ខេត្តស្វាយរៀង ៖ គួររំលឹកផងដែរថាកាលពីថ្ងៃទី ១៧ ខែ កញ្ញា ឆ្នាំ២០២២ កន្លងទៅសម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា បានដាក់បទបញ្ជាដល់អភិបាលរាជធានីខេត្ត.ទាំង២៥ខេត្ត.ក្រុងត្រូវតែបង្រ្កាបទីតាំងបនល្បែងសុីសងគ្រប់ប្រភេទទូទាំងប្រទេសដោយគ្មានការលើកលែង។សម្តេចតេជោ បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចមូលដ្ឋានស្រុក.ក្រុង.ខេត្តណាមិនអនុវត្តទប់ស្កាត់និងបង្រ្កាបទីតាំងបនល្បែងសុីសងនៅក្នុងដែនរបស់ខ្លួននោះទេ!អាជ្ញាធរនិងសមត្ថកិច្ចមូលដ្ឋានទាំងនោះ!និងមានបញ្ហាប្រឈមនឹងបាត់បង់តំណែងទៀតផង។សូមបញ្ជាក់ថាថ្មីៗនេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា បន្តវេនបានចេញបទបញ្ជាដល់ អភិ បាល រាជធានីខេត្តទាំងអស់នូវទូទាំងប្រទេសត្រួតពិនិត្យជាបន្ទាន់លើទីតាំងបនល្បែងសុីសងគ្រប់ប្រភេទផ្សង សំណាងទាំងអស់គ្មានការលើកលែង។ដោយឡែកអាជ្ញាធរនិងសមត្ថកិច្ចមូលដ្ឋានស្រុកចន្រ្ទា និងមន្រ្តីប្រចាំច្រកឃុបឃិតបើកដៃអោយពលរដ្ឋ ខ្មែរនិងជនជាតិវៀតណាមឆ្លង ដែនចូលមក លេងល្បែងសុីសងយ៉ាងគគ្រឹកគគ្រេងផ្គើននឹងបទបញ្ជាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាច្រកកម្ពុជា។
បើតាមប្រភពសេចក្តីរាយការណ៍ពីប្រជាពលរដ្ឋរស់នៅក្នុងមូលដ្ឋានបានអោយដឹងថា បុគ្គលដែលហ៊ានបើកល្បែងសុីសងជល់មាន់បៀអាប៉ោងយូគីហ្គេមបាញ់ត្រី និងល្បែងជា ច្រើនប្រភេទទៀតនៅក្នុងកាស៊ីណូដែលគ្មានស្លាកយីហោ ប្រហែលមានខ្នងបង្អែករឹងមាំ នៅពីក្រោយ និងមានឥទ្ធិពល ទើបហ៊ានបើកអោយពលរដ្ឋខ្មែរនិងជនជាតិ វៀតណាមចូលមកលេងល្បែងតាមអំពើចិត្ត រីឯអាជ្ញាធរនិងសមត្ថកិច្ចមូលដ្ឋានប្រចាំនៅច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្នុងស្រុកចន្ទ្រា បាននាំគ្នារក្សាភាពស្ងៀមស្ងាត់។
ប្រភពបានបង្ហើបទៀតថា លោក សុខ ម៉ក់ នាយប៉ុស្តិ៍នគរបាលច្រកទ្វារទ្វេភាគីព្រំដែនសំរោង “ហៅច្រកសៀងហៃ”រួមអាជ្ញាធរនិងសមត្ថកិច្ចមូលដ្ឋាន បើកដៃអោយពលរដ្ឋខ្មែរនិងជនជាតិវៀតណាមឆ្លងដែនចូល មក លេងល្បែងយ៉ាងពេញបន្ទុក មិនរំខានដល់សមត្ថកិច្ចនោះឡើយ!គេសង្ស័យថា មន្ត្រីជំនាញពាក់ព័ន្ធប្រចាំច្រកទាំងអស់នោះសម្ងំទទួលផលប្រយោជន៍ពីម្ចាស់ទីតាំងល្បែងសុីសងទាំងអស់នោះហើយទេដឹង? បានបណ្ដោយអោយក្រុមញៀនល្បែងពលរដ្ឋខ្មែរនិងជនជាតិវៀតណាមឆ្លងដែនចូលមក លេងយ៉ាងគគ្រឹកគគ្រេងគ្មានវិធានការទប់ស្កាត់និងបង្ក្រាបសោះ។
