មណ្ឌលគិរី ៖ ព្រៃអភិរក្សដែនជម្រកសត្វព្រៃភ្នំព្រេច ស្ថិតក្នុង ខេត្តមណ្ឌលគិរី ក្រោមការគ្រប់គ្រងរបស់នាយដែនជម្រក សត្វព្រៃភ្នំព្រេច គឺលោក សំរ៉ង់ ឌីវិចិត្រ នៅតែរងនូវការ កាប់បំផ្លាញយ៉ាងអនាធិបតេយ្យ គ្មានការបង្ក្រាប ។ លោកឧកញ៉ាមួយរូប មានឈ្មោះថា សឹង សំអុល ត្រូវបានគេ ដឹងថា អាចមានជាប់ពាក់ព័ន្ធយ៉ាងជ្រៅនៅក្នុង ការកាប់បំផ្លាញ ព្រៃឈើនៅក្នុងតំបន់ព្រៃអភិរក្សដែនជម្រកសត្វ ព្រៃភ្នំព្រេច នេះ ។
ដោយលោកឧកញ៉ារូបនេះ គឺប្រើល្បិចយកឈ្មោះក្រុមហ៊ុន វិនិយោគដីសម្បទានសេដ្ឋកិច្ចមួយឈ្មោះក្រុមហ៊ុនដាយ ថាង ធ្វើជាខែលកំបាំងមុខក្នុងការកាប់បំផ្លាញព្រៃឈើនិងដឹកជញ្ជូន ឈើប្រណីត ឈើប្រភេទលេខ១ទៅលក់នៅក្រៅប្រទេស ។
ឈ្មួញរកស៊ីឈើតូចតាចនិយាយថា លោកឧកញ៉ា សឹង សំអុល បានបញ្ជាអោយមេការម្នាក់ឈ្មោះ ខុន ជាអ្នកចេញ មុខរត់ ការ និងបំផុសអោយប្រជាពលរដ្ឋក្រី-ក្រ ចូលអារឈើ ក្នុងព្រៃអភិរក្សដែនជម្រកសត្វព្រៃភ្នំព្រេច ដែលចំណុចខ្លះក្នុង តំបន់នោះ ជាព្រៃ ស្រោងនៅឡើយ ដូច្នេះហើយវាជាគោល ដៅដែលក្រុមឈ្មួញរកស៊ីឈើកំពុងតែស្រក់ទឹកមាត់ ដើម្បី កាប់ឈើទាំងនោះគ្មានស្ដាយស្រ ណោះ ដោយពួកគេបាន ប្រើប្រាស់រណាយន្តរាប់រយគ្រឿងក្នុងការធ្វើសកម្មភាពអាររំលំ និងដឹកជញ្ជូនតាមរថយន្តបង្កុង និងរយថយន្ត កែច្នៃរាប់ សិបគ្រឿង ចូលក្នុងក្រុមហ៊ុនដាយថាង ដើម្បីបន្លំជាឈើ ស្របច្បាប់របស់ក្រុមហ៊ុន ហើយក្រុមហ៊ុនដឹកចេញបន្ត កាត់តាម ខេត្តក្រចេះ ទៅលក់នៅប្រទេសវៀតណាម តាម ច្រកព្រំដែនមួយចំនួននៅក្នុងខេត្តត្បូងឃ្មុំ ដោយរលូនមិន រំខានដល់ លោក សំរ៉ង់ ឌីវិចិត្រ នាយដែនជម្រកសត្វ ព្រៃភ្នំព្រេច និងសមត្ថកិច្ចជំនាញតាមដងផ្លូវឡើយ ។
ជុំវិញព័ត៌មាននេះ លោក សំរ៉ង ឌីវិចិត្រ នាយដែន ជម្រកសត្វព្រៃភ្នំព្រេច ទទួលស្គាល់ថា ពិតជាមាន ករណីកាប់ឈើក្នុងព្រៃដែនជម្រក សត្វព្រៃភ្នំព្រេចបាន កើតឡើងខ្លះមែន ។ លោកនាយដែនជម្រកសត្វព្រៃភ្នំព្រេចនិយាយទៀតថា បច្ចុប្បន្នរូបលោក ព្រមទាំងលោក ព្រះរាជអាជ្ញាកំពុងដឹកនាំ កម្លាំងចុះបង្ក្រាប និងទប់ស្កាត់រាល់បទល្មើសនានា ដែល កំពុងកើតមាននៅក្នុងដែនជម្រកសត្វព្រៃ ហើយថ្មីៗ នេះឈើ ជាង១០០០(មួយពាន់កំណាត់)ត្រូវបានបង្ក្រាប ដោយកម្លាំង របស់លោក ។
សូមបញ្ជាក់ថា យោងតាមសេចក្ដីរាយការណ៍ពី សារពត៏ក្នុងស្រុកនានាបានឲ្យដឹងដែរថា ព្រៃឈើនៅតំបន់នោះក៏កំពុងត្រូវបានកាប់បំផ្លាញ យ៉ាងរង្គាលផងដែរ ដោយតំបន់ដែលកំពុងរងការបំផ្លាញនោះ គឺស្ថិតក្នុងព្រៃការពារមណ្ឌលគិរី និងតំបន់អភិរក្សដែនជម្រក សត្វព្រៃភ្នំព្រេច ហើយឈើទាំងនោះគេបានដឹកជញ្ជូនចូល ក្នុងក្រុមហ៊ុនសម្បទានសេដ្ឋកិច្ចចំនួន២ គឺក្រុមហ៊ុន យូនី ហ្គ្រីន និងក្រុមហ៊ុន ម៉ាសស្ដឺខេសាន់ (Master K San) ប៉ុន្តែមន្ត្រី ជំនាញរក្សាភាពស្ងប់ស្ងាត់បានយ៉ាងល្អ ៕