ប្រភពស្និទ្ធនឹងលោក ភួង ណារិន្ទ បានឲ្យ
ដឹងថា លោក ភួង ណារិន្ទ មិនញញើតក្នុងការប្រើតួនាទី និងអំណាចរបស់ខ្លួនដើម្បីប្រមូលលុយតាមរបៀបពុករលួយយ៉ាងពេញបន្ទុកព្រោះអាងមានខ្នងបង្អែករឹងមាំ នៅក្នុងស្នងការនគរបាលខេត្តស្វាយរៀង អំពើពុករលួយរបស់លោក ភួង ណារិន្ទ អាចប្រព្រឹត្តទៅដោយរលូន រយៈពេលច្រើនឆ្នាំកន្លងទៅដោយមានកិច្ចសហការស៊ីសង្វាក់គ្នា ពីសំណាក់ ប្រធានការិយាល័យគយច្រកទ្វារព្រំដែនតំបន់បុសមន ផងដែរ។
ហេតុនេះហើយទើបបច្ចុប្បន្នឈ្មួញទាំងតូចទាំងធំ និងក្រុមអាជីវករសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់យ៉ាងគំហុក តាមច្រកបុសមន ហើយលោក ភួង ណារិន្ទ និងប្រធានការិយាល័យគយរួមដៃគ្នាប្រមូល លុយស្រេចតែអំពើចិត្តតាមរបៀបអំពើពុករលួយកាន់ខ្លាំងខ្លាជាងមុន។
ប្រភពពីមន្ត្រីពាក់ព័ន្ធនៅច្រកទ្វារព្រំដែនតំបន់បុសមន ស្រុករំដួល ខេត្តស្វាយរៀង បានឲ្យដឹងថា មួយរយៈចុងក្រោយនេះសមត្ថកិច្ចនៅច្រកបុសមន បើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ពីប្រទេសវៀតណាមកាន់តែច្រើនឡើងៗតាមរយៈការបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ចេញពីប្រទេស វៀតណាមចូលមកប្រទេសខ្មែរយ៉ាងគំហុកដោយ មានការបើកភ្លើងខៀវពីសំណាក់លោក ភួង ណារិន្ទ នាយប៉ុស្តិ៍នគរបាលច្រកទ្វារព្រំដែនតំបន់បុសមន ដែលលោក ភួង ណារិន្ទ កំពុងសប្បាយប្រមូលលុយពុករលួយបានយ៉ាងច្រើនជារៀងរាល់ថ្ងៃ។ ចំណែកលោកឧត្តមសេនីយ៍ទោ ពេជ្រ វិរះ ស្នងការនគរបាលខេត្តស្វាយរៀងនិង លោក ប៉េង ពោធិ៍សា អភិបាលខេត្តស្វាយរៀង សម្ងំស្ងាត់ស្ងៀមឈឹង បើទោះបីទង្វើមិនប្រក្រតី ពុករលួយរបស់លោក ភួង ណារិន្ទ ត្រូវបានលាតត្រដាងជាបន្តបន្ទាប់យ៉ាងណាក៏ដោយ ។
ក្រុមឈ្មួញ និងអាជីវករដែលរកស៊ីនាំចូលទំនិញពីប្រទេសវៀតណាមតាមច្រកបុសមន បានឲ្យដឹងថា អាជីវកម្មរបស់ពួកគាត់នៅ សល់កម្រៃតិចតួចណាស់ព្រោះសមត្ថកិច្ចជាច្រើនស្ថាប័ននៅច្រកព្រំដែន និងសមត្ថកិច្ចនៅតាមផ្លូវជាពិសេសលោក ភួង ណារិន្ទនាយប៉ុស្តិ៍នគរបាលច្រកទ្វារទ្វេភាគីបុសមន គាបយកលុយច្រើនៗតាមការកំណត់មិនអាចរំលងបាន។
ក្រុមឈ្មួញ និងអាជីវករបានឲ្យដឹងទៀតថា រាល់ការបង់លុយរបស់ពួកគាត់មិនទទួលបានបង្កាន់ដៃបង់ប្រាក់ ឬវិក្កយប័ត្រពន្ធរដ្ខអោយបានត្រឹមត្រូវនោះឡើយ ហើយគ្មាននរណាអាចរំលងលោក ភួង ណារិន្ទ នាយប៉ុស្តិ៍នគរបាលច្រកទ្វារព្រំដែនតំបន់បុសមន បានឡើយ។
ជាពិសេសទៀតនោះឈ្មួញធំៗដែលរកស៊ីនាំចូលទំនិញពីប្រទេស វៀតណាមតាមច្រកបុសមន ស្រុករំដួល ខេត្តស្វាយរៀង គឺជាប្រភពចំណូលដ៏សំខាន់របស់លោក ភួង ណារិន្ទ ដែលកំពុងល្បីល្បាញខ្លាំងខាងប្រព្រឹត្តពុករលួយ។ ដូច្នេះហើយសូមឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃនិងលោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ មេត្តាចាត់មន្រ្តីក្រោមឱវាទចុះពិនិត្យស្រាវជ្រាវភាពមិនប្រក្រតីពុករលួយរបស់លោក ភួង ណារិន្ទ នាយប៉ុស្តិ៍នគរបាលច្រកទ្វារទ្វេភាគីបុសមន គាបយកលុយអាជីវករនិងឈ្មួញតាមអំពើចិត្តមិនញញើតអ្វីទាំងអស់។ជាពិសេសលោក ឱម យុិនទៀង ប្រធានអង្កភាពប្រឆាំងអំពើពុករលួយ ធ្លាប់ ប្ដេជ្ញាលុបបំបាត់អំពើពុករលួយនូវតាមដងផ្លូវគួរដាក់មន្រ្ដីក្រោមឱវាទចុះស្រាវជ្រាវអោយ សុីជម្រៅលោក ភួង ណារិន្ទ នាយប៉ុស្ដិ៍នគរបាលច្រកទ្វារទ្វេភាគីបុសមននិងបក្សពួកប្រព្រឹត្តអំពើពុករលួយដុះស្លែ ផងទាន។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ភួង ណារិន្ទ នាយប៉ុស្តិ៍នគរបាលច្រកទ្វារទ្វេភាគីបុសមន និងបក្សពួក រាល់ម៉ោងធ្វើរការ៕មានត
