ភ្នំពេញ ៖ យោងតាមប្រភពពីមន្ត្រីក្រសួងមហាផ្ទៃបានឲ្យដឹងថាអគ្គស្នងការនគរបាលជាតិ បានចេញលិខិតមួយច្បាប់អនុញ្ញាតឲ្យ លោកឧត្តមសេនីយ៍ត្រី អ៊ុំ វណ្ណា មានឱកាសសាជាថ្មី ជាប្រធានប្រចាំទិសភូមិភាគឦសានកាលពីថ្ងៃទី០៦ ឧសភា ឆ្នាំ ២០១៧ បន្ទាប់ពីមានការជួយអន្តរាគមន៏ ជ្រោមជ្រែងយ៉ាងអស់ពីចិត្តពីថ្លើម របស់លោកនាយ ហ៊ូ សាគុណ អគ្គ ស្នងការរងនគរបាលជាតិ ។ នេះបើតាមការទម្លាយឲ្យដឹងពីមន្ត្រីក្រសួងមហាផ្ទៃដែលអង្គភាព គេហទំព័រ សារព័ត៏មាន ទើបបានទទួលពីពេលថ្មីៗនេះ។
ចំណារយល់ព្រម ពីនាយឧត្តម សេនីយ៍ នេត សាវឿន ប្រគល់ភារកិច្ចឲ្យលោក អ៊ុំ វណ្ណា ដែលជាបុគ្គលដ៏ល្បី ល្បាញជំនាញខាងប្រព្រឹត្តអំពើពុក រលួយនេះ ត្រូវបានមន្ត្រីក្រសួងមហា ផ្ទៃ មួយចំនួនសម្តែងការមិនពេញចិត្ត និងរិះគន់ថា ជាការធ្វើផ្ទុយនឹងសេចក្តីសម្រេចរបស់ក្រសួងកាលពីពេលថ្មីៗនេះ។
ក្រសួងមហាផ្ទៃបានសម្រេចដក កម្លាំងនគរ បាលប្រឆាំងបទល្មើស សេដ្ឋកិច្ចដែលដាក់ប្រចាំការនៅតាមបណ្តា ខេត្ត ក្រុងទាំង២៥ឲ្យមកបម្រើការនៅក្នុងនាយកដ្ឋានវិញ ដើម្បីបញ្ចៀសការរិះគន់ពីមជ្ឈដ្ឋាននានាថា មន្ត្រីនគរបាលទាំងនោះដាក់កុងត្រូលជជុះចាំតែហុច ដៃទទួល សំណូកពីក្រុមអ្នករកស៊ីល្មើសច្បាប់និងបង្កភាពអនាធិបតេយ្យ តែប៉ុណ្ណោះ។ការប្រកាសសម្រេចរបស់ក្រសួងបែបនេះ បានទទួលការស្វាគមន៍សាទរយ៉ាងខ្លាំងពីមហាជនទូទៅ ក៏ដូចជាអង្គការសង្គមស៊ីវិលថា បានអនុវត្តស្របតាមគោល នយោបាយ កំណែ ទម្រង់ របស់រដ្ឋាភិ បាលដែលដឹកនាំដោយសម្តេចតេជោ នាយរដ្ឋមន្ត្រីនៃព្រះរាជជាណាចក្រកម្ពុជា។
តាមលិខិតលេខ១២/១៧..របក ចុះថ្ងៃទី០៣ខែមិថុនា ចេញដោយលោក ហ៊ូ សាគុណ អគ្គស្នងការរងនគរបាលជាតិនិងជាប្រធានក្រុមបេសកកម្ម ស្រាវជ្រាវ ស៊ើបអង្គេត ទប់ស្កាត់និងបង្ក្រាបបទល្មើសធនធានធម្មជាតិ បានស្នើសុំទៅនាយឧត្តមសេនីយ៍នេត សាវឿន រក្សាទុកកម្លាំងដែលដឹកនាំដោយលោក អ៊ុំ វណ្ណា និងមន្ត្រីចំនួន២៧នាក់ នៃនគរ បាលនាយក ដ្ឋានប្រឆាំងបទល្មើសសេដ្ឋកិច្ច ដើម្បីបន្តបំំពេញភារកិច្ចតាមផែនការលេខ០១០ ផ.ក។
