ប្រភពីក្រុមអ្នករកស៊ីដឹកទំនិញឆ្លងកាត់ផ្លូវជាតិលេខ១នៅចំណុភូមិក្រសាជេទ ឃុំរំចេក ស្រុកព្រះស្ដេច ខេត្តព្រៃវែងតែងតែរអ៊ូរទាំអំពីករណីមន្ត្រីដែលប្រចាំការនៅស្ថានីយ៍ថ្លឹងរថយន្តថា រថយន្តក៏ថ្លឹងលុយក៏ថ្លឹង!បើទោះបីជារថយន្តដឹកមិនលើសទម្ងន់ក៏មន្រ្តីៗដែលប្រចាំការនៅស្ថានីយ៍ជញ្ជីងថ្លឹងរថយន្តទីនោះ សុំលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់ដែលគួរឲ្យស្អប់ខ្ពើមបំផុត! ថាតើពួកមន្ត្រីទាំងនោះមកធ្វើការ មិនបានទទួលប្រាក់បៀវត្សពីរដ្ឋាភិបាលដែរទេឬ? ។
ប្រភពពីមន្ត្រីមន្ទីរសាធារណការ និងដឹកជញ្ជូនខេត្តព្រៃវែង បានអោយដឹងថា លោក ជា ម៉ូ អនុប្រធានមន្ទីរសាធារណការនិងដឹកជញ្ជូនខេត្តព្រៃវែង ជាអ្នកទទួលមើលការខុសត្រូវឬអាចនិយាយបានថា ជាប្រធានស្ថានីយ៍ជញ្ជីងថ្លឹងរថយន្តនៅលើផ្លូវជាតិ លេខ១ ភូមិក្រសាជេទ ឃុំរំចេក ស្រុកព្រះ ស្ដេច បណ្ដែតបណ្ដោយអោយឈ្មួញដឹក លេីសទំម្ងន់តាមអំពេីចិត្ត។
ប្រភពពីមន្ត្រីនៃមន្ទីរបានបន្តទៀតថា ដោយមានការឃុបឃិ តគ្នាជាប្រពន្ធ័ពីថ្នាក់ដឹកនាំមន្ទីរ ឬអភិបាលរងខេត្តទទួលបន្ទុកផ្នែកជញ្ជីងទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្តផ្លូវជាតិលេខ១ ភូមិក្រសាជេទឃុំរំចេក ស្រុកព្រះស្ដេច ខេត្ត ព្រៃវែង រកវិធីគ្រប់សាស្រ្តដើម្បីប្រមូលប្រាក់អោយបានច្រើន ពីព្រោះវាជាមុខមាត់របស់ស្ថានីយ៍ជញ្ជីថ្លឹងរថយន្តផង និងមានចំណូលដាក់ក្នុងហោប៉ៅបានច្រើនចែកគ្នាធ្វើមានបានយ៉ាងសុខស្រួលផង។ក្រុមអ្នកបើករថយន្តភាគ ច្រើនបានព្យាយាមបើកគេចវាងតាមផ្លូវផ្សេងៗពីព្រោះតែមន្ត្រីនៅប្រចាំការនៅស្ថានីយ៍ ជញ្ជីងថ្លឹងរថយន្តចំណុចនោះទារលុយច្រើនៗបើទោះបីជាមានការលើសទម្ងន់បន្តិចបន្តួចក៏ដោយ។
ជាងនេះទៅទៀតបើទោះបីជាមិនលើសទម្ងន់ក៏មិនត្រូវនៅទីនោះហាមាត់លូកដៃសុំលុយថ្លៃបាយទឹកនិងកាហ្វេប្រចាំថ្ងៃនោះដែរ។ ក្រុមអ្នករកស៊ីដឹក ទំនិញពួកគាត់បានទទួល ស្គាល់ថា ការដឹកជញ្ជូនវាអាចមានលើស ទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ រីឯពួកមន្ត្រីដែលប្រចាំការនៅស្ថានី យ៍ជញ្ជីងថ្លឹងរថយន្ត ចំណុចផ្លូវជាតិលេខ១ ភូមិក្រសាជេទ ឃុំរំចេក ស្រុកព្រះស្ដេច នេះបន់អោយតែមានរថយន្តដឹកលើសទម្ងន់ដើម្បីសង្កត់ក យកលុយតែប៉ុណ្ណោះ ។
បញ្ហាក្រុមមន្ត្រីនៅស្ថានីយ៍ជញ្ជីងថ្លឹងរថយន្ត នៅលើផ្លូវជាតិលេខ១ស្ថិតនៅភូមិក្រសាជេទ ឃុំរំចេក ស្រុកព្រះស្ដេច នេះពិតជាបង្កអោយមានការក្តៅក្រហាយដល់អ្នករកស៊ីដឹកជញ្ជូនទំនិញនានាហើយជាពិសេសពួកអ្នកដឹក ជញ្ជូនទំនិញមួយចំនួនឆ្លៀត ឱកាសវាងផ្លូវ ដែលបណ្ដាលអោយផ្លូវដទៃខូចខាត ។
រីឯក្រុមមន្ត្រីដែលប្រចាំការនៅទីនោះគឺដឹងតែពីយកលុយ បើទោះបីជាមិនលើស ទម្ងន់ឬលើសតិចតួចក៏ដោយ អ្វីដែលសំខាន់នៅពេលដែលពួកគេរកលុយបានច្រើនគឺជា មោទន ភាពដោយមិនដឹងថាលុយដែលបានច្រើនគឺជាការបំផ្លាញផ្លូវនោះទេ។
ចំណែកឯលោក សេង ឈួន មេជញ្ជីងថ្លឹងរថយន្តទូទាំងប្រទេសនិងលោក រដ្ឋមន្រ្តី ក្រសួងសាធារណការនិងដឹកជញ្ជូន ប៉េង ពោធិ៍នា រក្សាភាពស្ងៀមស្ងាត់ បណ្តោយអោយប្រធានស្ថានីយ៍ជញ្ជីងថ្លឹងរថយន្តនិងបក្សពួកស្ថិតនៅផ្លូវជាតិលេខ១ភូមិក្រសា ជេទ ឃុំរំចេក ស្រុកព្រះស្តេច ខេត្តព្រៃវែង ធ្វើអ្វើតាមអំពើចិត្ត។ហេតុនេះហើយសូមលោក ឱម យ៉ិនទៀងប្រធានអង្គភាពប្រឆាំងអំពើពុករលួយធ្លាប់ប្ដេជ្ញា លុបបំបាត់អំពើពុករលួយនៅតាមដងផ្លូវចាត់វិធានការទប់ស្កាត់និងបង្រ្កាបអំពើពុករលួយ ប្រធានស្ថានីយ៍ ជញ្ជីងថ្លឹងរថយន្តនិងបក្សពួកស្ថិតនៅផ្លូវជាតិលេខ១ ភូមិក្រសាជេទ ឃរំចេក ស្រុកព្រះស្ដេច ខេត្តព្រៃវែង ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ថ្ងៃប្រព្រឹត្តអំពើពុក រលួយហើយទាន៕មានត
