ខេត្តរតនគិរី៖ រថយន្តសាំយុង កាមរី បាឡែន និង រថយន្តឡិចស៊ីសរាប់រយគ្រឿង ព្រមទាំងម៉ូតូផងដែរ ដោយសមត្ថកិច្ចកំពុងតែបើកដៃឱ្យសំរុក ដឹកជញ្ជូនឈើយ៉ាងគំហុកឆ្ពេះទៅប្រទេសវៀតណាមតាមច្រកទ្វារអន្តរជាតិអូរយ៉ាដាវ និង ច្រករបៀងលេខ១៩នៅក្បែនោះប្រមាណ២០០ ម៉ែត្រ ព្រមទាំងច្រករបៀងភូមិភិៈ នៅព្រឹកថ្ងៃទី២៣ ខែកក្កដា ឆ្នាំ២០១៧នេះ ។
បើតាមសង្កេត និងការអោយដឹងពីប្រជាពលរដ្ឋគឺថា ការដឹកជញ្ជូនឈើទៅប្រទេសវៀតណាមនោះគឺយូៗក្រុមសមត្ថកិច្ចបើកដៃឱ្យដឹកជញ្ជូនម្តងហើយរយៈពេលយ៉ាងយូរមួយសប្តាហិ៍ត្រូវសំរាក វិញដោយប្រើរូបភាពលួចឆ្មក់។
ពលរដ្ឋបានបន្តថា បើមានថ្នាក់ដឹកនាំចុះមកម្តងៗផ្អាកមួយរយៈក្រោយពីការផ្អាកយ៉ាងយូរបីទៅបួនថ្ងៃប៉ុណ្ណោះត្រូវបើកវិញហើយជាក់ស្តែដូចជាមុន ពេលឯកឧត្តមនាយឧត្តមសេនីយ៍ឧបនាយក រដ្ឋមន្ត្រី កែ គឹម យ៉ានប្រធានអាជ្ញាធរជាតិ ប្រយុទ្ធប្រឆាំងគ្រឿងញៀននៃ ព្រះរាជាណាចក្រកម្ពុជា ចុះមកសម្ភោធបើកប្រតិបត្តិការដឹកជញ្ជូនឆ្លងកាត់ ព្រំដែននៅច្រកទ្វារអន្តរជាតិអូរយ៉ាដាវរតនគិរី ឡេថាញ់ យ៉ាឡាយនោះក៏មានការដឹកជញ្ជូនយ៉ាងគគ្រិកគ្រេងដែរក្រោយមកក៏បានផ្អាករហូតដល់ពេលនេះស្រាប់តែមានដឹកជញ្ជូនយ៉ាងគំហុ៑កតែម្តង។
គេសង្កេតឃើញនៅតាមដងផ្លូវចាប់ពីក្រុងបានលុងរហូតដល់ច្រកទ្វារមានសមត្ថកិច្ចរាប់មិនអស់ក្បាលដូចកណ្តាច់។
នាក់ដឹកតាមម៉ូតូបានប្រាប់ថាម៉ូតូដឹកឈើមួយគ្រឿងបង់ឱ្យសមត្ថកិច្ច៣០០០០៛(បីម៉ឺនរៀលក្នុងមួយស្ថាបន័)។
ឯរថយន្តវិញត្រូវបង់ចាប់ពី១០ម៉ឺនទៅ២០ម៉ឺន រៀលក្នុងមួយស្ថាបន័លើកលែងតែច្រកទ្វារអន្តរជាតិអូរយាដាវនិងមុខវរះនគបាលការពារព្រុំដែនគោកប៉ុណ្ណោះត្រូវបង់ចាប់ពី៥០ម៉ឺនទៅ៦០ម៉ឺនរៀល។
តាមប្រភពបានបង្ហើបថានៅមុខវរះនគបាលការពារដែនគោកនោះត្រូវបង់ឱ្យមន្ត្រីកាន់កូនខ្មោចរហូតដល់៧ស្ថាបន័ឯណ្ណោះដែលជំនួសមុខឱ្យមេធំៗនៅក្នុងខេត្តទាំងអស់។
ប្រភពបន្តថាមេធំៗទាំងនោះមានរថយន្តឱ្យកូនចៅរកស៊ីដឹកឈើខ្លួនឯងផងនិងត្រូវអង្គៀមជញ្ជក់ឈាមប្រជាពលរដ្ឋរកស៊ីដឹកឈើនោះផងបើគ្មានខ្នងបង្អែកទេរកស៊ីរបរនេះមិនសូវកាក់កបទេគឺត្រូវបង់លុយឱ្យសម្តកិច្ចច្រើនផងនិងត្រូវប្រឈមនិងការបង្រាប់ទៀតបើពួកគេមិនពេញចិត្ត។
តែទោះជាយ៉ាងក៏បទល្មើសផល់អនុផល់ព្រៃឈើនិងលាបសក្ករៈពីព្រៃឈើនោះធ្លាក់ទៅលើតែក្រុមបក្សពួកមនុស្សមួយក្តាប់តូចសែរស្រឡាយអ្នកធំក្នុងខេត្តរតនគិរីនោះប៉ុណ្ណោះ។ អ្នកដែលគ្មានខ្សែគ្មានបង្អែកមិនអាចប្រព្រិត្តបានឡើយ ៕