កំពង់ចាម៖តាមប្រភពសេចក្តីរាយការណ៍ថ្មីៗពីប្រជាពលរដ្ឋរស់នៅឃុំបារាយណ៍ ស្រុកព្រៃឈរ បានអោយដឹងថា ទីតាំងល្បែងជល់មាន់ខុសច្បាប់តាមប្រព័ន្ធអនឡាញ ស្ថិតនៅភូមិទួលចំបក់ ឃុំបារាយណ៍ ស្រុកព្រៃឈរ ខេត្តកំពង់ចាម បើកដំណើរការអោយក្រុម ញៀនល្បែងលេងយ៉ាងគគ្រឹកគគ្រឹង រីឯ អាជ្ញាធរនិងសមត្ថកិច្ចក្នុងមូលដ្ឋាន រក្សាភាពស្ងៀមស្ងាត់ មិនព្រមធ្វើការទប់ស្កាត់និងបង្រ្កាបនោះទេ!គេសង្ស័យថាទីតាំងល្បែងទាំងនោះប្រហែលជាឆ្នាំងបាយរបស់អាជ្ញាធរនិងសមត្ថកិច្ចមូលដ្ឋានផងក៍មិនដឹង?។
ទីតាំងល្បែងជល់មាន់ខុសច្បាប់តាមប្រព័ន្ធ អនឡាញ កំពុងបើកដំណើរការអោយក្រុម ញៀនល្បែងបើកលេងរាល់ថ្ងៃយ៉ាងពេញបន្ទុក គេមិនដែលឃើញ អាជ្ញាធរ និងសមត្ថកិច្ចពាក់ព័ន្ធក្នុងមូលដ្ឋាន ចុះទប់ស្កាត់និងបង្រ្កាបនោះទេ!ឬមួយខ្លាចបាត់បង់ផល ប្រយោជន៍ទេដឹង?ទើបមិនហ៊ានបង្ក្រាប។
ប្រភពដដែលបានអោយដឹងទៀតថា ទីតាំងល្បែងជល់មាន់ខុសច្បាប់តាមប្រព័ន្ធអន ឡាញដែលមានទីតាំងខាងលើ បើកអោយក្រុមញៀនល្បែងលេងបង្កភាព រញេរញ៉ៃយ៉ាងអនាធិបតេយ្យ ធ្វើអោយពលរដ្ឋរស់ នៅមូលដ្ឋានខាងលើមានការភ័យខ្លាច និងព្រួយបារម្ភ បញ្ហាអសន្តិសុខ សង្គម និងអំពើចោរកម្មចោរលួច.ចោរឆក់ចោរប្លន់ ចោរគាស់ផ្ទះនិងប្រើអំពើហិង្សា គ្រួសារគ្រឿងញៀនជាដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋ ស្នើដល់លោក អ៊ុន ចាន់ដា អភិបាលខេត្តកំពង់ចាម.លោកឧត្តមសេនីយ៍ទោ ហេង វុទី្ឋ ស្នងការនគរ បាលខេត្តកំពង់ចាម និងលោកមេបញ្ជាការ កងរាជអាវុធហត្ថខេត្តកំពង់ចាម មេត្តាចាត់ មន្រ្តីក្រោមឱវាទចុះទប់ស្កាត់និងបង្រ្កាប់ទីតាំងល្បែងសុីសងជល់មាន់ខុសច្បាប់តាមប្រព័ន្ធអនឡាញដែលស្ថិតក្នុងភូមិសាស្ត្រខាងលើអោយមានប្រសិទ្ធភាពស្របតាម គោលនយោបាយ ភូមិ.ឃុំ. សង្កាត់.មានសុវត្ថិភាព ទាំង៧ ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ ដើម្បីដាក់អោយមន្ត្រីថ្នាក់ក្រោមជាតិអនុវត្ត ទប់ស្កាត់និងបង្ក្រាប រាល់ល្បែងស៊ីសងអោយមានប្រសិទ្ធភាព។
សូមបញ្ជាក់ថា កាលនៅថ្ងៃទី ១៨ ខែកុម្ភៈ ឆ្នាំ២០២៤ កន្លងទៅថ្មីៗនេះសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជា ណាច្រកកម្ពុជា បន្តវេនបានចេញបទបញ្ជាដល់អភិបាល រាជធានី ខេត្តទាំងអស់នូវទូទាំងប្រទេសត្រួតពិនិត្យជាបន្ទាន់ទីតាំងបនល្បែងស៊ីសងផ្សងសំណាង គ្រប់ប្រភេទគ្មានការលើកលែង ។ដោយឡែកអាជ្ញាធរនិងសមត្ថកិច្ចមូលដ្ឋានស្រុកព្រៃឈរ ខេត្តកំពង់ ចាមបណ្ដោយអោយមានល្បែងសុីសងមាន់ ជល់ខុសច្បាប់តាមប្រពន្ធ័អនឡាញបើកលេងយ៉ាងគគ្រឹកគគ្រេងនៅក្នុងមូលដ្ឋានខ្លួនគ្រប់គ្រងមិនព្រមបង្រ្កាបប្រឆាំងបទបញ្ជានាយករដ្ឋមន្រ្តី៕
