ភ្នំពេញ៖តាមប្រភពរាយការពីប្រជាពលរដ្ឋរស់នៅសង្កាត់ចាក់អង្រែលើបានអោយដឹង ថា បុគ្គលដែលជនជាតិចិនហ៊ានបេីកល្បែងស៊ីសងបង្កប់នៅក្នុងខុនដូមួយកន្លែងជិតស្ពានអាកាសក្បាលថ្នល់ស្ថិតនៅក្នុងសង្កាត់ចាក់អង្រែលើ ខណ្ឌមានជ័យ រាជធានី ភ្នំពេញបើកលេងយ៉ាងគគ្រឹកគគ្រេងដោយរលូន ប្រហែលជាបុគ្គលនោះមានខ្នងបង្អែករឹងមាំហេីយ ទេីបហ៊ានបើកល្បែងសុីសងតាមអំពេីចិត្តមិនញញើតច្បាប់សោះហើយក៍មិនទាន់ឃើញអាជ្ញាធរនិងសមត្ថកិច្ចមូលដ្ឋានចុះមកទប់ស្កាត់និងបង្រ្កាបនៅឡើយដែរឬមិនទាន់បានជ្រាប!។
ប្រភពបន្តថាកាលកន្លងមកបទល្មើស លួច ឆក់ ប្លន់ ហឹង្សាគ្រឿងញៀនសុទ្ធសឹងចេញផ្តើមចេញពីល្បែងសុីសងទាំងនោះ!ធ្វើអោយពលរដ្ឋរស់ក្បែរនោះមានការព្រួយបារម្ភភ័យខ្លាចស្នើរដល់លោកវរសេនីយ៍ឯក អ៊ុក បូនីន អធិការនគរបាលខណ្ឌមានជ័យនិងលោក សេង គន្ធ អភិបាលខណ្ឌមានជ័យ គួរចាត់វិធានការទប់ស្កាត់និងបង្រ្កាបក្រុមញៀនល្បែងស៊ីសងជនជាតិចិនដែលបើកបង្កប់ក្នុងខុនដូជិតស្ពានអាកាសក្បាលថ្នល់បើកលេងយ៉ាងគគ្រឹកគគ្រេងមិនញញើតអាជ្ញាធរនិងសមត្ថកិច្ចបន្តិចឡើយ។
តើឯណាទៅគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញអនុវត្ត។
ប្រជាពលរដ្ឋរស់នៅក្នុងមូលដ្ឋានខាងលើស្នើសុំដល់ឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញនិងលោក ឃួង ស្រេង អភិបាលរាជធានីភ្នំពេញ មេត្តាចាត់កម្លាំងមន្រ្តីជំនាញក្រោមឱវាទចុះទប់ស្កាត់និងបង្រ្កាបទីតាំងល្បែងស៊ីសងរបស់ជនជាតិចិនច្រើនប្រភេទបើកបង្កប់ក្នុងខុនដូលក្ខណៈទ្រង់ទ្រាយធំនៅក្នុងភូមិសាស្រ្តខាង លើអោយមានប្រសិទ្ធភាពផងអោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕
