ខេត្តរតនគីរី ៖ តាមប្រភពសេចក្តីរាយការណ៍ មកថា ថ្មីៗ នេះឈ្មួញឈ្មោះ មករា និង ចែ ណាត មេឈ្មួញឈើប្រណឹតដុះស្លែប្រចាំ ក្នុងខេត្តរតនគិរី នាំគ្នាធ្វើសកម្មភាពដឹកជញ្ជូនឈើខុសច្បាប់ ទៅលក់យ៉ាងគគ្រឹក គគ្រេងនៅប្រទេសវៀតណាម តាមច្រកទ្វារព្រំដែនអន្តរជាតិអូរយ៉ាដាវ ខណៈពេលនេះអាជ្ញាធរនិងសមត្ថកិច្ចពាក់ព័ន្ធនៅតាមដងផ្លូវ មិនឃើញទប់ស្កាត់ និងបង្ក្រាបនៅឡើយទេ។
ប្រភពជាក់ស្តែងនៅវេលាម៉ោង ១យប់ ត្រូវនឹងថ្ងៃទី០៦ ខែ កុម្ភៈ ឆ្នាំ២០២៤.នេះមានរថយន្ត សាំយ៉ុងពណ៌សមួយគ្រឿងកំពុងដឹកជញ្ជូនឈើពេញរួចបើកតាមផ្លូវជាតិលេខ ៧៨ ឆ្លងកាត់ស្រុកអូរយ៉ាដាវ បានយ៉ាងរលូន ឆ្លងដែនឆ្ពោះ ទៅកាន់ទីផ្សារប្រទេសវៀត ណាម ត្រង់ចំណុចភូមិភិ ឃុំសេសាន ស្រុកអូរយ៉ាដាវ ដើម្បីលក់ធ្វើអាជីវកម្មផ្ទាល់ខ្លួន។ជាមួយគ្នានេះដែរការដឹកជញ្ជូនឈើខុសច្បាប់ ធ្វើអាជីវកម្មមិនស្របច្បាប់គេសង្កេតឃើញកើតមានជាច្រើនខែ.ច្រើនថ្ងៃមកហើយចុងឆ្នាំ ២០២៣ ដើមឆ្នាំ២០២៤.ឈើទាំងនោះត្រូវបានក្រុមឈ្មួញប្រមូលទិញពីប្រជាពលរដ្ឋ តាមបណ្តាស្រុកមួយចំនួន ដូចជា៖ ភូមិគេសាន់ ស្រុកលំផាត់ និងនៅភូមិតាកុកច្រាយ រួមនិងព្រៃសហគមន៍ ក្បែរក្រុមហ៊ុន៧២ ស្ថិតក្នុងស្រុកអូរយ៉ាដាវ លោក កែវ វុធ នាយផ្នែករដ្ឋបាលព្រៃឈើ បរកែវ អណ្តូងមាស និងស្រុកអូរយ៉ាដាវពាក់ព័ន្ធជំនួញឈើខុសច្បាប់ រីឯលោក រៃ យ៉ា ហៅប្រុស សង្កាត់រដ្ឋបាលព្រៃឈើអូរយ៉ាដាវ លោកជាប់បេសក កម្ម នៅខេត្តបាត់ដំបង លោក រៃ យ៉ា ហៅប្រុស លោកបានបញ្ជាក់អោយដឹងថា លោកពុំបាននៅកន្លែងទេ?មួយរយ:នេះគឺជាប់ព្យាបាលជំងឺផ្ទាល់ខ្លួន ករណីនេះដែរគួរសួរទៅលោក ប៉ូលីសសេដ្ឋកិច្ច និងអាជ្ញាធរមូលដ្ឋាន។ លោក ហេង ប៊ុន្នី អភិបាល ស្រុកអូរយ៉ាដាវ បានបញ្ជាក់ប្រាប់តាម ទូរស័ព្ទថាពាក់ព័ន្ធការដឹកជញ្ជូនឈើធ្វើអាជីវកម្មមិនស្របច្បាប់នោះ លោកអរគុណ ដែលបានផ្តល់ព័ត៌មានលោកនិងដាក់កម្លាំងដើម្បីធ្វើការទប់ស្កាត់ហើយ មិនអនុញ្ញាតអោយពួកគេដឹកជញ្ជូនបន្តធ្វើអាជីវកម្មទៀតឡើយ។
ប្រភពពីមន្ត្រីតូចតាចអត់លិឌ្ឍបានអោយដឹងថា ការរកស៊ីឈើក្នុងខេត្តរតនគិរី កន្លងមកដល់ បច្ចុប្បន្ននេះ ដូចជាមិនដែលមានច្បាប់អនុញ្ញាតនោះទេ! ប៉ុន្តែរាល់ការដឹកជញ្ជូនឈើឆ្លងដែនរាងរាល់ថ្ងៃគេពុំដែលឃើញសមត្ថកិច្ចពាក់ព័ន្ធនិង អាជ្ញាធរមូលដ្ឋានចុះទប់ស្កាត់និងបង្រ្កាបសោះ!ហើយតែងតែអះអាងថា មិនបានអនុញ្ញាតអោយក្រុមឈ្មួញមុខដដែលៗនោះនៅតែមានឱកាសតាំងពីឈើនៅសំបូរបែបគ្រោប ដណ្តប់ផ្ទៃដីប៉ុន្មាន៧០% នៅផ្ទៃដីសរុប នៅពេលនេះ ប្រហែលនៅសល់តែ ៣០% ៤០% តែ ប៉ុណ្ណោះ។
ចុងបញ្ចប់នេះដែរប្រជាពលរដ្ឋក៍មហាជនសូមសំណូមពរទៅ ដល់លោកឧត្តមសេនីយ៍ត្រី ថាវ យ៉េន មេបញ្ជាការកងរាជ អាវុធហត្ថខេត្តរតនគិរីនិង ឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី ជាពិសេស ឯកឧត្តម ញ៉ែម សំអឿន អភិបាលខេត្តរតនគិរី មេត្តាចាត់មន្រ្តីជំនាញក្រោមឱវាទចុះទប់ស្កាត់និងបង្រ្កាបក្រុមឈ្មួញរកស៊ីដឹកជញ្ជូនឈើខុសច្បាប់ ឆ្លងដែនទៅលក់នៅប្រទេសវៀតណាមតាមច្រទ្វារព្រំដែនអន្តរជាតិអូរយ៉ាដាវ ទាំងពីនាក់នេះអោយប្រសិទ្ធភាពផង៕មានត