កំពង់ចាម៖ប្រភពពីក្រុមឈ្មួញនិងអាជីវករដែលដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ភូមិជាលា ឃុំជាលា ស្រុកបាធាយ ខេត្តកំពង់ចាម បានឲ្យដឹងថា ប្រធានស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ ភូមិជាលា កំពុងប្រែក្លាយទៅជាជញ្ជីងថ្លឹងលុយទាំងថ្ងៃទាំងយប់ប្រព្រឹត្តរបៀបអំពើពុករលួយ។ ប្រភពបានឲ្យដឹងថា ឈ្មួញនិងអាជីវករដឹកជញ្ជូនទំនិញ ដឹកជញ្ជូនកសិផល ផ្ទុកមិនលើសទម្ងន់ក៏ត្រូវបង់លុយតាមការកំណត់របស់ប្រធានក្រុមស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ ភូមិជាលា និងបក្សពួកមិនអាចតវ៉ាបាន។ ចំណែកឈ្មួញម្ចាស់រថយន្តធុនធំផ្ទុកទំនិញនិងកសិផលលើសទម្ងន់អាចបើក បរឆ្លងកាត់ស្ថានីយ៍ជញ្ជីងថ្លឹងរថយន្តថ្នល់ កែង ផ្លូវជាតិលេខ៦យ៉ាងរំភើយ អោយតែ បង់លុយតាមការកំណត់ របស់ប្រធានស្ថានីយ៍ជញ្ជីងថ្លឹង និងបក្ខពួកជាការស្រេចគ្មានបញ្ហា។
ប្រភពពីមន្រ្តីរាជការនៅក្នុងមន្ទីរសាធារណ ការនិងដឹកជញ្ជូនខេត្តកំពង់ចាម បានបន្តអោយដឹងថា ការដែលប្រធានស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ភូមិជាលា ឃុំជាលា ស្រុកបាធាយ ខេត្តកំពង់ចាម អាចធ្វើអ្វីៗតាមអំពើចិត្តបានគឺដោយសារមានការបើកដៃពីសំណាក់លោក សុខ លឹមហៀង ប្រធានមន្ទីរសាធារណការខេត្តកំពង់ចាម ទើបប្រធានក្រុមស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ហ៊ានធ្វើអ្វីតាមអំពើចិត្ត ។ ចំណែកលោក សេង ឈួន ដែលមេស្ថានីយ៍ជញ្ជីងថ្លឹងរថយន្តទូទាំងប្រទេស បានរក្សាភាពស្ងៀមស្ងាត់ផងដែរ។ បើទោះបីមានភាពមិនប្រក្រតីពុករលួយ របស់ប្រធានក្រុមស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ ៦ ត្រូវបានក្រុមឈ្មួញនិងអាជីវករ លាតត្រដាងជាបន្តបន្ទាប់នោះ។ មហាជនក៍ដូចអាជីវករដាក់ការសង្ស័យថា ភាពមិនប្រក្រតីពុករលួយរបស់ប្រធានស្ថានីយ៍ជញ្ជីងថ្លឹងរថយន្តថ្នល់កែង ផ្លូវជាតិលេខ ៦ ភូមិជាលា ឃុំជាលា ស្រុកបាធាយជាប្រភពចំណូលរបស់លោក សេង ឈួន ទើបអ្វីៗអាចប្រព្រឹត្តដោយរលូនមក ដល់បច្ចុប្បន្ន។
ដូច្នេះលោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូននិងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេស មិនទាន់ចាត់វិធានការប្រធានស្ថានីយ៍ជញ្ជីងថ្លឹងរថយន្តថ្នល់កែង ផ្លូវជាតិលេខ៦នៅឡើយទេ។ ដោយហេតុថា លោក សុខ លឹមហៀង ប្រធានមន្ទីរសាធារ ណការខេត្តកំពង់ចាម ដែលមានខ្នងបង្អែករឹងមាំ បើកដៃអោយប្រធានស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ប្រែក្លាយទៅជាស្ថានីយ៍ជញ្ជីងថ្លឹងលុយទាំងថ្ងៃ ទាំង យប់ប្រព្រឹត្តរបៀបអំពើពុក រលួយយ៉ាងពេញបន្ទុក។ហេតុនេះហើយទើបក្រុមឈ្មួញនិងអាជីវករដឹកជញ្ជូនទំនិញ. កសិផលផ្សេងៗឆ្លងកាត់មុខស្ថានីយ៍ជញ្ជីងថ្លឹងរថយន្តថ្នល់ កែងផ្លូវជាតិលេខ៦ អំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុប បំបាត់អំពើពុករលួយនៅតាមដងផ្លូវដាក់ការស្រាវជ្រាវសេីុបអង្កេតអោយសុីជម្រៅទៅលើប្រធានស្ថានីយ៍ ជញ្ជីងថ្លឹងរថយន្តថ្នល់កែងផ្លូវជាតិ លេខ៦ ប្រែក្លាយទៅជាជញ្ជីងថ្លឹងលុយទាំងថ្ងៃទាំង យប់ប្រព្រឹត្តរបៀបអំពើពុករលួយនេះផងទាន។ពាក់ព័ន្ធព័ត៌មានខាងលើគេហទំព័រ (www.enn-tv.com)យើងរងចាំនូវការពន្យល់បកស្រាយពីលោក សុខ លឹមហៀង ប្រធានមន្ទីរសាធារណ ការនិងដឹកជញ្ជូនខេត្តកំពង់ ចាមនិងលោកប្រធានស្ថានីយ៍ ជញ្ជីងថ្លឹងរថយន្តថ្នល់កែងផ្លូវជាតិលេខ៦ រាល់ម៉ោងធ្វើការ៕មានត