មហាជនក៍ដូចប្រជាពលរដ្ឋរិះគន់អាជ្ញាធរនិងសមត្ថកិច្ចមូលដ្ឋានជាពិសេស លោក សុខ ម៉ក់ នាយប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ស្រុកចន្ទ្រា បើគ្មានការឃុបឃិតគ្នាជាប្រព័ន្ធនោះទេម្ចាស់ទីតាំងកាស៊ីណូគ្មានស្លាកយីហោនិងបក្សពួក មិនអាចសាងភាពល្បីល្បាញខាង បើកល្បែងស៊ីសងជល់មាន់ បៀរ អាប៉ោងយូគីហ្គេមបាញ់ត្រី និងល្បែងជាច្រើនប្រភេទទៀតនៅក្នុងស្រុកចន្រ្ទា ខេត្តស្វាយរៀង បានឡើយ។ កាស៊ីណូគ្មានស្លាកយីហោនេះបង្កប់ល្បែងសុីសងកំពុងបើកអោយពលរដ្ឋខ្មែរនិងជនជាតិវៀតណាមចេញចូលមកលេងយ៉ាងអនាធិបតេយ្យ ខ្លះស្របច្បាប់ខ្លះមិនស្របច្បាប់។
រីឯអាជ្ញាធរនិងសមត្ថកិច្ចមូលដ្ឋាន ស្រុកចន្ទ្រា រក្សាភាពស្ងៀមស្ងាត់ បណ្ដោយអោយពលរដ្ឋខ្មែរនិងជនជាតិវៀត ណាមឆ្លងដែនចូលមកលេងល្បែងសុីសងខុសច្បាប់ តាមច្រកមួយនេះយ៉ាងពេញបន្ទុកមិនទាន់ឃើញអាជ្ញាធរនិងសមត្ថកិច្ចណាចុះធ្វើការទប់ ស្កាត់និងបង្រ្កាបអោយ ស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ នោះទេ!ធ្វើអោយប្រជាពលរដ្ឋរស់នៅក្នុងស្រុកចន្ទ្រាមានការព្រួយបារម្ភភ័យខ្លាច បញ្ហា អសន្តិសុខ សង្គម និងអំពើចោរកម្ម. ចោរលួច.ចោរឆក់.ចោរប្លន់.ចោរគាស់ផ្ទះ គ្រឿងញៀននិងប្រើអំពើហិង្សាក្នុងគ្រួសារដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋរស់នៅក្នុងស្រុកចន្ទ្រា ស្នើដល់លោកនាយឧត្តមសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្ម ការទប់ស្កាត់និងបង្រ្កាបបទល្មើសល្បែងសុី សងទូទាំងប្រទេស ០ដាក់មន្រ្តីក្រោមឱវាទខេត្តចុះពិនិត្យទប់ស្កាត់និងបង្រ្កាបទីតាំងខាងលើនេះផងទាន!។
ដែលបញ្ហានេះឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង.លោក ប៉េង ពោធិ៍សា អភិបាលខេត្ត ស្វាយរៀងនិងលោកមេបញ្ជាការកងរាជអាវធហត្ថខេត្តស្វាយរៀង បើពិតមិនបានជាប់ពាក់ព័ន្ធនឹង ផលប្រយោជន៍នោះទេ? គួរចាត់វិធានការទប់ស្កាត់និងបង្រ្កាប!ទីតាំងកាសុីណូគ្មានស្លាកយីហោ ដែលបុគ្គលនោះហ៊ានបើកល្បែង ស៊ីសងជល់មាន់ បៀរ និងហ្គេមបាញ់ត្រី ខុសច្បាប់ នៅក្នុងកាស៊ីណូ ជាច្រើនកន្លែងទៀតនៅអមសងខាងប៉ុស្តិ៍នគរបាលច្រកទ្វារទ្វេភាគីព្រំដែនសំរោង”ហៅច្រកសៀងហៃ” ក្រោមការគ្រប់គ្រងរបស់លោក សុខ ម៉ក់ ដើម្បីបង្រឹងសន្តិសុខសង្គមជូនប្រជាពលរដ្ឋ៕មានត