទឹកដីខណ្ឌចំកាមនកំពុងតែបើកដំណើរការយ៉ាងរលូនដោយសារហាងទាំងនោះមានអាជ្ញាបណ្ណចេញពីក្រសួងនានា។
ប្រភពពីប្រជាពលរដ្ឋបានឲ្យដឹងថារាល់ទីតាំងនីមួយៗតែងតែមានអ្នកមើលការខុសត្រូវនិងអ្នកគ្រប់គ្រងរាល់កន្លែងទាំងអស់នោះ ដោយពួកគេមានអំនួតមិនខ្លាចរអាជា្ញធរមានសមត្ថកិច្ចថ្នាក់ក្រោមៗនោះទេដោយសារគេស្គាល់ទាបបំផុតចាប់ពីថ្នាក់អធិការឬអភិបាលខណ្ឌឡើងមិនដឹងថាគេមានឥទ្ធិពលឬក៏ប្រើអំណាចទឹកប្រាក់ក្នុងកម្រិតណាទេ។
ប្រជាពលរដ្ឋបានលើកឡើងថា ល្បែងស៊ីសងគឺជាប្រភពផ្តើមចេញឲ្យមានបទល្មើសហើយអនុញ្ញាតឲ្យបើកមិនបង្ក្រាបគឺជាកំហុសឆ្គងយ៉ាងធ្ងន់ធ្ងរទៅច្បាប់ដែលមិនអនុវត្តទៅតាមគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាល
សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងលោក ឃួង ស្រេង អភិបាល នៃគណៈអភិបាលរាជធានីភ្នំពេញបានដាក់បទបញ្ជាយ៉ាងម៉ឺងម៉ាត់ដល់កម្លាំងសមត្ថកិច្ចពាក់ព័ន្ធទាំងអស់ឲ្យបង្ក្រាបរាល់ល្បែងស៊ីសង គ្រឿងញៀននិងត្រូវទប់ស្កាត់បទល្មើសនានានៅតាមបណ្តាខណ្ខនីមួយៗ។
សូមបញ្ជាក់ថាខណ្ខចំកាមនជាខណ្ឌមួយដែលមានភូមិសាស្ត្រស្មុគស្មាញនិងជាកន្លែងដែលសម្បូរទៅដោយបទល្មើសជាច្រើនទៀតផងព្រោះមានក្មេងទំនើងប្រមូលផ្តុំគ្នាបានប្រើប្រាស់គ្រឿងញៀននិងលេងល្បែងស៊ីសងតាមអ៊ីនធើណេត២៤ម៉ោង។
ប្រជាលរដ្ឋម្នាក់បានលួចប្រាប់សារព័ត៌មានយើងថាសមត្ថកិច្ចខណ្ឌចំកាមនបង្ក្រាបតែកន្លែងណាដែលមិនបង់លុយឲ្យពួកគេតែប៉ុណ្ណោះកន្លែងណាបង់រាល់ខែ មិនបង្ក្រាបនោះទេហើយប្រជាពលរដ្ឋដែលរស់នៅក្បែទីតាំងខាងលើសំណូមពរដល់សមត្ថកិច្ចពាក់ព័ន្ធជួយចុះត្រួតពិនិត្យនិងបង្ក្រាបល្បែងស៊ីសងជាពិសេសបញ្ហាគ្រឿងញៀនដែលបំផ្លាញសង្គមជាតិរបស់យើង។