មន្ត្រីមួយចំនួននៃក្រសួងមហាផ្ទៃបានលើកឡើងថា ការដែលលោក ហ៊ូ សាគុណ ស្នើសុំឲ្យលោក អ៊ុំ វណ្ណា ក្លាយជាស្តេចត្រាញ់ប្រចាំទិសភូមិភាគឦសាននេះ គឺដើម្បីបន្តរក្សាទុកឆ្នាំងបាយដ៏ផ្អែមឆ្ងាញ់ ដែលលោកធ្លាប់បានទទួលជាច្រើនឆ្នាំតែប៉ុណ្ណោះ ។ ហើយដើម្បីទទួល បានសិទ្ធិអំណាចថ្មីនេះ ទំនងជាលោក អ៊ុំ វណ្ណា ចាយវាយស្រោមសំបុត្រមិនតិចដុំនោះទេទៅឲ្យអគ្គស្នងការនគរបាលជាតិ។
តាមប្រភពពីមន្ត្រីនគរបាលប្រឆាំងបទល្មើសសេដ្ឋកិច្ចប្រចាំទិសភូមិភាគឦ សាន ដែលជាកូនចៅលោកអ៊ុំ វណ្ណា បានខ្សិបប្រាប់ឲ្យដឹងថា ដោយសំអាងលិខិតបេសកកម្មថ្មីនេះលោកអ៊ុំ វណ្ណា បានបង្កេីនកូនចៅខ្លួនរហូតដល់៤០ នាក់ ឲ្យប្រចាំការតាមគោលដៅសំខាន់ៗ ដើម្បីរកចំណូលឲ្យមេ និយាយឲ្យចំគឺអនុវត្តផ្ទុយពីលិខិតលេខ១២/១៧…របក។មន្ត្រីរូបនោះបន្តថាលោកអ៊ុំ វណ្ណាបានប្រមូលលុយពីមន្ត្រីក្រោមឱវាទគ្រប់ៗគ្នាទាំង៤០នាក់តាមតិចច្រើន ទៅតាមទីតាំងឈរជើងជាថ្នូរនឹងលិខិតបេសកកម្មថ្មីនេះ។
គួរបញ្ជាក់ថា លោកឧត្តមសេនីយ៍ត្រី អ៊ុំ វណ្ណា ជាមន្ត្រីនគរបាលប្រឆាំងបទល្មើសដ្ឋកិច្ច ដែលល្បីឈ្មោះសុះសាយខាងជំនាញរកលុយផ្គាប់ចិត្តលោកនាយរបស់ខ្លួនជាច្រើនឆ្នាំមកហើយ និងបានឡើងឋានន្តរស័ក្តិញឹកញាប់ រហូតក្លាយជាមន្ត្រីមួយរូបមានលុយ ឡាន វីឡាទំនើបៗ ចាយវាយប្រចាំថ្ងៃមិនចាញ់ឧកញ៉ាមួយចំនួនឡើយ។
ជាក់ស្តែងដោយសារភាពល្បីល្បាញខាងដាក់មន្ត្រីរបស់ខ្លួនឲ្យគាបយកលុយពីឈ្មួញរកស៊ីខុសច្បាប់គ្រប់ប្រភេទ លោក អ៊ុំ វណ្ណាត្រូវបានថ្នាក់លើរបស់ខ្លួនកោះហៅឲ្យចូលបំភ្លឺម្តងហើយ កាលពីពេលថ្មីៗនេះ។ ប៉ុន្តែដោយសារភាពបុិនប្រសប់ក្នុងការបកស្រាយនិងដោយមានខ្នងបង្អែកដ៏រឹងមាំ លោក អ៊ុំ វណ្ណា ត្រូវបានទទួលការតែងតាំជាស្តេចត្រាញ់ថ្មីលើដែនដីចាស់ ដែលសំបូរទៅដោយបទល្មើសឆ្លងដែនទៅវៀតណាម តាមរយៈការជ្រោមជ្រែងពេញទំហឹងពីលោក ហ៊ូ សាគុណ អគ្គស្នងការរងនគរបាលជាតិដ៏មានអំណាច។ក្រុមមន្ត្រីនិងប្រជាពលរដ្ឋធ្វើការស្នើសុំឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយដាក់ការស៊ីបអង្កេតករណីខាងលើដើម្បីចាប់ជន់ប្រព្រឹត្តអំពើពុករលួយផ្ដន្ទាទោសតាមច្បាប់៕