តាមមន្ត្រីអាជ្ញាធរខេត្តព្រះវិហារ បានឲ្យដឹងថាក្រុមហ៊ុន PP.PT មានអាជ្ញាប័ណ្ណក្នុង ការ សំអាតដីសម្បទាន សង្គម កិច្ចឲ្យ គ្រួ សារ កងទ័ពកងពល តូចអន្តរាគមន៍លេខ៩ ឥឡូវស្រាប់តែ គេប្រើអាជ្ញាប័ណ្ណនោះទៅ កាប់ឈើនៅក្នុងតំបន់ដែន ជម្រក សត្វ ព្រៃព្រះរកាស្រេច តែអំពើចិត្ត គ្មានខ្លាច ក្រែងអ្វីទាំងអស់ ។ លោក អ៊ុន ចាន់ដា អភិបាលខេត្តព្រះវិហារ ប្រធាន មន្ទីរបរិស្ថាន ខេត្តព្រះវិហារនិងមេរដ្ឋបាល ព្រៃឈើខេត្តព្រះវិហារ នាំគ្នារក្សាភាពស្ងៀមស្ងាត់ក្នុង ខណៈដែល ក្រុមហ៊ុន PP.PT បំពានកាប់ឈើខុស ច្បាប់ក្នុងតំបន់ដែនជម្រកសត្វព្រៃព្រះរកា យ៉ាងមហន្ត រាយ។ ជាងនេះទៅទៀតក្រុមហ៊ុនPP.PTបានបញ្ចុះបញ្ចូលឲ្យប្រជាពលរដ្ឋចូលកាប់ឈើនៅ ក្នុងតំបន់អភិរក្សរួចដឹក ជញ្ជូនយកមកស្តុកទុក ត្រង់ចំណុចទីបញ្ជាកា រវរសេនា តូចលេខ៣៩១ បន្ទាប់មកគេលើកដាក់លើរថយន្តធំៗ៥ទៅ៦គ្រឿងដឹកជញ្ជូនចេញទៅខេត្តឧត្តរមានជ័យ ក្នុងមួយយប់ៗ ដោយគ្មានមន្ត្រីជំនាញឬសមត្ថកិច្ចណាហ៊ានរំខានឡើយ។
ប្រភពពីប្រជាសហគមន៍ការពារព្រៃឈើនិងមន្ត្រីអង្គការក្រៅរដ្ឋាភិបាលបានឲ្យដឹងថា មេការក្រុមហ៊ុន ភីភី ភីធី (PP.PT) ឈ្មោះ ស៊ា និងឈ្មោះ ពន្លក មានចាប់បាក់ព័ន្ធទៅនឹងបទ ល្មើសកាប់ឈើនិងដឹក ជញ្ជូនឈើចេញពីក្នុងតំបន់ ដែន ជម្រកសត្វព្រៃព្រះរកា យ៉ាងពេញបន្ទុកដោយគ្មានញញើតអ្វីទាំងអស់។ ប្រភពបានឲ្យដឹងទៀតថា ការដែល មេការក្រុម ហ៊ុនភីភី ភីធី អាចធ្វើអ្វីៗបានតាមអំពើចិត្ តគឺមានការឃុបឃិតបើកដៃពីសំ ណាក់មន្ត្រីបរិស្ថាន ប្រចាំតំបន់ ដែនជម្រក សត្វព្រៃព្រះរកា ផងដែរទើបពួកគេមិនចាត់វិធានការបង្ក្រាបបទល្មើសដែលកំពុងកើត ឡើងយ៉ាងរាលដាល។ ដូច្នេះលោក សាយ សំអាល់ រដ្ឋមន្ត្រីក្រសួងបរិសា្ថនគួរពិនិត្យឡើងវិញ ជាបន្ទាន់ចំពោះបទល្មើស កាប់ឈើនិងដឹក ជញ្ជូនឈើចេញ ពីតំបន់ដែនជម្រកសត្វព្រៃព្រះរកាព្រោះមានមន្ត្រីបរិស្ថានជាប់ពាក់ព័ន្ធនឹងបទល្មើសនោះ។
សេចក្តីរាយការណ៍ពីមន្ត្រីអាជ្ញាធរនិងសមត្ថកិច្ចតូចតាចក្នុងខេត្តព្រះវិហារ បានឲ្យដឹងទៀតថាមេការក្រុមហ៊ុនភីភី ភីធី ឈ្មោះ ស៊ា និងឈ្មោះ ពន្លក ជាអ្នកមើលការ ខុសត្រូវការងារក្រុមហ៊ុន ហើយក៏ជាអ្នកបញ្ជាឲ្យ កម្មករក្រុមហ៊ុនបំពាន ចូលកាប់ ឈើ ក្នុង តំបន់ដែនជម្រកសត្វព្រៃព្រះរកា ផងដែរព្រោះពួកគេមានទំនាក់ទំនងជាមួយមន្ត្រីបរិស្ថាននិង មន្ត្រីរដ្ឋបាលព្រៃឈើ ពុករលួយគិតគូរតែរឿងប្រមូលលុយដាក់ហោប៉ៅ។ សកម្មភាពកាប់ឈើ និងដឹកជញ្ជូនឈើខុសច្បាប់របស់ក្រុមហ៊ុនភីភី ភីធី ក៏មានជាប់ពាក់ព័ន្ធនឹងមន្ត្រីយោធានៅ ក្នុងកងពលតូចអន្តរាគមន៍លេខ៩ ផងដែរទើបអ្វីៗអាចប្រព្រឹត្តទៅដោយរលូន។ ទោះជាយ៉ាង ណាមន្ត្រីបរិស្ថានជាអ្នកទទួលខុស ត្រូវធំជាងគេព្រោះតំបន់ដែលកំពុងកើត មានបទល្មើសកាប់ឈើស្ថិតនៅ ក្រោមការការពាររបស់មន្ត្រីបរិស្ថានដូច្នេះលោក សាយ សំអាល់ រដ្ឋមន្ត្រីក្រសួង បរិស្ថាន មិនគួរមើលរំលងភាពអសកម្មរ បស់ក្រុមមន្ត្រីក្រោមឱវាទនោះឡើយ៕