ខេត្តព្រៃវែង៖ តាមប្រភពពីប្រជាពលរដ្ឋដែលរស់នៅក្បែរ” កាស៊ីណូ “៣៣” ច្រកព្រំដែនស្វាយអាង៉ោងដែលស្ថិតនៅក្នុងភូមិចាម ឃុំចាម ស្រុកកំពង់ត្របែកបានអោយដឹងថា កាស៊ីណូ”៣៣” ច្រកព្រំ ដែនស្វាយអាង៉ោងបើកអោយពលរដ្ឋខ្មែរចេញចូលលេងល្បែងស៊ីសងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់។
ប្រភពបានបន្តថា កាសុីណូ “៣៣” ដែលកំពុងបើកអោយពលរដ្ឋខ្មែរចេញចូលលេងល្បែងសុីសងយ៉ាងពេញបន្ទុករាល់ថ្ងៃគេសង្ស័យថាកាសុីណូមួយនេះគ្មានច្បាប់អនុញ្ញាតផងក៍មិនដឹង? ឬមួយម្ចាស់កាសុីណូ “៣៣” មានខ្នងបង្អែករឹងមាំ នៅក្នុងខេត្តនៅពីក្រោយទេដឹង? ទើបហ៊ានធ្វើអ្វីៗតាមអំពើចិត្ត។ហេតុនេះលោក សួន សុម៉ាលីន អភិបាលខេត្តព្រៃវែង លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែងនិងលោកឧត្តមសេនីយ៍ត្រី ឈួន គឹម សាន មេបញ្ជាការកងរាជអាវុធហត្ថខេត្តព្រៃវែង អាណត្តិទី៧ ចាត់កម្លាំងជំនាញក្រោមឱវាទចុះទប់ស្កាត់និងបង្ក្រាបម្ចាស់ កាស៊ីណូ ” ៣៣”ដែលកំពុងបើកអោយពលរដ្ឋខ្មែរចេញចូលលេងល្បែងសុីសងយ៉ាងពពាក់ពពូនផ្ទុយពីច្បាប់អនុញ្ញាត។
ប្រជាពលរដ្ឋរស់នៅមូលដ្ឋានខាងលើ ស្នើដល់ថ្នាក់ដឹកនាំក្រសួងមហាផ្ទៃ ជាពិសេសនាយឧត្តមសេនីយ៍ ស ថេត អគ្គស្នងការនគរបាលជាតិ មេត្តាចាត់មន្រ្តីក្រោមឱវាទចុះពិនិត្យទីតាំងកាស៊ីណូ “៣៣” នៅច្រកព្រំដែនស្វាយអាង៉ោងដែលបើកអោយប្រជាពលរដ្ឋខ្មែរចេញចូលលេងល្បែងសុីសងជល់មាន់បៀអាប៉ោងយូគីនិងល្បែងជាច្រើនប្រភេទទៀតខុសច្បាប់បើកបង្កប់នៅក្នុងកាសុី ណូ” ៣៣” ច្រកព្រំដែនស្វាយអាង៉ោងនេះផង។
បើតាមប្រភពពីក្រុមញៀនល្បែងចេញចូលក្នុងកាសុីណូ “៣៣” បានបន្ថែមថា អ្នកដែលចេញចូលទៅល្បែងស៊ីសងភាគច្រើនពលរដ្ឋខ្មែរដែលញៀនល្បែងជិះ ឡានជិះម៉ូតូសេរីទំនើបៗ រាប់សិបគ្រឿងមកពីគ្រប់បណ្ដាខេត្តនានាចូលទៅលេងក្នុងកាសុីណូ”៣៣” ដោយសេរីយ៉ាងរំភើយមិនរំខានដល់សមត្ថកិច្ចនិងអាជ្ញាធរមូលដ្ឋាន ស្រុក ខេត្ត ឡើយ។
ប្រជាពលរដ្ឋស្រុកកំពង់ត្របែក រងចាំមើលកណ្តាប់ដៃលោក សួន សុម៉ាលីន អភិបាលខេត្តព្រៃវែង លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែងនិងលោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថ អាណត្តិទី៧ មានចំណាត់ការបែបណាទៅលើម្ចាស់ កាស៊ីណូ”៣៣” ដែលបើកពង្វក់អោយពលរដ្ឋខ្មែរវីវក់វង្វេងនឹងល្បែងសុីសងក្នុងកាសុីណូ”៣៣”ផ្ទុយពីច្បាប់អនុញ្ញាត ឬទុកអោយម្ចាស់ “កាស៊ីណូ”៣៣” ធ្វើព្យុះភ្លៀងគៀងគរប្រមូលផ្ដុំពលរដ្ឋខ្មែរអោយចេញចូលលេងល្បែងជល់មាន់បៀអាប៉ោងយូគីខុសច្បាប់និងល្បែងផ្សេងៗទៀតដែលបង្កការភ័យខ្លាចបញ្ហាអសន្តិ សុខសង្គមនិងអំពើចោរកម្មចោរលូច. ចោរឆក់. ចោរប្លន់. ចោរគាស់ផ្ទះ. គ្រឿង ញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។
មជ្ឈដ្ឋាននានាដាក់ការសង្ស័យថា ប្រហែលម្ចាស់ “កាស៊ីណូ” ៣៣” បានផ្ដល់ផលប្រយោជន៍ប្រចាំ ថ្ងៃ ខែ ជូន អាជ្ញាធរនិងសមត្ថកិច្ចជំនាញពាក់ព័ន្ឋក្នុងមូលដ្ឋាន រួចរាល់អស់ហើយទេដឹង?បាននាំគ្នារក្សាភាពស្ងៀមស្ងាត់ មិនមានចាត់វិធានការទប់ស្កាត់និងបង្ក្រាប ដើម្បី អោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដាក់អោយអនុវត្តនោះ។
បញ្ហានេះដែលលោក សួន សុម៉ាលីន អភិបាលខេត្តព្រៃវែង លោកឧត្តមសេនីយ៍ទោ ឈឿន ប៊ុនឆន ស្នង ការខេត្តព្រៃវែងនិងលោកឧត្តសេនីយ៍ត្រី ឈួន គឹមសាន មេបញ្ជាការកងរាជ អាវុធហត្ថខេត្តព្រៃវែង អាណត្តិទី៧ ចុះចាត់វិធានការទប់ស្កាត់និងបង្រ្កាបម្ចាស់ “កាសុីណូ “៣៣” នៅច្រកព្រំដែនស្វាយ អាង៉ោង ស្រុកកំពង់ ត្របែក ខេត្តព្រៃវែង ដែលបើកអោយប្រជាពលរដ្ឋខ្មែរចូល លេងល្បែងសុីសងខុសច្បាប់នេះអោយមានប្រសិទ្ធភាពផង ៕មានត
