ខេត្តកោះកុង៖ ទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ឆ្លងដែនក្រោមខ្សែរភ្នែកលោក ទុំ ណូ មេគយខេត្តកោះកុង កំពុងជិះសេះ លែងដៃក្នុងអំពើពុករលួយនៃការអនុញ្ញាតឲ្យនាំទំនិញចូល លើផ្ទៃសមុទ្រគ្មាននរណាអាចវាស់មើលបានឡើយដែលប្រការនេះគឺលោក ទុំ ណូ មិនខ្វល់អំពីបញ្ហាអ្វីទាំងអស់។ ក្រុមឈ្មួញនាំទំនិញគេចពន្ធ, សាំងគេចពន្ធ និងទំនិញបងបង់ពន្ធមិនគ្រប់និងទំនិញខុសច្បាប់ចេញពីប្រទេសថៃ តាមច្រកកំពង់ផែ ផ្លូវទឹកនិងផ្លូវគោកយ៉ាងពេញបន្ទុកដោយរលូនក្នុងទឹកដីខេត្តកោះកុង យ៉ាងគំហុកដោយគ្មានអាជ្ញាធរនិងសមត្ថកិច្ចជំនាញពាក់ព័ន្ធណាមួយបង្រ្កាបឬទប់ស្កាត់ឡើយ។
ប្រភពពីសមត្ថកិច្ចស្ថាប័នផ្សេងៗបានឲ្យដឹង ថា ការនាំទំនិញគេចពន្ធចេញមកពីប្រទេស ថៃ ឆ្លងដែលចូលមកទឹកដីកម្ពុជាបានយ៉ាងរលូនបែបនេះមកពីមានការបើកដៃ និងឃុប ឃិតគ្នាជាប្រព័ន្ធពីសំណាក់លោក ទុំ ណូ មេសាខាគយខេត្តកោះកុង ដែលផ្លាស់ប្ដូរមកពីខេត្តព្រះសីហនុ ទើបក្រុមឈ្មួញនិងអាជីវកររកស៊ីដឹកជញ្ជូនទំនិញចូលពីប្រទេសថៃ ឆ្លង ដែនកាត់ខេត្តកោះកុងបាន បើមិនដូច្នោះទេកុំសង្ឃឹមថាបាននាំទំនិញបង់ពន្ធខ្លះគេចពន្ធចូលមកបាននោះ។បើគ្មានការអនុញ្ញាតនិង បើកភ្លើងខៀវពីលោកទុំ ណូ មេគយខេត្តកោះកុងនោះ និងមានការត្រូវរ៉ូវគ្នាជាមួយសមត្ថកិច្ចជំនាញដែលពាក់ព័ន្ធតាមច្រកព្រំដែនផ្លូវទឹក និងផ្លូវគោកនោះទេ!គឺមិនអាចនាំទំនិញទាំងនោះចូលមកប្រទេសខ្មែរយ៉ាងគំហុកបានឡើយ។
ក្រុមឈ្មួញនិងអាជីវកររកស៊ីដឹកទំនិញពីចេញប្រទេសថៃ រិះគន់ចំៗថា លោក ទុំ ណូ ក្នុងតួនាទីជាមេសាខាគយខេត្តកោះកុង មានអំណាចគ្រប់គ្រងទៅលើការិយាល័យគយជាច្រើនកន្លែងនៅក្នុងដែនសមត្ថកិច្ចប្រមូលពន្ធគយ ដូចជា៖ ច្រកចាំយាម, កំពង់ផែស្រែអំបិល, កំពង់ផែកែវផុស និងច្រកលួចលាក់តូចៗជាច្រើនទៀតដែលងាយស្រួលក្នុងការប្រព្រឹត្តអំពើពុករលួយជាមួយឈ្មួញដែលរកស៊ីនាំទំនិញចូលពីប្រទេសថៃឲ្យកូនចៅធ្វើអ្វីស្រេចតែអំពើចិត្ត លួចបើកឲ្យទំនិញគេចពន្ធ និងទំនិញបង់ពន្ធស្ទើរមិនគ្រប់ ចំណីអាហារខូចខូចគុណឲ្យក្រុមឈ្មួញនាំចូលពីប្រទេសថៃយ៉ាងរលូន!ដោយគ្មានការឆែក ឆេរត្រួតពិនិត្យនិងរឹតបន្តឹងពីមន្ត្រីគយ ដោយ សារគេបង់សេវាឲ្យ ដោយមិនចេញវិក័យប័ត្រក៏មានប្រមូលលុយដាក់ហោប៉ៅចែកគ្នា យ៉ាងងាយចែកគ្នាធ្វើមានបាន ធ្វើឲ្យបាត់បង់ចំណូលចូលរដ្ឋ ក្នុង១ខែៗរាប់សិបលានថែមទៀត?។
ប្រភពពីសមត្ថកិច្ចដដែលបានបង្ហើបអោយដឹងទៀតថា ទំនិញគេចពន្ធ.ទំនិញបង់ពន្ធមិនគ្រប់និងទំនិញខុសច្បាប់ដែលនាំចូលពីប្រទេសថៃ មាន ដូចជា៖ ស្រាបៀរជាច្រើនប្រភេទភេសជ្ជៈកំប៉ុងឬដប, គ្រឿងសំណង់, ទំនិញចាប់ហួយ និង គ្រឿងសំអាងការជា ដើម។ល។
ប្រភពបានបន្ថែមថា ក្រៅពីទំនិញសព្វសារ ពើក៏មានការនាំចូលម៉ូតូគេចពន្ធគ្រប់ប្រភេទ យ៉ាង សកម្មផងដែរ ពួកឈ្មួញអ្នករកស៊ីនាំម៉ូតូគេចពន្ធក្នុង១ ជើងៗរាប់រយគ្រឿងសុទ្ធ តែត្រូវស្គាល់យ៉ាងជិតស្និទ្ធជាមួយលោក ទុំ ណូ មេគយខេត្តកោះកុង ពួកឈ្មួញនាំចូលម៉ូតូគេចពន្ធជាចំហរ ពីប្រទេសថៃចូលប្រទេសខ្មែរទឹកដីខេត្តកោះកុង ដោយមិនខ្លាច រអារច្បាប់ទម្លាប់ប្រទេសនោះឡើយ។
បើតាមប្រភពពីអ្នកបញ្ជាយានយន្តដឹកទំនិញឆ្លងកាត់តាមផ្លូវជាតិលេខ៤៨ត្រូវបង់លុយចាប់ពី១០ម៉ឺនរៀល ឡើងទៅ,រថយន្តធំដឹកទំនិញត្រូវបង់ លុយពី២០ម៉ឺនរៀល ឡើងទៅ បើមានទំនិញសំពីងសំពោងច្រើនត្រូវបង់ លុយពី២៥មម៉ឺនរៀលទៅតាមសភាពនៃការដឹកជញ្ជូនជាក់ស្តែង។ សកម្មភាពបែបនេះគឺអាចមើលដោយភ្នែក ទទេឃើញថាជារៀងរាល់ថ្ងៃ នៅតាមបណ្ដាច្រកព្រំដែនរវាងប្រទេសកម្ពុជានិងប្រទេសថៃក្នុងភូមិសាស្ត្រខេត្តកោះកុងតាមដែនទឹកនិងដែនគោក។ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរង់ចាំនូវការពន្យល់ បកស្រាយពីលោក ទុំ ណូ ប្រធានសាខាគយនិងរដ្ឋាករខេត្តកោះកុង រាល់ម៉ោងធ្វើការ៕មានត
