ខេត្តកណ្តាល៖ ប្រភពពីប្រជាពលរដ្ឋរស់នៅសង្កាត់តាខ្មៅបានអោយដឹងថា មានទីតាំងល្បែងស៊ីសងឆ្នោតឡូតូតាមប្រពន្ធ័អនឡាញមួយកន្លែងនៅតែបើកលេងដដែល! ដែលស្ថិតនៅសង្កាត់តាខ្មៅ ក្រុងតាខ្មៅនៅតែបើកដំណើរការអោយក្រុមញៀនល្បែងលេងយ៉ាងគឃ្លើនផ្គើនទៅនឹងបទបញ្ជាសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា!ដោយគ្មានខ្លាចញញើតអាជ្ញាធរនិងសមត្ថកិច្ចមូលដ្ឋានចុះបង្ក្រាបនោះទេ។
ប្រជាពលរដ្ឋនិងមហាជនលើកឡើងថា ម្ចាស់ទីតាំងល្បែងថ្លើមធំហ៊ានផ្គើនបទបញ្ជាប្រមុខ រដ្ឋាភិបាលឬមន្ត្រីមូលដ្ឋានជាពិសេសលោវរសេនីយ៍ឯក យី វណ្ណដា អធិការដ្ឋាននគរ បាលក្រុងតាខ្មៅ។ សូមបញ្ជាក់ថា ថ្មីៗនេះសម្ដេចធិបតី ហ៊ុន ម៉ាណែត បានដាក់បទបញ្ជាឱ្យបញ្ឈប់អាជីវកម្មល្បែងស៊ីសងឆ្នោតឡូតូតាមប្រព័ន្ធអនឡាញទាំងអស់!ទោះមានច្បាប់ឬក៏មិនមានច្បាប់ទូទាំងប្រទេសគ្មានការលើកលែង។
ហេតុដូច្នេះហើយទើបធ្វើអោយប្រជាពលរដ្ឋនៅក្នុងមូលដ្ឋានកំពុងមានការព្រួយបារម្ភយ៉ាងខ្លាំងបញ្ហាអសន្តិសុខ សង្គមនិងអំពើចោរកម្ម.ចោរលួច. ចោរឆក់.ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿង ញៀនជាដើមចមកើតចេញពីល្បៃងសុីសងនេះឯង។ខណ: ពេលឃើញក្រុមអ្នកញៀល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងឆ្នោតឡូតូតាមប្រព័ន្ធអនឡាញទាំងយប់ទាំងថ្ងៃ!បែរជាអាជ្ញាធរនិងសមត្ថ កិច្ចក្នុងមូលដ្ឋានហាក់បីដូចជាគ្មានចំណាត់ការទប់ស្កាត់និងបង្រ្កាបទាល់តែសោះនោះ។ប្រជាពលរដ្ឋរស់នៅសង្កាត់តាខ្មៅក្រុងតាខ្មៅ សូមសំណូមពរដល់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ជាពិសេសលោក គង់ សោភ័ណ្ឌ អភិបាល ខេត្តកណ្តាល មេត្តាចាត់កម្លាំងជំនាញក្រោមឱវាទចុះជ្រាវស្រាវទប់ស្កាត់ និងបង្ក្រាប ទីតាំងល្បែងស៊ីសងខាងលើនេះអោយមានប្រសិទ្ធភាពផង! ស្របតាមប្រសាសន៍ដ៍ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីរក្សាសន្តិសុខ សុខវត្ថិភាពជូនប្រជាពលរដ្ឋរស់នៅក្នុងមូលដ្ឋានស្របតាម គោលនយោបាយ ភូមិ.ឃុំ. សង្កាត់.មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕
