ភ្នំពេញ ៖ ក្នុងរយៈពេលប៉ុន្មានថ្ងៃនេះ មានការសែតជាច្រើនបានចុះផ្សាយអំពីអំពើពុករលួយរបស់លោកទិត ដា អ្នករកស៊ីក៏ដូចជាមន្ត្រីគយបានបានបង្ហើបឲ្យដឹងថា ៖ នៅក្នុងទីចាត់ការគយនិងរដ្ឋាករម័យកែទម្រង់ក្រោមការដឹកនាំគ្រប់គ្រងរបស់លោកគន់ញឺមមានមន្ត្រីគយម្នាក់ឈ្មោះទិត ដា ដែលកាន់តំណែងខ្លាញ់ ពាក់ព័ន្ធនឹងលុយកាក់ ដល់ទៅពីរ
តំណែងម្នាក់ឯងគឺ៖ ទី១- ជាអនុប្រធាន អង្គភាពសវនកម្មគយ និងទី២- ជាអនុប្រធាន ការិយាល័យនាំចូល នៃអគ្គនាយកដ្ឋានគយ និងរដ្ឋាករ។ទោះបីមានតួនាទីជាអនុតែគយឈ្មោះទិតដាគឺជាមនុស្សដែលមានឥទ្ធិពល។
ប្រភពពតិមានពីបុគ្គលិករោងចក្រដេលរត់ការគយនិយាយថា មានថៅកែៗ រោងចក្រកាត់ដេរប្រភេទសម្លៀកបំពាក់ និងស្បែកជើងមួយចំនួន ត្រូវមន្ត្រីគយមួយក្រុម ដឹកនាំដោយឈ្មោះ ទិត ដា ដែលជាអនុប្រធាន អង្គភាពសវនកម្មគយផង និងជាអនុប្រធាន ការិយាល័យនាំចូល នៃអគ្គនាយកដ្ឋានគយ និងរដ្ឋាករផង គាបឲ្យបង់លុយ រាប់ម៉ឺនដុល្លារ ជាថ្នូរនិងការមិនធ្វើសវនកម្ម ឲ្យបានត្រឹមត្រូវ ច្បាស់លាស់ ១០០% ទៅលើរោងចក្រទាំងនោះ ។
ប្រភពពតិមានបានចោទប្រកាន់ថាការប្រព្រិត្តអំពើពុករលួយ របស់ក្រុមមន្ត្រីគយលោក ទិត ដា ត្រូវបានធ្វើឡើងក្រោមរូបភាព ឃុបឃិតជាមួយថៅកែៗ រោងចក្រកាត់ដេរខ្លះ ដោយមិនតម្រូវឲ្យបង់ពន្ធចូល រដ្ឋគ្រប់ចំនួន ១០០%ទេ។ ដូចជាករណី រោងចក្រធំៗដែលមានកម្មករ – កម្មការិនីច្រើន ចាប់ពីចំនួន ៣, ០០០នាក់ ទៅ ៥, ០០០នាក់ឡើងទៅ ដែលត្រូវជាប់បន្ទុក បង់ពន្ធចំណូលគយពី ២០ ម៉ឺនដុល្លារ ទៅជាង ៣០ ម៉ឺនដុល្លារនោះ គឺអាចចរចាគ្នាជាមួយ អស់លោកមន្ត្រីគយ ទិត ដា ដោយបង់ត្រឹមតែចំនួនពី ៧ ម៉ឺនដុល្លារ ទៅជាង ១០ម៉ឺនដុល្លារបានហើយ… ហើយបើរោងចក្រតូចៗ មានកម្មករ – កម្មការិនីចាប់ពី ១,០០០នាក់ ទៅ ២, ០០០នាក់ ដែលជាមធ្យម ត្រូវជាប់បន្ទុកបង់ពន្ធគយពី ៣ ម៉ឺនដុល្លារ ទៅ ៥ ម៉ឺនដុល្លារ ក៍អាចអនុវត្ត ការទូទាត់លុយកាក់ ឲ្យអស់តិចជាងនេះបានដែរ… ឲ្យតែភាគីថៅកែៗ រោងចក្រកាត់ដេរ ចេះសហការ ជួយសម្រួល ធ្វើក្រដាស បង់ចូលពន្ធគយ ឲ្យសមស្របតាមច្បាប់..។.
ក្រៅពីក្រុមគយនៃការិយាល័យនាំចូល របស់ លោក ទិត ដា ក៍ត្រូវគេប្រាប់ថា គាត់បាន និងកំពុងសប្បាយ កើបប្រមូលលុយទាំងបាច់ៗ ពីការស៊ីញ៉េលើឯកសារ សុំនាំទំនិញចូល – នាំចេញ របស់អ្នកវិនិយោគ រាប់រយឯកសារក្នុង ១ថ្ងៃៗផងដែរ។ មន្ត្រីៗគយទាំងនោះ បានតម្រូវឲ្យ ក្រុមអ្នករត់ការឯកសារ ត្រូវបង់លុយក្រោមតុ ជូនពួកគេគ្រប់ឯកសារ ទៅតាមឯកសារនិមួយៗ និងទៅតាមឋានានុក្រម «ទន្សោងគោព្រៃ… ធំស៊ីតាមធំ តូចស៊ីតាមតូច» ដែលធ្វើឲ្យលោក ទិត ដា មានជីវភាពធូរធា រស់នៅវីឡាដ៍ស្កឹមស្កៃ មានដីធ្លីជាច្រើនកន្លែង ជិះរថយន្តសុទ្ធតែសេរីទំនើបៗ តម្លៃរាប់សែនដុល្លារ ។
អ្នករត់ការគយដែលបានដឹងរឿង នោះ បាននិយាយថា បើរាជរដ្ឋាភិបាល ពិតជាមានឆន្ទៈ ចង់ដឹងថា រឿងនោះពិត… ឬក៍មិនពិត… ត្រឹមកម្រិតណានោះ សូមចាត់ឲ្យអង្គភាព ប្រឆាំងអំពើពុករលួយ ចុះធ្វើការស៊ើបអង្កេត ឬឲ្យអង្គភាព សវនកម្មឯករាជ្យ ត្រឹមត្រូវណាមួយ ចុះទៅធ្វើសវនកម្មស្ងាត់ៗ ជាមួយថៅកែៗ រោងចក្រកាត់ដែរ មួយចំនួនទៅ ប្រាកដជានឹងបានដឹង… ។
ទាំងនេះគឺជាការរាយការណ៍ចោទប្រកាន់ ពីបុគ្គលឹករោងចក្រ សារព័ត៌មានយើងសង្ឃឺមថានឹងមានការបំភ្លឺ ពីមន្ត្រីគយឈ្មោះ ទិត ដា ជុះវិញព័ត៌មានខាងលើ ជាមិនខាន..៕
