ខេត្តកណ្តាល ៖ តាមសេចក្តីរាយការណ៍ពីប្រជាពលរដ្ឋរស់ នៅភូមិកណ្ដាល ឃុំព្រែក អញ្ចាញ បានអោយដឹងថា ឈ្មោះ តាវឿន ដែលម្ចាស់ផ្ទះហ៊ានបើកល្បែងមាន់ជល់ខុសច្បាប់ស្ថិតនៅភូមិកណ្ដាលឃុំព្រែកអញ្ចាញ ស្រុកមុខកំពូល ខេត្តកណ្តាល ប្រហែល តាវឿន មានខ្នងបង្អែករឹងមាំ ទើបហ៊ានបើក ល្បែងសុីសងតាមទំនើងចិត្ត រីឯអាជ្ញាធរនិងសមត្ថកិច្ចមូលដ្ឋានរក្សាភាពស្ងៀមស្ងាត់ ។
ជាងស្តែងនៅថ្ងៃទី១២ ខែកញ្ញា ឆ្នាំ២០២៤ នេះគេសង្កេត ឃើញក្រុមញៀនល្បែងមាន់ ជល់ចេញចូលលេងយ៉ាងគគ្រឹកគគ្រេងនៅក្នុងសង្វៀន ដុះស្លែមួយកន្លែងនេះ គេមិន ទាន់ឃើញអាជ្ញាធរនិងសមត្ថកិច្ចមូលដ្ឋានចាត់កម្លាំងជំនាញក្រោមឱវាទចុះមកទប់ស្កាត់និងបង្រ្កាបនោះទេ បែជាបណ្ដោយអោយក្រុមទាំងនោះបើកដំណើរការអោយក្រុមញៀនល្បែងលេងយ៉ាងគគ្រឹកគគ្រេងពេញបន្ទុក បើកលេងរាល់ថ្ងៃ ធ្វើអោយពលរដ្ឋរិះគន់ថា បើគ្មានការឃុបឃិតគ្នាជាប្រព័ន្ធ មានខ្នងបង្អែករឹងមាំទេនោះ ម្ល៉េះម្ចាស់ទីតាំងល្បែងសុីសងឈ្មោះ តាវឿន និងបក្សពួករបស់ខ្លួន មិនអាចសាងភាពល្បីល្បាញខាងបើកសង្វៀនល្បែងមាន់ជល់ខុសច្បាប់ដុះស្លែ នៅលើទឹកដី ស្រុកមុខកំពូល ខេត្តកណ្តាល បានឡើយ។
មហាជនក៏ដូចប្រជាពលរដ្ឋរស់នៅក្នុងឃុំព្រែកអញ្ចាញ ស្រុកមុខកំពូល ដាក់ការ សង្ស័យមន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ប្រហែលសម្ងំទទួលលាភ សក្ការៈពីបុគ្គលម្ចាស់ឈ្មោះតាវឿន ម្ចាស់ទីតាំងល្បែងសុីសង មួយកន្លែងនេះ រួចរាល់ហើយទេដឹង ? ទើបមានបើកល្បែងសុីសងដូចជាមាន់ជល់ខុសច្បាប់ បណ្តោយអោយក្រុមញៀនល្បែងទាំងនោះទៅលេងយ៉ាងគគ្រឹកគគ្រេង គ្មានការបង្ក្រាប។
ប្រជាពលរដ្ឋរស់នៅមូលដ្ឋានសព្វថ្ងៃមានការព្រួយបារម្ភនិងភាពភ័យខ្លាចយ៉ាងខ្លាំងបញ្ហាអសន្តិសុខ សង្គមនិងអំពើចោរកម្ម. ចោរលួច ចោរឆក់.ចោរប្លន់.ចោរគាស់ផ្ទះគ្រឿងញៀននិងប្រើអំពើហិង្សាគ្រួសារជា ដើមចមកើតចេញពីល្បែងសុីសងនេះឯង។
អង្គភាពសារព័ត៌មានយើងធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាព ក៏ដូចព្រឹត្តិការណ៍ ក្នុងការជំរាបជូន ដល់ស្ថាប័នពាក់ព័ន្ធឲ្យបានជ្រាប?ដូច្នេះប្រជាពលរដ្ឋក៏ដូចមហាជននានា សំណូមពរទៅ ដល់ ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល.លោក គួច ចំរើន អភិបាលនៃគណៈអភិបាល ខេត្តកណ្តាលនិងលោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល ជួយចាត់កម្លាំងមន្ត្រីក្រោមឱវាទ ចុះត្រួតពិនិត្យ និងបង្រ្កាប! ទីតាំងល្បែងមាន់ជល់ ខុសច្បាប់ មួយកន្លែងនេះស្ថិតក្នុងភូមិសាស្ត្រខាងលើនេះផង ដើម្បីពង្រឹងសន្តិសុខ សង្គម ៕បឋម