កំពង់ឆ្នាំង ៖ បាំងព្រួលតូចតាចនៅតំបន់ភូមិកោះកែវ ឃុំស្វាយជ្រុំ ស្រុករលាប្អៀរ និងរបាំងព្រួលតូចតាច នៅតាមតំបន់នានា បើទោះជាតាមគោលនយោបាយរបស់រាជរដ្ឋាភិបាលដែលបានកាត់ឡូត៍នេសាទទុកសម្រាប់អោយរាស្ដ្រប្រកបរបនេសាទជាលក្ខណៈគ្រួសារក៏ដោយ ក៏ត្រូវបានមន្ត្រីជលផលបំផ្លាញខ្ទេច។ តែផ្ទុយទៅវិញបើតាមសេចក្តីរាយការណ៍របស់ប្រជាពលរដ្ឋឲ្យដឹងថា ៖ ចំណែករបាំងព្រួលវែងៗ ដែលមានប្រវែងរាប់ពាន់ម៉ែត្រនៅតំបន់ថ្នល់ឈើទាល សោកមោក កោះទន្លា បាយឆៅ ព្រែកលួង ចុងផ្លូវទូក វាលភក់ ស្លាបកុក គន្ល១០០ ប្រឡាយមាស និងផ្លូវទូកក្រៅដែលតំបន់នី់មួយ មានរបាំងលបណរ៉ាវរាប់រយកន្លែង ស្ថិតនៅក្នុងឃុំប្រឡាយមាស និងឃុំផ្លូវទូកស្រុកកំពង់លែង បែរជាលោក តាត សីហាក់ ជានាយផ្នែកជលផលផ្សារឆ្នាំងនិងលោក ពុំ សុផល ជានាយសង្កាត់កំពង់លែង ដែលគ្រប់គ្រងដោយលោក សាម ភារុន នាយខ័ណ្ឌរដ្ឋបាលជលផលកំពង់ឆ្នាំង លោក ម៉ប់ សាម៉ុន ជានាយរងខ័ណ្ឌជលផលកំពងឆ្នាំង ធ្វើមិនដឹងទៅវិញ។
បើតាមប្រជាពលរដ្ឋសមត្ថកិច្ចជំនាញខាងលើអត់មានបង្ក្រាបទេ ព្រោះអាជ្ញាធរមូលដ្ឋាននិងមន្ត្រីសហគមន៍តំបន់នោះ ដែលមានជាអាទិលោក មាន់ អៀនលី ជាអភិបាលស្រុកកំពង់លែង លោក ផៅ ស្រៀង ជាអភិបាលរងស្រុក លោក ចេង ភាគ ជាមេឃុំផ្លូវទូក លោក វៀង ថៃ ជាប្រធានសហគមន៍ភូមិថ្នល់ឈើទាលលោក ខៀវ គៀន ជាមេភូមិថ្នល់ឈើទាល និងជាមេឈ្មួញប្រមូលទិញត្រី(យឿត្រី)ធំជាងគេនៅភូមិថ្នល់ឈើទាល ។
ឯលោកស្រីម្នាក់ឈ្ម្មោះថា យាយ ណន់ ជាអនុភូមិថ្នល់ឈើទាល គឺគាត់មានវិធីសាស្ដ្រខ្ពស់ ក្នុងការទំនាក់ទំនងល្អនិងស្អិតល្មួតជាមួយអាជ្ញាធរថ្នាក់ស្រុកកំពង់លែង អាជ្ញាធរខេត្តកំពង់ឆ្នាំង និងខាងសមត្ថកិច្ចពិសេសជំនាញជលផលក្នុងការរត់ការប្រមូលុយបង់អោយអាជ្ញាធរ និងសមត្ថកិច្ចខាងលើដើម្បីបំបិតមាត់ជាថ្នូរនិងការមិមបង្ក្រាប ។
ករណីបង្ក្រាបអាតូចទុកអាធំនេះត្រូវបានប្រជាពលរដ្ឋរិះគន់និងចោទថាជំនាញជលផលបង្ក្រាបអាតូចយករបាយការណ៍ជូនមេចំណែកអាធំទុកចិញ្ចឹមឆ្នាំង ។ តើលោក ហុង ហ៊ី នាយអធិការដ្ឋានខាងត្ចូងបឹងទន្លេសាបនិងលោក អេង ជាសាន មេជលផលស្រុកខ្មែរនិង លោក អ៊ុក រ៉ាប៊ុន រដ្ឋមន្ត្រីក្រសួងកសិកម្មមានវិធានការបែបណាដើម្បីអោយប្រជាពលរដ្ឋម្ចាស់ឆ្នោតបានសប្បាយចិត្តដូចអនុសាសន៍ដ៏មានអត្ថន័យមួយរបស់សម្ដេចតេជោហ៊ុនសែនដែលបានលើកឡើងថា “ធ្វើជាមន្ត្រីត្រូវកំភ្លេចតួនាទីនិងភារកិច្ចរបស់ខ្លួនធ្វើជាមន្ត្រីត្រូវបម្រើប្រជារាស្ត្រមិនមែនជាចៅហ្វាយរបស់រាស្ដ្រ”នោទេ ។
សារព័ត៌មានយើងមិនអាចសូមទំនាក់ទំនងលោកប្រធានជនផលបាននោះទេ ៕