ភ្នំពេញ ៖ តាមប្រភពពីប្រជាពលរដ្ឋរស់ នៅក្បែរទីតាំងល្បែងបានអោយដឹងថា បុគ្គលដែលហ៊ានបើកល្បែងសុីសងខុស ច្បាប់តាមប្រព័ន្ធអ៊ីនធឺណេតមួយកន្លែងនៅក្បែរ មជ្ឈមណ្ឌលថែរក្សាសម្ផស្សផ្កាយប្រាក់ប្រហែល៤០ ទៅ៥០ ម៉ែត្រ ផ្លូវលេខ១៥០ សង្កាត់ផ្សារដេប៉ូទី២ ខណ្ឌទួលគោក រាជធានី ភ្នំពេញ ប្រ ហែលបុគ្គលនោះមានខ្នងបង្អែករឹងមាំ ហើយមានឥទ្ធិពល ទើបហ៊ានធ្វើអ្វីៗតាម ទំនើងចិត្ត រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់។
ជាងនេះទៅទៀត ទីតាំងល្បែងសុីសងតាមប្រព័ន្ធអ៊ីនធឺណេត មួយកន្លែងនៅផ្លូវលេខ១៥០ក្នុងសង្កាត់ផ្សារ ដេប៉ូទី២ ខណ្ឌទួលគោក កំពុងតែបើកដំណើរការអោយក្រុមញៀនល្បែងចេញចូលលេងយ៉ាងពេញបន្ទុកគឺបើកលេងទាំងយប់ទាំងថ្ងៃតែម្តង! តែគេមិនដែលឃើញមន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តទប់ស្កាត់និងបង្ក្រាបឡើយ! ខណៈបនល្បែងសុីសងខុសច្បាប់ នៅតែបន្តបើកលេងយ៉ាងអនាធិប តេយ្យ។
មហាជនក៏ដូចប្រជាពលរដ្ឋរស់នៅក្នុងមូលដ្ឋានសង្កាត់ផ្សារដេប៉ូទី២ ខណ្ឌទួល គោក នាំគ្នាដាក់ការសង្ស័យថា ប្រហែល មន្រ្ដីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន មួយចំនួន សម្ងំទទួលលាភសក្ការៈ ខ្លះៗពីម្ចាស់ទីតាំងល្បែងសុីសងខុសច្បាប់ មួយកន្លែងនេះ រួចអស់ហើយមើលទៅ ? ទើបមានបើកល្បែងសុីសងខុសច្បាប់តាមប្រព័ន្ធអ៊ីនធឺណេត ទុកឲ្យក្រុមញៀនល្បែង ប្រុស ស្រី ក្មេង ចាស់ ចូលលេងយ៉ាងគគ្រឹក គគ្រេង គ្មានវិធានការទប់ស្កាត់និងបង្រ្កាប ទាល់តែសោះ។
ប្រភពដដែលបានបន្ថែមថា ក្តីកង្វល់របស់ប្រជាពលរដ្ឋរស់នៅសព្វថ្ងៃនេះ មានភាពភ័យខ្លាចយ៉ាងខ្លាំង ចំពោះសុខទុក្ខ សុវត្ថិភាព គ្រួសារ របស់ពួកគាត់់ ព្រោះថាទីណា មានល្បែងស៊ីសង ទីនោះមិនយូរ មិនឆាប់ កើតមាននូវអំពើចោរ កម្ម និងបទល្មើសផ្សេងៗ ដូចជា លួច ឆក់ ប្លន់ជាពិសេសអំពើហិង្សាក្នុងគ្រួសារគ្រឿងញៀនជាដើមចមកើតចេញពីល្បែងសុីសងនេះឯង។ សារព័ត៌មានយើងខ្ញុំធ្វើការផ្សព្វផ្សាយនេះ ដើម្បីពាំនាំដំណឹងអំពីសកម្មភាពក៏ដូចព្រឹត្តិការណ៍ ក្នុងការជំរាបជូនដល់ស្ថាប័នពាក់ព័ន្ធឲ្យបានជ្រាប់!។
ដូច្នេះប្រជាពលរដ្ឋស្នើដល់ លោកឧត្តមសេនីយ៍ឯក ជួន ណារិន្ទ ស្នងការនគរ បាលរាជធានីភ្នំពេញនិងលោក ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ចាត់កម្លាំងជំនាញក្រោមឱវាទ ចុះទប់ស្កាត់ និងបង្រ្កប បុគ្គលដែលហ៊ានបើកល្បែងសុីសងខុសច្បាប់តាមប្រព័ន្ធអ៊ីនធឺណឹត មួយកន្លែងនេះដែលស្ថិតនៅក្នុងភូមិសាស្ត្រខាងលើនេះផង ដើម្បីពង្រឹង សន្តិសុខសង្គម។
គួររំលឹកថាកាលពីថ្ងៃទី១៨ កុម្ភ:ឆ្នាំ ២០២៤ សម្ដេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជា ណាចក្រកម្ពុជា បន្តវេនបានចេញបទបញ្ជាដល់ អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជា បន្ទាន់លើទីតាំងបនល្បែងសុីសងគ្រប់ប្រភេទផ្សងសំណាងគ្មានការលើកលែង ។ដោយឡែកអាជ្ញាធរនិងសមត្ថកិច្ចមូលដ្ឋានបណ្ដែតបណ្ដោយអោយមានល្បែង សុីសងខុសច្បាប់អ៊ីនធឺណេតក្នុងមូល ដ្ឋានខ្លួនគ្រប់គ្រង មិនព្រមធ្វើការទប់ស្កាត់និងបង្រ្កាបអោយស្របតាមគោល នយោបាយ ភូមិ ឃុំ សង្កាត់ មានសុវត្ថិ ភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃនោះទេ៕មានត