ព្រៃវែង៖ស្ថានីយ៍ជញ្ជីងថ្លឹងរថយន្តនៅលើផ្លូវជាតិលេខ១ ភូមិក្រសារជេទ ឃុំរំចេក ស្រុកព្រះស្ដេច ខេត្តព្រៃវែង ប្រែក្លាយទៅជាជញ្ជីងថ្លឹងលុយទាំយប់ទាំងថ្ងៃ។ក្រុមអ្នករកស៊ីដឹក ទំនិញឆ្លងកាត់ផ្លូវជាតិលេខ១ តែងតែរអ៊ូរទាំ អំពីករណីមន្ត្រីដែលប្រចាំការនៅស្ថានីយ៍ ជញ្ជីងថ្លឹងរថយន្តផ្លូវជាតិលេខ១ចំណុច ឃុំរំចេក ស្រុកព្រះស្ដេចថា ថ្លឹងទាំងរថយន្ត, ថ្លឹងទាំងលុយ។
បើទោះបីជារថយន្តដឹកមិនលើសទម្ងន់ក៏ត្រូវ បង់លុយអោយក្រុមមន្រ្តីប្រចាំការនៅទី នោះថ្លៃបាយទឹកនិងកាហ្វេផងដែរ វាក្លាយទៅជាទម្លាប់ដែលគួរឲ្យស្អប់ខ្ពើមបំផុត? តើពួកមន្ត្រីមកបំរើការងារនៅស្ថានីយ៍ជញ្ជីថ្លឹងរថយន្តនៅទីនោះមិនបានទទួលប្រាក់បៀវត្សទេឬ ?បានស្ថានីយ៍ជញ្ជីងថ្លឹងរថយន្តនីមួយ ៗប្រើវិធីសាស្រ្តគ្រប់បែបយ៉ាង លើសទម្ងន់ថ្លឹងលុយមិនទម្ងន់លើសក៍ថ្លឹងលុយប្រព្រឹត្តរបៀបអំពើពុករលួយ។ប្រភពពីក្រុមមន្ត្រីនៅមន្ទីរសាធារណការបានអោយដឹងថា ដោយមានការឃុបឃិតគ្នាពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្ត ឃុំរំចេក ស្រុកព្រះស្ដេច រកវិធីសាស្រ្តគ្រប់បែប យ៉ាងដើម្បីប្រមូលប្រាក់ឲ្យបានច្រើនពី ព្រោះ វាជាមុខមាត់របស់ស្ថានីយ៍ជញ្ជីងថ្លឹងរថយន្ត ផង និងមានចំណូលដាក់ក្នុងហោប៉ៅធ្វើមានបានផង។
ក្រុមអ្នកបើករថយន្តភាគច្រើនបានព្យាយាម បើករថយន្តគេចវាងតាមផ្លូវផ្សេងៗពីព្រោះតែមន្ត្រីនៅប្រចាំការនៅស្ថានីយ៍ជញ្ជីងថ្លឹងរថយន្តមួយនេះទារលុយច្រើនៗតាមការកំណត់របស់ប្រធានស្ថានីយ៍ជញ្ជីងថ្លឹងមិនអាចតវាបាន!បើទោះបី្បជាមានការដឹកលើស ទម្ងន់បន្តិចបន្តួចក៏ដោយ ។ជាងនេះទៅទៀត បើមិនមានលើសទម្ងន់ក៏មន្រ្តីនៅទីនោះហាមាត់លូកដៃសុំលុយថ្លៃបាយទឹកកាហ្វេប្រចាំថ្ងៃផងដែរ។ ក្រុមអ្នករកស៊ីដឹកទំនិញទទួលស្គាល់ថា ការដឹកជញ្ជូនអាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ។ រីឯពួកមន្ត្រីដែលប្រចាំការនៅស្ថានីយ៍ ជញ្ជីងថ្លឹងរថយន្ត ចំណុចឃុំរំចេក ស្រុកព្រះស្ដេច នេះបន់ឲ្យតែមានរថយន្តលើស ទម្ងន់ដើម្បីសង្កត់ ក យកលុយតែប៉ុណ្ណោះ។
រឿងពួកមន្ត្រីនៅស្ថានីយ៍ជញ្ជីងថ្លឹងរថយន្ត នៅលើផ្លូវជាតិលេខ១នៅចំណុច ឃុំរំចេក ស្រុកព្រះស្ដេច ខេត្តព្រៃវែង នេះពិតជាបង្កឲ្យមានការក្តៅក្រហាយដល់អ្នករកស៊ីដឹកទំនិញនានាហើយជាពិសេសពួកអ្នកដឹកទំនិញមួយចំនួនឆ្លៀត ឱកាសវាងផ្លូវ ដែលបណ្ដាលឲ្យផ្លូវដទៃទៀតខូចខាត។ រីឯក្រុមមន្ត្រីដែលប្រចាំការនៅទីនោះគឺដឹងតែពីយកលុយ ទោះបី្បជាមិនលើសទម្ងន់ឬលើសតិចតួចក៏ដោយ។ អ្វីដែលសំខាន់នៅពេលដែលពួកគេរកលុយបានច្រើនគឺជាមោទនភាពដោយមិនដឹងថាលុយដែលបានច្រើនគឺជាការបំផ្លាញផ្លូវនោះឡើយ ។ហេតុនេះសូមលោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូននិងលោក សេង ឈួន មេស្ថានីយ៍ជញ្ជីងថ្លឹងរថយន្តទូទាំងប្រទេស មេត្តាពិនិត្យប្រធាននិងអនុប្រធានស្ថានីយ៍ ជញ្ជីងថ្លឹងចំណុចខាងលើដែលសាងភាពល្បីល្បាញប្រព្រឹត្តអំពើពុករលួយ!ជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុក រលួយនូវតាមដងផ្លូវ ចាត់វិធានការប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ភូមិក្រសាជេទ ឃុំរំចេក ស្រុកព្រះស្ដេច ខេត្តព្រៃវែង និងបក្សពួក ប្រែក្លាយទៅជាស្ថានីយ៍ ជញ្ជីងថ្លឹងលុយទាំងយប់ទាំងថ្ងៃ ប្រព្រឹត្តអំពើ ពុករលួយហើយទាន៕មានត