ក្រោមលេសកំណែទម្រង់ លោក យឹម វណ្ណៈ មេគយចល័តតំបន់៤ និងបក្ខពួកសហការគ្នាប្រព្រឹត្តអំពើពុករលួយកាន់តែខ្លាំង!ក្រុមឈ្មួញរកស៊ីដឹកទំនិញចេញពីប្រទេសថៃចូលកម្ពុជាជាពិសេសចូលខេត្តបាត់ដំបង រអ៊ូរទាំអំពីករណីដែលពួកមន្ត្រីគយយកលុយច្រើន លើតុក្រោមតុ បើទោះបីជាពួកគេបានបង់ លុយស្របច្បាប់ជូនជាតិហើយក៏ដោយ។ មួយរយៈចុងក្រោយនេះ សកម្មភាពក្រុមមន្ត្រីគយចល័តតំបន់៤ ត្រូវគេរាយការណ៍ មកថា កាន់តែមានសកម្មភាពនៃការបំពានច្បាប់ខ្លាំងឡើងៗ មិនតែប៉ុណ្ណោះថែមទាំងបានជួលជនស៊ីវិលឲ្យដើរយកលុយពីរថយន្តដឹកទំនិញ!នេះគឺជាអ្វីដែលពួកមន្ត្រីគយទាំងនោះនិយាយថា ជាកំណែទម្រង់ដើម្បីរកចំណូលជូនជាតិ ប៉ុន្តែជាទូទៅក្រុមអ្នករកស៊ី ដឹកទំនិញអះអាងថា វាជាអំពើពុករលួយច្រើនជាងរកលុយជូនជាតិ។
ប្រភពពីក្រុមអ្នកនាំទំនិញចេញពីប្រទេសថៃបានឲ្យដឹងថា ក្រោមលេសអ្វីដែលគេហៅថាកំណែទម្រង់ដើម្បីរកលុយជូនជាតិ លោក យឹម វណ្ណៈ មេគយចល័តតំបន់៤ កំពុងឃុបឃិតឲ្យឈ្មួញធំៗ បង់ពន្ធតាមទូរសព្ទ័ របៀបម៉ៅការហើយឈ្មួញទាំងនោះ អាចនាំចូលទំនិញគេចពន្ធ និងបង់ពន្ធមិនគ្រប់និងទំនិញខុសច្បាប់កាន់តែច្រើនឡើងៗ។ ឈ្មួញរកស៊ីដឹកទំនិញបានឲ្យដឹងថាសព្វថ្ងៃនេះមានរថយន្តធំៗជាច្រើនគ្រឿងដឹកទំនិញពីគ្រប់បណ្ដាខេត្ត,ជាពិសេសនាំមកពីប្រទេសថៃចូលមកខេត្តបាត់ ដំបងក្នុង១ថ្ងៃៗ មិនក្រោម ពី ៥០០ គ្រឿងទៅ១០០០គ្រឿងនោះទេ ហើយឡានដឹកទំនិញទាំងនោះត្រូវបង់ឲ្យ គយចល័តតំបន់៤ក្នុងរថយន្ត១ គ្រឿងចន្លោះពី១០០ដុល្លារទៅ៣០០ ដុល្លារ? ឲ្យទៅគយក្រោម អំណាចចាត់ចែងរបស់លោក យឹម វណ្ណៈ មេចល័តតំបន់៤ ទើបចូលខេត្តបាត់ដំបងបានដោយសុវត្ថិភាព?។
ប្រភពពីមន្ត្រីគយតំបន់៤ឲ្យដឹងថា ចាប់តាំង ពីលោក យឹម វណ្ណៈ ត្រូវបានតែងតាំងជាប្រធានគយចល័តតំបន់ ៤ រួចមកគឺមន្ត្រីគយរូបនេះប្រើតួនាទីនិងអំណាចប្រព្រឹត្តអំពើពុក រលួយយ៉ាងពេញបន្ទុក ដោយគ្មានញញើតអ្វីទាំងអស់។ នៅពេលនេះទៀតក្រោមអ្វីដែល គេហៅថាកំណែទម្រង់លោក យឹម វណ្ណៈ ទូរសព្ទ័ទារលុយពីពួកអ្នករកស៊ីដឹកទំនិញឆ្លងកាត់ខេត្តបាត់ដំបងស្រស់ៗតែម្ដង។ប្រភពអ្នករកស៊ីដឹកទំនិញបានលើកឡើងថា ដោយ សារលោក យឹម វវណ្ណៈទំនងជាបានចំណាយដើមទុនអស់យ៉ាងច្រើនក្នុងការទទួលបានតំណែងជាប្រធានគយចល័តតំបន់៤ ទើបប្រើគ្រប់វិធីដើម្បីប្រមូលលុយតាមរបៀបពុករលួយស្រេចតែអំពើចិត្តរបស់ខ្លួន។
ក្រុមអ្នករកស៊ីដឹកទំនិញបានសង្កេតឃើញថា លោក យឹម វណ្ណៈ ចាប់ពីទទួលតំណែងមេគយចល័តតំបន់៤មកលោកល្បីល្បាញខាងប្រើតួនាទីនិងអំណាចបប្រមូលលុយតាមរបៀបពុករលួយយ៉ាងពេញបន្ទុកលើសនេះទៀត នៅគ្រាដែលសេដ្ឋកិច្ចពិភពលោក ក៏ដូចជាប្រទេសកម្ពុជាកំពុងប្រឈមនឹងការលំបាកក្រុមមន្ត្រីគយរបស់លោក យឹម វណ្ណៈ ក៏កំពុងប្រឹងប្រមូលបឺតជញ្ជក់ដោយមិនអាណិតអាសូរអ្នករកស៊ីនោះឡើយ។ តាមការសង្កេតរបស់ក្រុមឈ្មួញនៅរកស៊ីដឹកជញ្ជូនទំនិញមើល ឃើញថា បន្ទាប់ពីមានការដោះ ដូរមន្ត្រីគយមេៗ នៅថ្នាក់លើសកម្មភាពនៃការគាបសង្កត់ប្រមូលប្រាក់របស់លោក យឹម វណ្ណៈ ក៏កាន់តែខ្លាំងឡើងៗផងដែរ។ហេតុនេះលោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុនិងលោក គុណ ញឹម អគ្គនាយកដ្ឋានគយនិងរដ្ឋាករកម្ពុជាមិនគួរបណ្តែតបណ្តោយលោក យឹម វណ្ណៈ មេគយចល័តតំបន់៤ និងបក្សពួកដែលកំពុងសាងភាពល្បីល្បាញខាងប្រព្រឹត្តរបៀបអំពើពុករលួយតទៅទៀតនោះទេ។ហេតុនេះហើយសូមលោក ឱម យ៉ិន ទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុករលួយតាមដងផ្លូវចាត់វិធានការទប់ស្កាត់និងបង្ក្រាបភាពមិនប្រក្រតីពុករលួយរបស់មេគយចល័តតំបន់៤ និងបក្សពួកបន្ទាន់ផង។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក យឹម វណ្ណៈ មេគយចល័តតំបន់៤និងបក្សពួក រាល់ម៉ោងធ្វើការ៕មានត
