អំពើពុករលួយនៅផ្សារដើមគរបានបែកធា្លយបន្ទាប់ពីបានដោះដូរពីលោក ជុំ សារឿន មកលោក សេង សារ៉នទើបនិងឡើងថ្មីជំនួសលោក ជុំ សារឿន នោះ។
តាមប្រភពពីអាជីវករដែលលក់ដូរនៅផ្សារដើមគរបានបង្ហើបអោយដឹងថាអំពើពុករលួយកាន់តែខ្លាំងជាងកាលពីជំនាន់លោក ជុំ សារឿនទៅទៀតក្រោយពីលោក សេង សារ៉ន មកកាន់តំណែងនិងមានការផ្លាសប្តូរតំណែងបុគ្គលិកផ្សារចាស់ៗយកខ្សែស្រឡាយរបស់ពួកគេមកដាក់ជំនួសវីញដោយប្រកាន់បក្សពួកនិយមជាងមុនទៅទៀត។
លោកបានបន្ទទៀតថា ដូចជាការប្រមូលថវិការចូលរដ្ឋក៏មានអំពើពុករលួយជាប្រព័ន្ធដែរដោយជ្រើសរើសនាក់ថ្មីនិងសាចសារលោហិតរបស់ពួកគេក្នុងនោះ រួមមាន ដូចជាសន្តិសុខ១៥០០រៀល ផាស៊ីបេន ៥០០រៀល សណ្តាប់ធ្នាប់ ៣០០០រៀល ក្នុងមួយថ្ងៃ ប្រមូលបានរហូតដល់ទៅ៦០០០០០ទៅមួយលានរៀន ហើយថវិកាទាំងអស់នឹងគឺចូលហោបៅលោក សេង សារ៉ន ដែលជាគណៈកម្មាធិការផ្សារដើមគរទាំងអស់ ដោយមិនបានបែងចែកអោយបុគ្គលិកក្រោមឧវាតមួយកាក់មួយសៀតណាឡើយ។
ក្រៅអំពីពុករលួយខាងលើនោះក៏មានអំពើពុករលួយការលក់កន្លែងមួយចំនួនទៀតដូចជាជ្រែកន្លែងលកបន្លែ លក់ផ្លែឈើជាដើមក្នុងមួយខែៗ លោក សេង សារ៉ន បានប្រមូលថវិកាទាំងនេះដាក់ហោប៉ៅរាប់លានយ៉ាងស្រួល ដោយគ្មានគណៈកម្មាធិការណាដឹងឡើយ ឬសាលាខណ្ឌ សាលាក្រុង មិនបានចុះទៅត្រួតពិនិត្យឡើយ ។
អាជីវករបានអំនាវសូមអោយលោក សេង សារ៉ន គួរតែកាត់បន្ថយក្នុងការយកផាស៊ី សន្តិសុខ សណា្តប់នេះខ្លះទៅ កុំជំរិតអាជីវករខ្លាំងពេក ។
សារព័ត៌មានយើងមិនអាចសូមការបំភ្លឺពីលោក សេង សារ៉ន បាននោះទេ ។ ការិយាល័យយើងខ្ញុំនឹងចុះផ្សាយបន្តទៀត នៅពេលមានព័ត៌មានមកកាន់តែច្រើននោះ ៕
