ព្រៃវែង ៖ មន្ត្រីគយចលត័ប្រចាំផ្លូវជាតិនិមួយៗគឺមានតួនាទីក្នុងការទ្រួតពិនិត្យ រាល់ការដឹកជញ្ជូនទំនិញគ្រប់ប្រភេទដែលដឹកពីប្រទេសជិតខាងចូលមកក្នុងស្រុក ជាពិសេសគឺទំនិញគេចពន្ធតែម្ដង ដែលក្រុមឈ្មួញខិលខូចខ្លះដឹកទំនិញពីប្រទសជិតខាងដោយ មិនបានបង់ពន្ធចូលរដ្ឋនិងបង់ពន្ធមិនគ្រប់ ទាំងនេះជាមូលហេតុយ៉ាងសំខាន់ដែលបណ្ដាលឲ្យបាត់ចំណូលរដ្ឋយ៉ាងច្រើន ដោយមានការឃុបឃិតត្រូវរូវរវាងឈ្មួញនិងមន្ត្រីប្រចាំច្រកតាមក្រវ៉ាត់ព្រំដែន ដែលថ្នាក់លើដាក់ទៅឲ្យត្រួពិត្យ។ដូចជាសកម្មភាពដឹកទំនិញពីប្រទេសវៀតណាម តាមផ្លូវជាតិលេខ8ត្រូវគេមើលឃើញថា ឈ្មួញទាំងតូចទាំងធំគឺមានការត្រូវដងត្រូវផ្លែ ជាមួយមន្ត្រីជុំនាញ ស្ទើគ្រប់ស្ថាបណ្ណ័ទាំងអស់តាំងពីច្រកព្រំដែនរហូតដល់កណ្ដាលទីក្រុងភ្នំពេញ ។
ប្រភពពីរស្ដ្រីជាប្រពន្ធតៃកុងរថយន្តដឹកទំនិញរបស់ លោកយាយញាប់ម្នាក់ ដែលសុំមិនបញ្ចេញឈ្មោះបានឲ្យដឋឹងថាលោកយាយជាឈ្មួញដ៏មានឥទ្ធិពលប្រចាំប៉ែងខាងកើតប្រទេស ប្រភពបានបង្ហើបឲ្យដឹងទៀតថា លោកយាយ ញាប់ បានដាក់ខែឲ្យមន្ត្រីជុំនាញប្រចាំការតាមផ្លូវជាតិលេខ8អស់ហើយដូចជា គយចលត័ដែលប្រចាំការនៅចំណុច ភូមិពោធិ៍ពីរ ឃុំដូនកឹង ស្រុកកំចាយមារ ខេត្តព្រៃវែង ក្នុង1ខែ3000$ អ្នកស្រីបន្តថា រថយន្តយាយ មានច្រើនណាស់ហើយដឹកទំនិញពីប្រទេសវៀតណាម ចូលដល់ស្រុកកំចាយមារ ខេត្តព្រៃវែងទើបធ្វើការផ្ទេរឬសាងដាក់ឡានតូចធំបែងចែកតាមទីផ្សារ និងដឹកញ្ជូនទៅដលនៅទីក្រុង់ភ្នំពេញតែម្ដងរីឯទំនិញដែលដឹកទៅនោះភាគច្រើនជាប្រភេទសាប៊ូ និងទំនិញចាប់ហួយផ្សេងៗ
ជួនកាលគយចលត័នោះដេញស្ទាក់ដែរតែដល់ប្រាប់ថារបស់យាយក៍ពួក គេឲ្យទៅហើយដោយមិនសួរនាំអីនោះទេ ព្រោះថាយាយ បានបង់ដាក់ខែឲ្យហើយ ក្នុងមួយខែ3000$មិនដែលអាក់ខាននោះទេ ហើយយាយតែងតែបង់មុនខែជារៀងរាល់ខែ បើមិនដូច្នេះទេគយចាប់ហើយ ហើយនៅប៉ែកខាងកើតនេះនណាៗក៏ស្គាល់យាយដែរ។
ប្រភពពីរប្រជាពលរដ្ឋដែលរស់នៅ ភូមិពោធិ៍ពីរ ឃុំដូនកឹង បានឲ្យដឹងថា រថយន្តដឹកទំនិញដែលដឹកចេញពីវៀតណាម ដែលមកដល់ចំនុចមុខគយចលត័ ឈប់នៅមុខស្នាក់ការគយ រួចចូលទៅបង់លុយឲ្យគយរហូតដោយមិនមានកាន់ឯកសារឬក្រដាសស្នាមអ្វីឡើយ្ត បើជារថយន្តក្រុមហ៊ុនប្រភេទកុងទីនរ័ ទើបឃើញមានកាន់ក្រដាសស្នាមចូលឲ្យគយពិនិត្យ តែបើរថយន្តដឹកទំនិញដឹកបន្លែផ្សេងទាំងតូចធំ គឺចូលបង់លុយឲ្យគយ រហូតដោយមិនមានការពិនិត្យមុខទំនិញអ្វីនោះទេ។
សូម ឯកឌត្តម បណ្ឌិត គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាសូមឯកឌត្តមក្រលេកមើលលោកគយចល័តកំពុងត្រូវរូវជាមួយឈ្មួញហើយទាន.,..?
ពាក់ពន្ធ័ព័ត៏មានខាងលើអ្នកសារព័ត៏មានយើងមិនអាចសុំការពន្យល់ពីរលោកគយចលត័បាននោះទេ ៕
