បាត់ដំបង៖ប្រភពពីអាជីវករចេញចូលតាមច្រកអូររំដួលបានអោយដឹងថាលោក កត់ ណៃ មេគយច្រកអូររំដួល ដេកសោយ សុខជា មួយទំនិញគ្រប់ប្រភេទកំពុងតែសម្រុកចេញយ៉ាងគគ្រឹក គគ្រេងតាមច្រកតំបន់អូររំដួលស្រុកភ្នំព្រឹកខេត្តបាត់ដំបង លោក កត់ ណៃ ប្រធានស្នាក់ការគយត្រូវគេសង្ស័យថាជាអ្នកបេីកដៃឲ្យក្រុមឈ្មួញនាំជីគេចពន្ធនិងទំនិញផ្សេងៗជាច្រើនប្រភេទគេចពន្ធឬបង់ពន្ធមិនគ្រប់ទាំងយប់ទាំងថ្ងៃ។
ប្រភពពីមន្ត្រីមានសមត្ថកិច្ចច្រកព្រំដែនតំបន់អូររំដួល ឲ្យដឹងថា លោក កត់ ណៃ បាននឹងកំពុងបណ្ដែត បណ្ដោយ ឃុបឃិតគ្នាជាប្រពន្ធ័ជាមួយក្រុមឈ្មួញដែលរកស៊ីដឹក ទំនិញឆ្លងដែនពីប្រទេសថៃចូលមកប្រទេស កម្ពុជា។ ទំនិញគ្រប់ប្រភេទដែលឆ្លងដែនតាមច្រកអូររំដួល មិនមានការត្រួតពិនិត្យឲ្យបានច្បាស់លាស់នោះឡើយ។ ដូច្នេះគេមិនដឹងថាតើហេតុអ្វីដែលឈ្មួញបាននាំចូលមកបាននោះទេបញ្ហានេះគឺជាហានិភ័យដ៏ធ្ងន់ធ្ងរមួយដែលថ្នាក់ដឹកនាំមិនគួរមើលរំលងឡើយ ។
ប្រភពព័ត៌មានបានអោយដឹងថា ក្រៅពីជីគេចពន្ធនិងបង់ពន្ធមិនគ្រប់និងទំនិញផ្សេងៗទៀត ក៏គេចពន្ធឬបង់ពន្ធមិនគ្រប់ផងដែរ ។ ប្រភពបន្ថែមថា រថយន្តដឹកទំនិញទាំងតូចទាំងធំទាំងខ្សែៗ នាំចូលពីប្រទេសថៃ ទាំងថ្ងៃឆ្លងកាត់ច្រកព្រំដែនចូលតាមច្រកតំបន់អូររំដួលស្រុកភ្នំព្រឹកខេត្តបាត់ដំបងដោយមិនគិតអំពីច្បាប់ទម្លាប់អ្វីទាំងអស់ ។ ពោលគឺសមត្ថកិច្ចអ្នកបើកបារ៉ាស់ច្រកព្រំដែនតំបន់នោះឲ្យរថយន្តដឹកជី និងទំនិញផ្សេងៗទាំងនោះចូលដោយសេរី។ ហេតុនេះហើយទើបប្រជាពលរដ្ឋនិយាយថា គេមើលឃើញថា នូវភាពមិនប្រក្រតីពុករលួយនៃការអនុ ញ្ញាតឲ្យក្រុមឈ្មួញដឹកទំនិញចូលដោយសេរីឬបង់ពន្ធមិនគ្រប់ទាំងយប់ទាំងថ្ងៃនិងទំនិញបង់ពន្ធមិនគ្រប់ មានច្រើនប្រភេទទាំងនោះគឺជាប្រភពហិរញ្ញវត្ថុ ដ៏សំខាន់របស់លោក កត់ ណៃ មេស្នាក់ការគយច្រកតំបន់អូររំដួលយ៉ាងសុខស្រួល ។
ប្រភពរាយការណ៍ថា មន្ត្រីនគរបាលប្រចាំការនៅទីនោះភាគ ច្រើនជួលជនស៊ីវិលឲ្យចាំយកលុយពីរថយន្តដឹកទំនិញចេញ,ចូល ពីព្រោះអស់លោកខ្លាចមានបញ្ហាជាយថា ហេតុណា មួយកើតឡើង។ ឈ្មួញមិនអាចគេចឬលួចដោយមិនប្រាប់ឱ្យបងៗ សុីវិល ដែលឈរចាំមេីល នៅច្រកតំបន់អូររំដួលបាននោះឡើយ ។ប្រភពបន្តថា ជនស៊ីវិលដែលតំណាងឲ្យមន្ត្រីគយហាក់មាន អំណាចខ្លាំងសម្បើមដៃ ជាមួយឈ្មួញរកស៊ីដឹកទំនិញគេចពន្ធឆ្លងដែនទាំងនោះ។ រវាងឈ្មួញអ្នករកស៊ីនិងជនស៊ីវិលដែលប្រចាំការនៅច្រកព្រំដែនអូររំដួល មានការយល់គ្នាយ៉ាងច្បាស់លាស់ដោយក្រុមដែលរកស៊ីដឹកទំនិញទាំង នោះគ្រាន់តែឃើញជនស៊ីវិលនៅឈរកន្លែងណា គឺទៅតាមជួបដល់កន្លែងនោះតែម្ដង។
ថៅកែទំនិញទាំងឡាយចាំបាច់ទាក់ទងជាមួយលោកមេស្នាក់ការគយមុនរួចជាស្រេច ជាពិសេសទំនិញអត់ពន្ធសុទ្ធតែត្រូវទាក់ទងជាមួយលោក កត់ ណៃ ជាមុន រីឯអ្នករងគ្រោះជាងគេគឺប្រជាពលរដ្ឋស៊ីឈ្នួល ដឹកជញ្ជូនទំនិញកំប៉ិកកំប៉ុកប៉ុណ្ណោះ។ នៅច្រកព្រំដែនអូររំដួលស្រុកភ្នំព្រឹក ខេត្តបាត់ដំបងនេះក៏មានបញ្ហាទំនិញសាច់ខូចគុណ ភាពដែលឈ្មួញបានរៀបចំ។ ព្រោះថានៅចំណុចព្រំដែនអូររំដួលនេះគ្មានការត្រួតពិនិត្យឲ្យ បានម៉ត់ចត់នោះឡើយ។ អស់ លោកមានសមត្ថកិច្ចជាច្រើនស្ថាប័នរួមទាំងគយ មិនបានត្រួតពិនិត្យទំនិញនាំចូលនោះទេ។ ទំនិញឆ្លងកាត់ច្រកអូររំដួល មិនមានការត្រួតពិនិត្យឲ្យបានហ្មត់ ចត់នោះឡើយពោលគឺឲ្យតែហុចលុយតាមការកំណត់ជាការស្រេចចប់បញ្ហា។បញ្ហានេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុក រលួយនូវតាមដងផ្លូវ គួរចាត់មន្រ្តីក្រោមឱវាទចុះស្រាវជ្រាវអោយសុីជម្រៅលោក កត់ ណៃ មេស្នាក់ការគយច្រកតំបន់អូររំដួល ស្រុកភ្នំព្រឹក ខេត្តបាត់ដំបង និងបក្សពួក ឃុបឃិតគ្នាប្រព្រឹត្តអំពើពុករលួយ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក កត់ ណៃ មេស្នាក់ការ គយច្រកតំបន់អូររំដួល រាល់ម៉ោងធ្វើការ៕មានត
