រតនគិរី ៖ កាលពីយប់ថ្ងៃទី០៩ ខែសីហា ឆ្នាំ២០១៥ មន្ត្រីស្នាក់ការគយចល័ត បានស្ទាក់ចាប់ឡានរបស់កូនតំណាងរាស្ត្រមួយគ្រឿងដឹកឈើប្រណិតតាមផ្លូវជាតិលេខ៧៨ បំរុងទៅលក់នៅប្រទេសវៀតណាម ។ នៅពេលបើកទៅដល់ចំណុចស្នាក់ការគយចល័តស្រុកអូរយ៉ាដាវក៏ត្រូវកម្លាំងគយឃាត់ចាប់ដើម្បីចាត់ការតាមផ្លូវច្បាប់ ប៉ុន្តែឈ្មួញឈ្មោះ ឆៃ ត្រូវជាកូនតំណាងរាស្ត្រមណ្ឌលខេត្តរតនគិរីមិនព្រមធ្វើការបង់ប្រាក់ឲ្យមន្ត្រីគយនោះឡើយ។
ប្រភពបានឲ្យដឹងទៀតថា មន្ត្រីគយចល័តស្ទាកចាប់ឡានកូនតំណាងរាស្ត្រនោះម៉ាឡង់គ្រីស័រ ស៊េរីចាស់ ពណ៌ខ្មៅ ពាក់ស្លាកលេខភ្នំពេញ2G-2928 បានដឹកឈើប្រណិតប្រភេទធ្នង់ ចេញពីទីរួមខេត្តទៅលក់នៅប្រទេសវៀតណាម តាមច្រកទ្វារអន្តរជាតិស្រុកអូរយ៉ាដាវទាំងយប់ទាំងថ្ងៃ ហើយពុំមានសមត្ថកិច្ចណាហ៊ានបង្ក្រាបនោះឡើយ ទើបតែមកដល់ថ្ងៃនេះកម្លាំងគយចល័តធ្វើការបង្ក្រាបដោយស្ងាត់ៗ
គេសង្ស័យថាមន្ត្រីគយចល័តបង្ក្រាបឡានកូនតំណាងរាស្ត្រដឹកឈើខុសច្បាប់នោះគឺដើម្បីចរចាយកប្រាក់ដាក់ហោប៉ៅ ទើបគេមិនសហការជាមួយមន្ត្រីជំនាញ និងសមត្ថកិច្ចនៅមូលដ្ឋាន ហើយបានយកឡាននោះទៅទុកក្នុងផ្ទះប្រជាពលរដ្ឋនៅថ្ងទី១០ ខែសីហា ឆ្នាំ២០១៥អ្នកសារពត៌មានទៅសួរពីរឿងនោះភ្លាមៗដែរ លោក តុលា មន្ត្រីគយប្រចាំការនៅទីនោះ បានបដិសេដ្ឋថា មិនបានចាប់ឡានឈើឡើយពេលនោះដែរ ។ លោក តុលា បានបញ្ជាក់ថា ការបង្ក្រាបឡានកូនតំណាងរាស្ត្រដឹកឈើនោះ គឺធ្វើតាមបញ្ជារបស់មេ (ព្រាប សុធារ៉ាត) បើចង់ដឹងពត៌មានលំអិតឲ្យសួរទៅមេទៅ ។
នៅថ្ងៃដដែលនោះក្រុមអ្នកយកពត៌មានបានព្យាយាមទូរស័ព្ទទៅលោក ព្រាប សុធារ៉ាត់ ដើម្បីសុំការបំភ្លឺជុំវិញការចាប់ឡានកូនតំណាងរាស្ត្រដឹកឈើខុសច្បាប់នោះ ប៉ុន្តែទូរស័ព្ទរបស់លោករោរ៍ជាច្រើនដងតែពុំមានអ្នកលើក៕
គឹម នឿន ៕