ខេត្តក្រចេះ៖ ប្រភពពីម្ចាស់រថយន្តដឹកទំនិញឆ្លងកាត់ស្ថានីយ៍ជញ្ជីងថ្លឹងរថយន្ត “មាន ជ័យ”ផ្លូវជាតិលេខ៧ ស្រុកស្នួល ខេត្តក្រចេះ បានអោយដឹងថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ៧ស្រុកស្នួល ខេត្តក្រចេះ កំពុងប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ថ្ងៃ ដោយមានការបើកដៃពីប្រធាន មន្ទីរសា ធារណការនិងដឹកជញ្ជូន ខេត្តក្រចេះផងដែរ ។
ហេតុនេះសូមលោក ប៉េង ពោធិ៍នា រដ្ឋមន្រ្តីក្រសួង សាធារណការនិងដឹកជញ្ជូន និងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេស ពិនិត្យស្រាវជ្រាវភាពមិនប្រក្រតីពុករលួយរបស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត” មានជ័យ ” ផ្លូវជាតិលេខ៧ស្រុកស្នួល ខេត្តក្រចេះ ដែលប្រែក្លាយទៅជាស្ថានីយ៍ជញ្ជីងថ្លឹងលុយដែលប្រព្រឹត្តរបៀបអំពើពុករលួយតាមអំពើចិត្ត។ ដូច្នេះលោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូន មិនគួរបណ្តោយអោយលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួល ខេត្តក្រចេះ តទៅទៀតនោះទេ។
ប្រភពមន្ត្រីនៃមន្ទីរសាធារណការខេត្តក្រចេះបានខ្សឹបខ្សៀវថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ៧ស្រុកស្នួល ហ៊ានធ្វើអ្វីៗតាមអំពើចិត្តទៅបាននោះ!ក៍ដោយសារមានការបើក ដៃពីសំណាក់លោក សាំង ប៊ុនថេន ប្រធានមន្ទីរសាធារណការនឹងដឹកជញ្ជូនខេត្តក្រចេះ ជាអ្នកបើកភ្លើងខៀវ អោយក្រុមស្ថានី យ៍ ជញ្ជីងថ្លឹងរថយន្តប្រព្រឹត្តរបៀបពុករលួយតាមអំពើចិត្ត ។ដែលបញ្ហានេះលោក ប៉េង ពោធិ៍នា រដ្ឋមន្ត្រីក្រសួងសាធារណការនិង ដឹកជញ្ជូន គួរពិនិត្យទប់ស្កាត់ ភាពមិនប្រក្រ តីពុករលួយរបស់ប្រធានក្រុមមន្ត្រីស្ថានីយ៍ ជញ្ជីងថ្លឹងរថយន្ត “មានជ័យ”ស្រុកស្នួលដែលប្រែក្លាយទៅជាស្ថានីយ៍ជញ្ជីងថ្លឹងលុយនេះផងទាន!ព្រោះថាលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត”មានជ័យ” ស្រុកស្នួលនិងលោក សាំង ប៊ុនថេន ប្រធានមន្ទីរសាធារណការ ខេត្តក្រចេះ មិនខ្វល់ពីមហាជនរិះគន់អ្វីទាំងអស់។
បើយោងតាមប្រភពពីក្រុមឈ្មួញនិងអាជីវករ ដឹកជញ្ជូនកសិផលនិងដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ៧ ស្រុកស្នួល ខេត្តក្រចេះ បានបន្តអោយដឹងថា បើទោះបីពួកគាត់ផ្ទុកលើស ទម្ងន់មិនលើសទម្ងន់ក៍ត្រូវបង់លុយតាមការកំណត់របស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួលមិនអាចតវ៉ាបាន។
ប្រភពដដែលបន្ថែមអោយដឹងទៀតថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ផ្លូវជាតិលេខ៧ ស្រុកស្នួល ខេត្តក្រចេះ ឃុបឃិតអោយឈ្មួញធំៗផ្ទុកលើសទម្ងន់បើកបរឆ្លងកាត់មុខស្ថានីយ៍ ជញ្ជីងដោយមិនបាច់ចូលថ្លឹង អោយតែក្រុមឈ្មួញទាំងនោះបង់លុយតាមការកំណត់របស់លោក នូ សុវណ្ណា ជាការស្រេច គ្មានបញ្ហា។ ពាក់ព័ន្ធព័ត៌មានខាងលើគេហទំព័រ (www.enn- tv.com)យើងខ្ញុំរងចាំនូវការពន្យល់បកស្រាយពីលោកសាំង ប៊ុនថេន ប្រធានមន្ទីរសាធារណការនិងដឹកជញ្ជូនខេត្តក្រចេះនិងលោក នូ សុវណ្ណា ប្រធានស្ថានីយ៍ ជញ្ជីងថ្លឹងរថយន្ត”មានជ័យ”ផ្លូវជាតិលេខ៧ ស្រុកស្នួល ខេត្តក្រចេះ រាល់ម៉ោងធ្វើការ៕មានត
