កំពង់ចាម៖ តាមប្រភពរាយការណ៍ពីប្រជាពលរដ្ឋរស់នៅ ឃុំព្រែកដំបូក បានអោយដឹងថា មួយរយៈនេះល្បែងជល់មាន់និងឡូតូខុសច្បាប់ តាមប្រព័ន្ធអន ឡាញចាប់ផ្ដើមកក្រើកឡើងវិញហើយដែលកំពុងបើកអោយក្រុមញៀនល្បែងលេងយ៉ាងគគ្រឹកគគ្រេង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ ! មិនព្រមអនុវត្តតាមបទបញ្ជានាយករដ្ឋមន្រ្តីនោះទេ។ទីតាំងល្បែងជល់មាន់និងឡូតូខុសច្បាប់១/នៅភូមិព្រែកដំបូកលើក ឃុំព្រែកដំបូក ស្រុកស្រីសន្ធរ ខេត្តកំពង់ចាម ២/នៅភូមិព្រែកពោធិ៍ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម ទីតាំងល្បែងជល់មាន់និងឡូតូខុសច្បាប់ទាំងនេះបើកលេងយូរខែមកហើយ ប្រហែលបុគ្គលម្ចាស់បនល្បែងទាំងនោះមានខ្នងបង្អែករឹងមាំ និងមានឥទ្ធិពលហើយ ទើបហ៊ានបើកល្បែងជល់មាន់និងឡូតូខុសច្បាប់តាមប្រព័ន្ធអនឡាញតាម ទំនើងចិត្តបែបនេះ! រីឯអាជ្ញាធរនិងសមត្ថកិច្ចមូលដ្ឋានមិនទាន់ឃើញចាត់កម្លាំងជំនាញក្រោមឱវាទចុះទប់ស្កាត់និងបង្រ្កាបនោះទេ!ធ្វើអោយពលរដ្ឋដាក់ការសង្ស័យថាឆ្នាំងបាយសមត្ថកិច្ចនិងអាជ្ញាធរមូលដ្ឋាន ទើបមិនធ្វើការបង្រ្កាប ។
ប្រភពដដែលបានបញ្ជាក់ថា ទីតាំងល្បែងជល់មាន់ និងឡូតូខុសច្បាប់តាមប្រព័ន្ធអនឡាញ ជាច្រើនកន្លែងក្នុង ឃុំព្រែកដំបូក និង ឃុំព្រែកពោធិ៍ ស្ថិតក្នុងស្រុកស្រីសន្ធរ ខេត្តកំពង់ចាម ដែលបើកដំណើរការអោយក្រុមញៀនល្បែងលេងរាល់ថ្ងៃ យ៉ាងពេញបន្ទុក រីឯអាជ្ញាធរនិងសមត្ថកិច្ចមូលដ្ឋាន បានរក្សាភាពស្ងៀមស្ងាត់ មិនធ្វើការបង្ក្រាបនោះទេ។
មហាជនបានរិះគន់ចំៗថា បើគ្មានការ ឃុបឃិតគ្នាជាប្រព័ន្ធ នោះទេ ម្ចាស់ទី តាំងល្បែងសុីសងនិងបក្សពួកមិនអាច សាងភាពល្បីល្បាញខាងបើកល្បែងជល់មាន់ និងឡូតូ ខុសច្បាប់តាមប្រព័ន្ធអន ឡាញឲ្យក្រុមញៀនល្បែងចេញចូលលេងយ៉ាងពពាក់ពពូនសុខស្រួលមិនរំខានអាជ្ញាធរនិងសមត្ថកិច្ចមូលដ្ឋានទាល់តែសោះ។ ប្រជាពលរដ្ឋរស់នៅមូលដ្ឋានសព្វថ្ងៃមានការព្រួយបារម្ភនិងភាពភ័យខ្លាចយ៉ាងខ្លាំងចំពោះ សុវត្ថិ ភាព គ្រួសារ ព្រោះថា ទីណាមានល្បែងស៊ីសង ទី នោះមិនយូរ មិនឆាប់ កើតមាននូវ អំពើចោរកម្ម និងបទល្មើស ផ្សេងៗ ដូចជា លួច ឆក់ ប្លន់ និងអំពើហិង្សាក្នុងគ្រួសារជាក់ជាមិនខានឡើយ ។
ដូច្នេះប្រជាពលរដ្ឋស្នើដល់ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម.លោក អ៊ុន ចាន់ដា អភិ បាលនៃគណៈអភិបាល ខេត្តកំពង់ចាម និងលោកមេបញ្ជាការកងរាជអាវុធហត្ថខេត្តកំពង់ចាម ចាត់កម្លាំងជំនាញក្រោមឱវាទចុះទប់ស្កាត់និងបង្រ្កាបបុគ្គលដែលហ៊ានបើកល្បែងសុីសងជល់មាន់ និងឡូតូ ខុសច្បាប់តាមប្រព័ន្ធអនឡាញ ដែលស្ថិតនៅក្នុងភូមិសាស្ត្រខាងលើនេះផង ដើម្បីពង្រឹង សន្តិសុខ សង្គម ដល់ប្រជាពលរដ្ឋ៕មានត