កំពង់ឆ្នាំង៖ តាមប្រភពពីក្រុមឈ្មួញនិងអអាជីវករដែលរកស៊ីដឹកជញ្ជូនទំនិញនិងផលកសិកម្មឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ៥ ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង បានអោយដឹងថា ទោះបីពួកគេផ្ទុកលើសទម្ងន់ឬមិនលើសទម្ងន់យ៉ាងណាក៏ដោយ ក៏ត្រូវតែបង់លុយតាមការកំណត់របស់ក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តចំណុចនោះផងដែរ។ក្រុមឈ្មួញនិងអាជីវករមួយចំនួនបាន អះ អាងថា ពួកគាត់ដឹកជញ្ជូនទំនិញឬកសិផលផ្សេងៗ ដោយគោរពតាមច្បាប់កំណត់ក៏នៅ តែចៀសមិនផុតពីការបង់លុយក្រោមតុលើតុ អោយក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្ត ផ្លូវជាតិលេខ៥ចំណុច ភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំងនោះដែរ។
ចំណែកឯលោក ស៊ុន សុវណ្ណរិទ្ធ អភិបាលខេត្តកំពង់ឆ្នាំងក៏ ដូចជាលោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូននិងលោក សេង ឈួន មេជញ្ជីងថ្លឹងរថយន្តទូទាំងប្រទេសនាំគ្នារក្សាភាពស្ងៀមស្ងាត់!បណ្ដោយអោយក្រុមប្រធានស្ថានីយ៍ជញ្ជីងថ្លឹងរថយន្តនូវចំណុចខាងលើធ្វើអ្វីៗតាមអំពើចិត្ត ប្រព្រឹត្តនូវអំពើពុករលួយរបស់ប្រធានស្ថានីយ៍ជញ្ជីងថ្លឹងរថយន្ត ផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលា ប្អៀរ ខេត្តកំពង់ឆ្នាំង មិនព្រមទប់ស្កាត់និងបង្រ្កាបក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តអោយមានប្រសិទ្ធភាពនោះទេ។
ប្រភពពីមន្ត្រីនៃមន្ទីរសាធារណការនិងដឹកជញ្ជូន ខេត្តកំពង់ឆ្នាំង បានបង្ហើបអោយដឹងថា ការដែលក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង គាបយកលុយពីក្រុមឈ្មួញនិងអាជីវករតាមអំពើចិត្ត គឺមានការឃុបឃិតបើកដៃពីមន្ត្រីធំៗនៅខាងលើផងដែរ។ជាការពិតក្រុមឈ្មួញមួយចំនួនបានបប្រើប្រាស់រថយន្តយីឌុបធំៗ រថយន្តសណ្ដោងកន្ទុយ សណ្ដោងរ៉ឺម៉កផ្ទុកទំនិញលើសទម្ងន់ បើកបរឆ្លងកាត់មុខស្ថានីយ៍ជញ្ជីងថ្លឹងរថយន្ត ផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង ដោយគ្មានការព្រួយបារម្ភអ្វីនោះទេ! ផ្ទុយទៅវិញមន្ត្រីទាំងនោះគ្រាន់តែតម្រូវ អោយម្ចាស់រថយន្ត ដឹកជញ្ជូនទំនិញលើសទម្ងន់ទាំងនោះបង់លុយតាមការកំណត់របស់លោកប្រធានស្ថានីយ៍ ជញ្ជីងថ្លឹង គឺជាការស្រេចដោយមិនខ្វល់ពីរឿងរថយន្តទាំងនោះ ធ្វើឲ្យខូចផ្លូវ ខូចស្ពាននោះទេ។
ប្រភពពីប្រជាពលរដ្ឋរស់នៅផ្លូវជាតិលេខ៥ ចំណុចភូមិទឹកល្អក់ ឃុំទឹកហួត ស្រុករលា ប្អៀរ ខេត្តកំពង់ឆ្នាំង បានបន្ថែមឲ្យទៀតដឹង ថា ពេលរថយន្តធំៗដឹកទំនិញលើសទម្ងន់បើកបរឆ្លងកាត់មុខស្ថានីយ៍ជញ្ជីងថ្លឹងផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង គឺតែងតែឃើញព្រូរថយន្តឬអ្នកបើកបររថយន្តរត់កាត់ឆ្លងថ្នល់ផ្លូវយ៉ាងប្រសេចប្រសាចទៅបង់ លុយឲ្យប្រធានជញ្ជីងនឹងក្រុមមន្ត្រីប្រចាំស្ថានីយ៍ជញ្ជីងថ្លឹងតាមការកំណត់ដោយមិនអាចតវ៉ាបាន។បើសិនឈ្មួញឬអាជីវករណាហ៊ានតវ៉ា ប្រាកដជាត្រូវក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលា ប្អៀរ ខេត្តកំពង់ឆ្នាំង រករឿងឲ្យរើទំនិញចុះឡើងតាមទំនេីងចិត្ត របស់ពួកគេជាពីខានឡើយ។
ហេតុនេះហើយទើបក្រុមរថយន្តដែលដឹកជញ្ជូនទំនិញលើសទម្ងន់រាប់តោនហូរហៀរខុសលក្ខណៈបច្ចេកទេសនៅតែអាចបើកបរឆ្លងកាត់មុខស្ថានីយ៍ជញ្ជីងថ្លឹងរថយន្តផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង យ៉ាងបានគគ្រឹកគគ្រេង ធ្វើអោយខូចផ្លូវ ខូចស្ពានជាបន្តបន្ទាប់ មិនរំខានដល់ប្រធានស្ថានីយ៍ ជញ្ជីងថ្លឹងរថយន្តផ្លូវជាតិលេខ៥ខេត្តកំពង់ឆ្នាំងឡើយ។
ដែលបញ្ហានេះលោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូននិងលោក សេង ឈួន ប្រធានជញ្ជីងថ្លឹងទូទាំងប្រទេស មិនគួរមើលរំលងតទៅទៀតនោះទេ! ព្រោះមន្ត្រីស្ថានីយ៍ជញ្ជីងថ្លឹងរថយន្តផ្លូវជាតិលេខ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង កំពុងប្រែកក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តអំពើពុករលួយ ហើយទាន។ដូច្នេះហើយសូមលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុករលួយនៅតាមដងផ្លូវ ចាត់ វិធានការទប់ស្កាត់និងបង្រ្កាបអំពើពុករលួយរបស់ប្រធាននិងក្រុមមន្ត្រីស្ថានីយ៍ជញ្ជីងថ្លឹងរថយន្តផ្លូវជាតិលេខ ៥ចំណុចភូមិទឹកល្អក់ ឃុំទឹកហួត ស្រុករលាប្អៀរ ខេត្តកំពង់ឆ្នាំង ប្រព្រឹត្តអំពើពុករលួយចែកគ្នាធ្វើមានបានដែលកំពុងប្រែក្លាយទៅជាស្ថានីយ៍ជញ្ជីងថ្លឹងលុយហើយទាន៕មានត