ក្នុងនាមតំណាងរាស្ត្រ បម្រើប្រយោជន៍យុវជន ប្រជាជន ខ្ញុំបាទ សូមបដិសេធន៍យ៉ាងដាច់អហង្ការ និងច្រានចោលទាំងស្រុងចំពោះដេប៉ូឈើយីហោ “វិបុល” ក្នុងភូមិព្រៃភ្នៅ ឃុំព្រៃភ្នៅ ស្រុកពារាំង ខេត្តព្រៃវែង ដែលបានប្រើឈ្មោះខ្ញុំបាទធ្វើជាខ្នងបង្អែក ឫធ្វើជាឥទ្ធិពលក្នុងវិវាទផ្ទាល់ខ្លួនជាមួយអ្នកសារព័ត៌មានចំនួន៣នាក់នាពេលថ្មីៗកន្លងទៅនេះ។
ខ្ញុំបាទ សូមប្រកាសជាសាធារណៈ ជូនបងប្អូនយុវជន ប្រជាជន និងអ្នកសារព័ត៌មានជាតិទាំងអស់មេត្តាជ្រាបថា ខ្ញុំបាទ ពុំមានអ្វីពាក់ព័ន្ធនឹងផលប្រយោជន៍ណាមួយជាមួយដេប៉ូឈើខាងលើនេះឡើយ។
ខ្ញុំបាទ សូមបញ្ជាក់ជាសាធារណៈថា ការយកឈ្មោះខ្ញុំបាទ ទៅប្រើក្នុងរូបភាពនេះ ជាការធ្វើឲ្យប៉ះពាល់ដល់កិត្តិយស និងភាពស្អាតស្អំរបស់ខ្ញុំបាទ ជាតំណាងរាស្ត្រ និងជាអនុប្រធានសហភាពសហព័ន្ធយុវជនកម្ពុជា ដែលដេប៉ូឈើនេះ គប្បីធ្វើអ្វីម្យ៉ាងដើម្បីបញ្ជាក់អំពីភាពស្អាតស្អំរបស់ខ្ញុំបាទវិញ។
ជាទីបញ្ចប់ ខ្ញុំបាទ សូមថ្លែងអំណរគុណយ៉ាងជ្រាលជ្រៅ ជូនចំពោះយុវជន ប្រជាជនទូទៅ និងបងប្អូនអ្នកសារព័ត៌មាន ដែលតែងតែគាំទ្រ លើកទឹកចិត្ត និងចូលរួមសកម្មភាពគ្រប់ពេលវេលាជាមួយខ្ញុំបាទកន្លងទៅ និងបន្តទៅថ្ងៃអនាគត៕
